Visa-სთან პარტნიორობით, Wirex კრიპტობარათებს გამოუშვებს
Wirex-ისა და Visa-ს პარტნიორობის წყალობით, 40-ზე მეტი ქვეყნის მაცხოვრებლებს შეეძლებათ, შეუკვეთონ კრიპტოვალუტის გადახდის ბარათი სავაჭრო წერტილებსა და ქსელებში ანგარიშსწორებისთვის. ასეთი კოოპერაცია მსოფლიოში ფინტექ კომპანია Wirex-ის პოზიციებს გააძლიერებს.
ცნობილმა ევროპულმა ფინტექ სტარტაპმა და ნეობანკმა Wirex, რომელიც კრიპტოვალუტით გადახდების პოპულარიზაციას უწყობს ხელს, ხელი მოაწერა ხელშეკრულებას გრძელვადიან სტრატეგიული გლობალური პარტნიორობის შესახებ საერთაშორისო გადახდის სისტემა Visa-სთან. ამის წყალობით, Wirex-მა მოიპოვა Visa Partner-ის სტატუსი აზია-წყნარი ოკეანის რეგიონსა და დიდ ბრიტანეთში, რომელიც უფლებას აძლევს, გამოუშვას სადებეტო, წინასწარ გადახდილი და ვირტუალური ბარათები კრიპტოვალუტის მხარდაჭერით მსოფლიოს 40-ზე მეტ ქვეყანაში.
Wirex-სა და Visa-ს შორის გაფორმებული შეთანხმება ხელს შეუწყობს შემდგომ თანამშრომლობას ძირითად ბაზრებზე, აზია-წყნარი ოკეანის რეგიონის, დიდი ბრიტანეთის, ევროპისა და აშშ-ის ჩათვლით. ამრიგად, Wirex-მა მიიღო შესაძლებლობა, უფრო ფართო აუდიტორიისთვის შეეთავაზებინა თავისი პროდუქტები, რომლებიც მიმართული იყო ყოველდღიურ ცხოვრებაში კრიპტოვალუტების გამოყენების პოპულარიზაციაზე.
ახალი ბარათის ანონსი
Wirex-ის შტაბ-ბინა ლონდონში მდებარეობს, ხოლო კლიენტების ბაზამ 130-ზე მეტი ქვეყნიდან 5 მილიონ მომხმარებელს გადააჭარბა. Wirex-ის კლიენტების უმეტესობა დიდ ბრიტანეთშია, სადაც სტარტაპმა დაიწყო თავისი საქმიანობა, მაგრამ კლიენტების ბაზის სწრაფი ზრდა შეინიშნება აზია-წყნარი ოკეანის რეგიონსა და აშშ-შიც. 2022 წლის ნოემბერში კომპანია სინგაპურის ფინანსური ტექნოლოგიების ფესტივალზე კონკურს SFF Global Fintech Awards-ის ფინალში გავიდა. ჟიურიმ მაღალი შეფასება მისცა ფინტექ კომპანიის მიღწევებს და მის წვლილს კრიპტოვალუტების მასობრივი მიღების იდეის პოპულარიზაციაში და ციფრული აქტივების მყისიერი უნაღდო გადარიცხვების დანერგვაში.
ჯერ კიდევ 2015 წელს, Wirex გახდა პირველი ფინტექ კომპანია მსოფლიოში, რომელმაც ბაზარზე კრიპტოვალუტის მხარდაჭერის მქონე გადახდის ბარათი გამოუშვა. Wirex Card-ის დახმარებით მომხმარებლები ყიდულობენ, ინახავენ, ცვლიან და ყიდიან სხვადასხვა ციფრულ აქტივებს, ასევე მათი დახმარებით იხდიან 80 მილიონზე მეტ სავაჭრო ობიექტში, რომლებიც Visa ბარათებს იღებენ. Wirex-ის კლიენტებისთვის დაწესებულია ვალუტის კონვერტაციის დაბალი საკომისიოები და ბირჟებისა და OTC ბაზრის მეშვეობით აქტივების ექსკლუზიური გაცვლითი კურსი. ასევე, Wirex-ის კლიენტებს შეუძლიათ, ბანკომატებიდან ნაღდი ფული საკომისიოს გარეშე ამოიღონ, უფასოდ გაცვალონ კრიპტოვალუტა ფიატში და მიიღონ ქეშბექი Cryptoback™ კრიპტოვალუტაში თითოეული შესყიდვის ოდენობის 8%-მდე. Wirex Card-ის მომსახურების ყოველთვიური გადასახადი დაწესებული არ არის.
კლიენტი თავად ირჩევს ბარათის ფორმფაქტორს: ფიზიკურ პლასტიკურს, თუ ვირტუალურს ონლაინ შოპინგისთვის.
Wirex-ის Visa კრიპტობარათის შეკვეთა ფინტექ კომპანიის ოფიციალურ ვებგვერდზეა შესაძლებელი.
Wirex APAC-ის რეგიონულმა მმართველმა დირექტორმა, სვიატოსლავ გარალმა აღნიშნა:
Wirex APAC-ის რეგიონულმა მმართველმა დირექტორმა, სვიატოსლავ გარალმა აღნიშნა:
მოხარულები ვართ, გავაძლიეროთ ჩვენი პარტნიორობა Visa-სთან, რომელმაც მნიშვნელოვანი როლი ითამაშა, როდესაც შემოგვთავაზე შესანიშნავი შესაძლებლობა, უფრო მეტად გაგვეერთიანებინა ტრადიციული და ციფრული ეკონომიკა. Visa-ს მუდმივი ერთგულება, შექმნას უსაფრთხო და ინოვაციური გადაწყვეტილებები, დაეხმარება Wirex-ს, გააგრძელოს თავისი სტრატეგიის აღსრულება და ახალი თაობის გადახდის ბარათების გამოშვება.
Visa-ს აზია-წყნარი ოკეანის რეგიონის ციფრული პარტნიორობის განყოფილების ხელმძღვანელმა, მეთ ვუდმა მოვლენის შესახებ ასეთი კომენტარი გააკეთა:
Visa ისწრაფვის, შესთავაზოს მომხმარებლებს გადახდის უფრო მეტი ვარიანტი ჩვენი ბანკი-ეკვაიერებისა და მერჩანტების ქსელში ციფრული ვალუტების შემოტანის გზით. მოხარულები ვართ, რომ Wirex აფართოებს თავის ექსპანსიას აზია-წყნარი ოკეანის რეგიონში. ეს ციფრული აქტივების მფლობელებს საშუალებას მისცემს, მარტივად და შეუფერხებლად გადაიხადონ კრიპტოვალუტით მილიონობით სავაჭრო ობიექტში, რომლებიც იღებენ Visa ბარათებს.
Wirex გეგმავს, გააგრძელოს შემდგომი ნაყოფიერი თანამშრომლობა Visa-სთან, რათა გააფართოოს სერვისების ასორტიმენტი და დანერგოს კრიპტობარათების ემისიის პროგრამა მთელ მსოფლიოში. კომპანიამ უკვე წინასწარ დააანონსა, რომ მალე გამოაცხადებს კიდევ ერთი მნიშვნელოვანი პარტნიორობის შესახებ, რომელიც გადახდის კრიპტობარათების გამოშვებას ავსტრალიაში ითვალისწინებს. ველოდებით ოფიციალურ ანონსსა და დეტალებს.
