მეცნიერებათა დოქტორები, რომლებიც კრიპტოგრაფიასა და ბლოკჩეინს იკვლევენ, პოლიტიკოსები, რომლებიც კრიპტოვალუტებს მხარს უჭერენ, ინჟინერ-პროგრამისტები და დარგის სხვა ექსპერტები მე-5 საერთაშორისო სამეცნიერო ბლოკჩეინ კონფერენციაზე შეიკრიბებიან, რათა საზოგადოებას თავიანთი
ISC 2023 18 მარტს დიდ ბრიტანეთის ქალაქ მანჩესტერის სასტუმრო Innside by Melia-ს საკონფერენციო დარბაზში გაიმართება.
Blockchain International Scientific Conference-მა მსოფლიო ასპარეზზე მსგავს ყოველწლიურ ღონისძიებებს შორის მყარი პოზიცია დაიკავა. კონფერენციის დამსწრეებს შეეძლებათ, მოუსმინონ ინდუსტრიულ და აკადემიურ კვლევებს, გაეცნონ განაწილებული რეესტრისა და Web3-ის ინოვაციებს, რათა ცხოვრების სხვადასხვა სფეროში ბლოკჩეინის გამოყენებაში უკეთ გაერკვნენ.
ISC 2023-ის ერთ-ერთი მთავარი სპიკერი იქნება გიბრალტარის ციფრული და ფინანსური სერვისების მინისტრი, დეპუტატი Albert Isola. ის წარადგენს პრეზენტაციას თემაზე „კრიპტოაქტივები და მთავრობა“ და გააკეთებს თავის კომენტარს კრიპტოვალუტის რეგულირების პოლიტიკის შემუშავებაზე.
ძირითადი მოხსენებით წარდგება ასევე არკანზასის ამერიკული უნივერსიტეტის მოწინავე გამოცდილების ბლოკჩეინ ცენტრის დირექტორი, პროფესორი Mary Lacity. კვლევის თემაა „Web3-ის გამოყენება“.
პოსტკვანტურ ბლოკჩეინებზე ისაუბრებს პროფესორი Dr Rob Campbell, რომელიც არის კაპიტოლიუმის ტექნოლოგიური უნივერსიტეტის კვანტური გამოთვლების კვლევითი პროგრამის თავმჯდომარე.
თემით "NFT და ციფრული აქტივები“ გამოვა ბრიტანეთის ბლოკჩეინის ასოციაციის მრჩეველთა საბჭოს წევრი Jemma Fleetwood. ჩამოთვლილი ექსპერტების გარდა, მოსალოდნელია ბლოკჩეინ დარგის კიდევ დაახლოებით ათეული წარმომადგენლის მოხსენებები.
საერთაშორისო სამეცნიერო ბლოკჩეინ კონფერენციის ორგანიზატორია ბრიტანეთის ბლოკჩეინის ასოციაცია (British Blockchain Association, BBA). ის 2017 წელს არაკომერციული ორგანიზაციის სახით დაარსდა, რომელიც საჯარო და კერძო სფეროებში ბლოკჩეინისა და სხვა განაწილებული რეესტრების გამოყენებას უწევს პოპულარიზაციას და გამოყენების მიზანშეწონილობას მეცნიერულად ამტკიცებს.
ბრიტანეთის ბლოკჩეინის ასოციაციის მრჩეველთა საბჭოში შედიან მეცნიერები, რომლებიც სწავლობენ ბლოკჩეინს, IT-სა და კომპიუტერულ მეცნიერებებს, ასევე პოლიტიკოსები, დეველოპერები, გრძელვადიანი ინვესტორები, რომლებიც ხელს უწყობენ განაწილებული რეესტრის ტექნოლოგიის დანერგვას.
ბრიტანეთის ბლოკჩეინის ასოციაცია უშვებს საკუთარ ჟურნალს, რომელშიც აქვეყნებს კვლევებს შესაბამის თემაზე. BBA-ს ასევე აქვს საკუთარი ბლოკჩეინის კვლევის ცენტრი (CEBB), რომელიც აერთიანებს მეცნიერებს წამყვანი უნივერსიტეტებიდან და აკადემიური ორგანიზაციებიდან. ისინი მთავრობებსა და კერძო კომპანიებს უტარებენ კონსულტაციებს ბლოკჩეინის დანერგვის შესახებ.
