EDCON (The Community Ethereum Development Conference) 2023 – ღონისძიება, რომელიც ეძღვნება უახლეს ინოვაციებსა და ტენდენციებს ბლოკჩეინის ეკოსისტემაში.
ღონისძიება EDCON 2023 მონტენეგროს დედაქალაქში, პოდგორიცაში გაიმართება. 2023 წლის 19-23 მაისს ეს მოვლენა მოიზიდავს დეველოპერებს, მეწარმეებსა და მკვლევარებს მთელი მსოფლიოდან. კონფერენციის მონაწილეები განიხილავენ უახლეს ტენდენციებსა და მიღწევებს დეცენტრალიზებული ტექნოლოგიების სფეროში. ღონისძიება ითვალისწინებს სხვადასხვა აქტივობას, მათ შორის თემატურ გამოსვლებს, პანელურ დისკუსიებს, სემინარებსა და ნეტვორკინგს. EDCON-ის მიზანია, გააერთიანოს ინდუსტრიის ლიდერები, დეველოპერები, მეცნიერები და ინვესტორები და მათი ყურადღება გაამახვილოს Ethereum-სა და დეცენტრალიზაციის სხვა ტექნოლოგიებზე. გარდა ამისა, აქ ბლოკჩეინის ინდუსტრიის პროექტებიც იქნება წარმოდგენილი.
სპიკერებს შორის არიან:
- ვიტალიკ ბუტერინი, Ethereum-ის თანადამფუძნებელი;
- ვლად ზამფირი, Ethereum Foundation-ის მკვლევარი;
- ტიმ ბელკო, Blockchain-დეველოპერი, Ethereum Foundation;
- საი ლი, UETH-ის დირექტორი;
- სკოტ მური, Gitcoin-ის თანადამფუძნებელი;
- არტურ ჟერვე, ლონდონის საუნივერსიტეტო კოლეჯის ასოცირებული პროფესორი;
EDCON Super Demo:
2023 წლის 19 მაისს EDCON-ის ღონისძიების ფარგლებში გაიმართება კონკურსი EDCON Super Demo. ის მიეძღვნება ნოვატორულ Ethereum და ბლოკჩეინ პროექტებს. შეჯიბრის ორგანიზატორები არიან EDCON და Ethereum-ის უნივერსიტეტი (UETH). კონკურსის მთავარი ამოცანაა Ethereum ტექნოლოგიის და მისი ეკოსისტემის შემდგომი განვითარების სტიმულირება, Ethereum Foundation-ისა და სხვადასხვა საზოგადოების მხარდაჭერით. პრეზენტაციისთვის თითოეულ პრეტენდენტს 15 წუთი მიეცემა, ხოლო სამი გამარჯვებული საპრიზო ფონდიდან $10 000-ით დაჯილდოვდება და კონფერენციის მთავარ სცენაზე პროექტების დემონსტრირებას შეძლებს.
როგორც მანამდე, ახლაც EDCON შანსს აძლევს მონაწილეებს, ეზიარონ დეცენტრალიზებულ ტექნოლოგიებს, შეიტანონ წვლილი მის მომავალში და გაეცნონ ნოვატორულ პროექტებს Ethereum-ისა და ბლოკჩეინის სფეროში. კოლექტივი აქ საკმაოდ კოლორიტულია. მონაწილეებს შორის არიან მეწარმეები, დეველოპერები, ინვესტორები და უბრალოდ ბლოკჩეინის თაყვანისმცემლები. აქედან გამომდინარე, შესაძლებელი იქნება კავშირების, პარტნიორული ურთიერთობების დამყარება და რაიმე ახლის შექმნა, თუ ამ საქმეში მარჯვე ხართ.
