აშშ-ის ბიტკოინ-მაინერებმა შვებით ამოისუნთქეს

ეს ეხება ციფრული აქტივების მოპოვების სააქციზო გადასახადს (DAME). ეს გადასახადი მიღებული რომ ყოფილიყო, კრიპტოვალუტის მოპოვების ყველა ოპერაციიდან 30%-ის გადახდა გახდებოდა აუცილებელი.

ბაიდენის ადმინისტრაციას ამ გადასახადის დაწესების არგუმენტად ეკოლოგიური პრობლემები და კრიპტოვალუტების მოპოვების შედეგად მავნე საზოგადოებრივი  ზეგავლენის  შემსუბუქების აუცილებლობა მოჰყავდა.

ბიტკოინის მაინინგის დაცვის ჯგუფის, Satoshi Action Fund-ის ხელმძღვანელმა დენის პორტერმა DAME-ს გადასახადის ინიციატივის სტატუსის შესახებ შეკითხვა დასვა, ვინაიდან ფისკალური პასუხისმგებლობის შესახებ კანონში (2023 წლის მე-5 აქტი)  ის მითითებული არ არის. პორტერის შეკითხვაზე პასუხის გაცემის დროს კონგრესმენმა უორენ დევიდსონმა (R-OH-08) ტვიტერში დაწერა, რომ შემოთავაზებული გადასახადების დაბლოკვა ამ შეთანხმების ერთ-ერთი გამარჯვებაა.

ვალის ზედა ზღვრის შეთანხმება, რომელიც 99-გვერდიან კანონპროექტშია ასახული, კონგრესში დეტალურად შესწავლილი და  განხილული იქნება. შემოთავაზებული კანონპროექტი მიმართულია 2025 წლამდე სახელმწიფო ვალის ლიმიტის შეჩერებაზე, რათა პოტენციური დეფოლტი თავიდან იყოს აცილებული, ასევე მიღებული იქნება შეზღუდვები სახელმწიფო ხარჯებზე.