როგორ შეცვლის MiCA Regulation ევროპულ კრიპტობაზარს

პირველად ევროპულმა მარეგულირებლებმა დაიწყეს საუბარი კრიპტოაქტივების ბაზრის მარეგულირებელი რეგულაციის შექმნის აუცილებლობაზე (Markets in Crypto-Assets Regulation ან MiCA) მას შემდეგ, რაც Facebook-მა წარადგინა თავისი სტეიბლკოინი Libra. ის ფაქტი, რომ Libra  ვერასოდეს გახდება სუვერენული ვალუტა და უცილებელი იქნება  მომხმარებელთა უფლებების საიმედო დაცვა, საფრანგეთის ფინანსთა მინისტრმა პროექტის დაწყებიდან რამდენიმე წუთში განაცხადა. FTX, Terra და Celsius Network-ის გაკოტრებამ ხელისუფლების გადაწყვეტილება მხოლოდ გააძლიერა.

ევროპამ გადაწყვიტა , რომ კრიპტოაქტივებისა და კრიპტო აქტივების პროვაიდერების უმეტესობისთვის არსებული კანონები მიუღებელია. ამიტომ დაიწერა ახალი დოკუმენტი, რომელიც არეგულირებს კრიპტოვალუტას და კრიპტო კომპანიების საქმიანობას. ევროპარლამენტი, სავარაუდოდ, კენჭს უყრის MiCA-ს 2023 წლის აპრილში, როდესაც დოკუმენტის მიღება უნდა მოხდეს. როდესაც ეს დოკუმენტი მიღებული იქნება, ის ევროკავშირის 27 წევრი ქვეყნისთვის კანონი გახდება. რეგლამენტი სრულად 18-თვიანი გარდამავალი პერიოდის შემდეგ ამოქმედდება. აღსანიშნავია, რომ უკრაინის შესაბამისი კანონმდებლობაც MiCA-ს ბაზაზე სწორედ ახლა იწერება.

„განაწილებული რეესტრის ტექნოლოგიაზე დაფუძნებული ტოკენი, რომელიც გამოიყენება როგორც გაცვლის საშუალება“  კრიპტოაქტივად ჩაითვლება. MiCA-ს წესები გამოყენებული იქნება ხოლოდ რეგულაციის ძალაში შესვლის შემდეგ გამოშვებულ ტოკენებზე (კანონს უკუძალა არ აქვს). ახალ პროექტებს დასჭირდება:

ახლა მთავარი ის არის, რომ NCA-მა whitepaper არ "უარყოს". ეს არის ზუსტად ის ფორმულირება, რითაც, კანონმდებლების იდეის მიხედვით, უნდა გამოირიცხოს ტოკენების რეკლამა, როგორც "დამტკიცებული NCA-ის მიერ".

Whitepaper გარკვეულწილად მოგვაგონებს პროექტის აღწერას, რომელიც IPO-ზე გადის. დოკუმენტი უნდა შეიცავდეს ყველა საჭირო ინფორმაციას პროექტის შესახებ, მათ შორის მენეჯერების ბიოგრაფიას, ბიზნეს იდეის არსს, მისი განხორციელების ტექნოლოგიას, აგრეთვე ტოკენ პროვაიდერების ვალდებულებებს და მყიდველების უფლებებს. Whitepaper-ს  სამოქალაქო-სამართლებრივი შედეგები ექნება. კომპანია ვალდებულებას იღებს მიაწოდოს  უტყუარი ინფორმაცია და საკუთარი დაპირებები შეასრულოს. წინააღმდეგ შემთხვევაში - სასამართლო და ციხეც კი.

Whitepaper შეიძლება  NCA-ს არ წარედგინოს, თუ ტოკენებს 150-ზე ნაკლებ მყიდველს სთავაზობენ ან ის 1 მილიონ დოლარზე ნაკლები ღირს, თუ მათ მხოლოდ კვალიფიციურ ინვესტორებს სთავაზობენ, პლუს რამდენიმე სხვა გამონაკლისი. სხვა საქმეა, თუ თქვენი კლიენტების ბაზა 2 მილიონზე მეტი ადამიანია, ტოკენების ღირებულება 1 მილიარდ ევროზე მეტია, ყოველდღიური ტრანზაქციის რაოდენობა 0,5 მილიონზე მეტი ან 100 მილიონ ევროზე მეტია და ა.შ. ანუ თუ თქვენ „ზომით დიდი“ ხართ, მაშინ თქვენი ტექნიკური დოკუმენტები ეროვნული მარეგულირებლიდან ევროპულს გადაეცემა. აქ კი უფრო მაღალი  მოთხოვნებია კაპიტალის მიმართ და უფრო მეტია ევროკავშირის ჩარევა კომპანიის შიდა პოლიტიკაში.

არსებობს ასევე მოთხოვნების ჩამონათვალი კრიპტოაქტივების სერვისის პროვაიდერების მიმართ (Crypto Asset Service Providers ან CASP). მაგალითად, კომპანიებმა უნდა შეინახონ სარეზერვო ფონდში ზარალის დასაფარად საკმარისი თანხები (მცირე ფიქსირებული თანხიდან გარკვეულ წლიურ საოპერაციო ხარჯებამდე, მომსახურების სახეობიდან გამომდინარე). CASP-ებს მოეთხოვებათ დაამტკიცონ, რომ კომპანიის შიდა წესები გამორიცხავს ბაზრით მანიპულირებას და სხვა სახის ბოროტად გამოყენებას. სერვისის მიმწოდებლის სახსრები მისი მომხმარებლების ფულისგან უნდა გამოიყოს. CASP ასევე შეინახავს და მიაწვდის NCA-ს ყველა საჭირო ინფორმაციას, მათ შორის მონაცემებს კლიენტების ტრანზაქციების შესახებ. კიდევ ერთი ნათელი სიახლე არის ის, რომ CASP-ებს უნდა ჰყავდეთ შესაბამისი აქციონერები და მენეჯერები. აქციონერებს არ უნდა ჰქონდეთ კრიმინალური წარსული, ხოლო  მენეჯერებს გარკვეული გამოცდილება და კვალიფიკაცია მოეთხოვებათ.

ევროპა კრიპტოგრაფიის დარგში გლობალური ლიდერობისთვის ემზადება. კანონმდებლების ჩანაფიქრის მიხედვით, MiCA-ს შემუშავება და განხორციელება მნიშვნელოვანი ნაბიჯია მომავალი ლიდერობისკენ. MiCA-ს სიმკაცრისა და სიმძიმის მიუხედავად, ბაზრის ბევრი მოთამაშე ამ საკანონმდებლო ინიციატივას მხარს უჭერს. მას თამაშის წესებში სიცხადე შეაქვს და ის უფრო გასაგები ხდება.

ასევე, მნიშვნელოვანი უპირატესობაა საერთო ევროპული რეგისტრაცია, რომელიც კრიპტო კომპანიებს საშუალებას მისცემს სწრაფად გააფართოვონ თავიანთი ბიზნესი ევროკავშირის ნებისმიერ ქვეყანაში. Whitepaper-ის მიმართ მოთხოვნები პასუხისმგებლობას გაზრდის:  ინტერნეტიდან ტექნიკური შაბლონის დოკუმენტი საკმარისი აღარ იქნება. მაგრამ IPO-ს პროსპექტის ასეთი ანალოგის შედგენის ხარჯები, კომპანიებისთვის, რა თქმა უნდა, მაღალი იქნება.

ამავდროულად, კრიპტობაზრის რეგულირების მცდელობის აშკარა „ვიწრო ადგილი“ არის ინდუსტრიის სწრაფი განვითარება. მაგალითად, როდესაც MiCA პროექტი პირველად წარუდგინეს საზოგადოებას 2020 წელს, NFT აღიქმებოდა, როგორც საინტერესო ექსპერიმენტები. დღეს კი, როდესაც რეგლამენტი მზად არის კენჭისყრისთვის, ყველა მხოლოდ ურთიერთშეუცვლელ ტოკენებზე საუბრობს. შედეგად, შეთანხმდნენ იმაზე, რომ NFT უბრალოდ არ იქნება რეგულირებული MiCA-ს მიერ. რა სიახლეები შეიძლება გამოჩნდეს მომდევნო 18 თვის განმავლობაში, როდესაც რეგულაცია სრულ ძალაში შევა, ამაზე მხოლოდ მარჩიელობაა შესაძლებელი.