Coinbase-ის ბრძოლა SEC-თან კრიპტოსაზოგადოებას იმედს უსახავს

თავის სტატიაში "Coinbase ვაშინგტონის მთავარ კრიპტოსკეპტიკოსს უპირისპირდება“, ცნობილი მედიასაშუალება Politico აღნიშნავს, რომ Coinbase-ის CEO ბრაიან არმსტრონგი ვაშინგტონის მთავარ ფინანსურ პოლიციელთან საბოლოო დაპირისპირებისთვის მზად არის. 

ანუ აშშ-ის ფასიანი ქაღალდებისა და ბირჟების მარეგულირებელ კომისიასთან (SEC).

სტატიაში საუბარია იმაზე, რომ SEC კრიპტოდომენზე სრულმასშტაბიან შეტევაზე გადავიდა და ასევე მიზანში Gemini და Kraken ამოიღო. 

ახლა კი ის შემდგომ ნადავლად Coinbase-ს განიხილავს და ამტკიცებს, რომ ბირჟა ფასიანი ქაღალდებით უკანონოდ ვაჭრობს.

Coinbase ამ ბრალდებებს უარყოფს. გარდა ამისა, შრომის ყოფილი მინისტრის, იუჯინ სკალიას ხელმძღვანელობით, რომელიც კორპორაციულ ამერიკაში SEC-ის ცნობილი ოპონენტია, მან SEC-ის წინააღმდეგ სარჩელი შეიტანა. 

”რეალობა ისაა, რომ დღეს კანონი ციფრული აქტივების ბაზრის დიდ მონაკვეთებზე არ ვრცელდება,” - განაცხადა Coinbase-ის გენერალურმა მრჩეველმა პოლ გრევალმა ხუთშაბათის ინტერვიუში. "ჩვენ არ გვხიბლავს მნიშვნელოვან მარეგულირებელ SEC-თან სასამართლოს შესაძლებლობა. მაგრამ ჩვენ დავიცავთ კანონის უზენაესობას იმ ფორმით, როგორც ის ამჟამად არსებობს, არა მხოლოდ Coinbase-ისთვის, არამედ მთელი დარგისთვის”.

გრევალი დასძენს, რომ SEC-ის პრეტენზიები Coinbase-ის მიმართ საღ აზრს მოკლებულია მას შემდეგ, რაც რამდენიმე წლის წინ კომისიამ, მას, ფაქტობრივად, მწვანე შუქი აუნთო.

შემდეგ Politico აღნიშნავს, რომ თუ SEC ბრალდებებს წამოაყენებს, ეს სერიოზულ გავლენას მოახდენს არა მხოლოდ Coinbase-ზე, არამედ აშშ-ის კრიპტობაზრის მომავალზეც.

”სასწორზე ყველაფერია”, - თქვა აშშ-ის ფასიანი ქაღალდებისა და ბირჟების მარეგულირებელი კომისიის ყოფილმა ადვოკატმა, ემილი გარნეტმა, რომელიც ახლა Brownstein Hyatt Farber Schreck-ის აქციონერია.

მიუხედავად იმისა, რომ SEC, როგორც ჩანს, პროცესის დასაწყებად მზად არის, Politico-ს თქმით, კრიპტოვალუტის მომხრეები იმედოვნებენ, რომ Coinbase გაიმარჯვებს.

"როდესაც მარეგულირებელი ორგანო სასამართლო სარჩელს წარადგენს, ეს არასოდეს არის მარტივი გზა“, - თქვა  Blockchain Association-ის პოლიტიკურმა მრჩეველმა, მარისა ტაშმან კოპელმა. "მაგრამ არცერთი საქმე არ გადაცემულა სააპელაციო სასამართლოს და არც ერთი მათგანი არ გადაცემულა უზენაეს სასამართლოს. ამიტომ ოპტიმისტურად ვარ განწყობილი".

მანამდე GNCrypto წერდა, რომ Coinbase სასამართლო დავისთვის ემზადება.