რა არის Bone ShibaSwap (BONE)? პროექტის მიმოხილვა
Bone ShibaSwap (BONE) არის ShibaSwap-ის ეკოსისტემის ერთ-ერთი ფლაგმანური ტოკენი. ეს მმართველობითი ტოკენია, რომელიც Shib Army-ის მიერ Doggy DAO-ში შემოთავაზებების კენჭისრისთვის შემუშავდა. BONE ასევე გახდა Shibarium-ის საფუძველი, რომელიც წარმოადგენს Ethereum-ზე დაფუძნებულ, მეორე დონის ბლოკჩეინ ქსელს Shiba Inu-სთვის.
პროექტის მისია
ShibaSwap არის დეცენტრალიზებული ბირჟა (DEX), რომელიც შექმნილია Ethereum-ის ბლოკჩეინის საფუძველზე უცნობი დეველოპერის, ან გუნდის მიერ, სახელად Ryoshi.
წყარო: blog.shibaswap.com
ShibaSwap გახდა Shiba Inu-ს ეკოსისტემის ერთ-ერთი საბაზისო ელემენტი.
ტოკენები Shiba Inu არის თესლი, საიდანაც აღმოცენდა ეკოსისტემა, ShibaSwap კი არის არის ის, თუ როგორ გაიდგეს მათ ფესვები, - აღნიშნულია შიბპედიაში.
ბირჟის მისიაა, უზრუნველყოს მომხმარებლებისთვის უსაფრთხო ადგილი ტოკენებით ვაჭრობისთვის და მათგან ყველაზე აქტიურები სტიმულებითა და ჯილდოებით წაახალისოს. კერძოდ, საუბარია ლიკვიდობის მიმწოდებლებზე.
ShibaSwap-ის ეკოსისტემაში სამი ფლაგმანური ტოკენია - SHIB, LEASH და BONE. ისინი გამოიყენება დაჯილდოების მრავალკომპონენტურ ინოვაციურ სისტემაში, რომელიც მოიცავს:
- DIG. მომხმარებელს SHIB ტოკენების Dig ლიკვიდობის პულში დაბლოკვა შეუძლია. ამის სანაცვლოდ ის იღებს ტოკენებს ShibaSwap Liquidity Pool (SSLP) და შეუძლია, ისინი BONE-ში გაცვალოს. ჯილდოს ოდენობა დაბლოკილი მონეტების რაოდენობის მიხედვით განისაზღვრება;
- WOOF. განყოფილება SSLP ტოკენების განლაგებისთვის, რომლის წყალობითაც ლიკვიდობის მიმწოდებლები დამატებით ჯილდოებს იღებენ. მომხმარებლებს შეუძლიათ მიიღონ ბონუსების 33% დაუყოვნებლივ, ხოლო 67% ექვსი თვის განმავლობაშია დაბლოკილი;
- BURY. პლატფორმა გთავაზობთ სტეიკინგის ფუნქციას სამი ფლაგმანური ტოკენისთვის, პასიური შემოსავლით ტოკენ BONE-ებში. ანაზღაურების ოდენობა გაყინული აქტივების რაოდენობის პროპორციულად ანგარიშდება.
რა უნდა ვიცოდეთ ტოკენ Bone ShibaSwap-ის შესახებ (BONE)
წყარო: docs.shibatoken.com
დანიშნულება
Bone ShibaSwap (BONE) არის ShibaSwap-ის ეკოსისტემის მმართველობითი ნატიური ტოკენი. ის Shib Army-ს მონაწილეებს Doggy DAO-ში გამართულ კენჭისყრებში მონაწილეობის საშუალებას აძლევს. რაც უფრო მეტი ტოკენი აქვს მომხმარებელს, მით მეტი გავლენა ექნება მას ეკოსისტემის განვითარებაზე.
Bone ShibaSwap (BONE) წარმოადგენს საფუძველს Shibarium-ისთვის - საკუთარი კოლექტიური მასშტაბირებადი L2 ბლოკჩეინისთვის, რომელიც Ethereum-ის ბაზაზე მუშაობს. ამ პროტოკოლის ფარგლებში, BONE გამოიყენება გაზის გადასახდელად და ვალიდატორებისა და დელეგატორების წახალისებისთვის.
გამოშვებული Bone ShibaSwap-ის (BONE) საერთო რაოდენობა 250 000 000-ს შეადგენს.
აქტუალური სიტუაცია ბაზარზე
Сoinmarketcap.com-ის მონაცემებით, სტატიის მომზადების მომენტში, საბაზრო კაპიტალიზაციის მიხედვით, ვირტუალური ვალუტების რეიტინგში Bone ShibaSwap 140-ე ადგილს იკავებს. მიმოქცევაში არსებული მიწოდება 229 923 446 BONE-ს შეადგენს. მონეტა $1,06-ად ივაჭრება. აქტივის საბაზრო კაპიტალიზაცია $243 918 654-ს აღწევს, დღიური ვაჭრობის მოცულობა კი $2 373 686-ს შეადგენს.
