Interop Summit ორდღიანი უფასო საგანმანათლებლო კონფერენციაა, რომლის ფარგლებში Web3 დეველოპერებისთვის პრაქტიკული სემინარებიც გაიმართება. ღონისძიება აშშ-ის კოლორადოს შტატის ქალაქ დენვერში, ფესტივალ BUIDLWeek ETHDenver-ის ფარგლებში 27-28 თებერვალს გაიმართება.
Interop Summit თავს მოუყრის დეველოპერებს სხვადასხვა პროექტებიდან, რომლებიც ერთმანეთს პროდუქტების შექმნის გამოცდილებას გაუზიარებენ და ისაუბრებენ იმაზე, თუ როგორ უნდა მოხდეს განსხვავებული ეკოსისტემების ფუნქციონალური თავსებადობის აგება. მოხსენებებითა და მასტერკლასებით წამყვანი კრიპტოკომპანიების წარმომადგენლები წარდგებიან.
მაგალითად, მონაწილეების წინაშე ლექციებით გამოვლენ შემდეგი სპიკერები:
- Sunny Aggarwal (Osmosis Labs-ის თანადამფუძნებელი);
- Stani Kulechov (Aave Companies-ის მთავარი დირექტორი);
- Marek Olszewski (Celo-ს თანადამფუძნებელი);
- Rich Widmann (Google Cloud-ის Web3-სტრატეგიის განყოფილების ხელმძღვანელი);
- Avery Ching (Aptos Labs-ის ტექნიკური დირექტორი);
- Ben Jones (Optimism Foundation-ს თანადამფუძნებელი).
Interop Summit არის შესაძლებლობა, შეხვდეთ Web3 ინდუსტრიის მგზნებარე მოყვარულებს და ინტერნეტ სივრცეში ბლოკჩეინისა და კრიპტოვალუტების დანერგვის ახალი ტალღის თვითმხილველი გახდეთ. ღონისძიებაზე მონაწილეები ინტერნეტის ქსელთაშორისი მომავლის აგებისკენ პირველ ნაბიჯებს გადადგამენ.
შეხვედრის პროგრამა მოიცავს: მოხსენებებს, პანელურ დისკუსიებს, სემინარებს, პრაქტიკულ გაკვეთილებს, ნეტვორკინგს, საუბრებს კომპანიების მოწვეულ წარმომადგენლებთან. ასევე გათვალისწინებულია კაფე-ბარების ზონები, წყნარი სამუშაო ადგილები.
სემინარებზე დეველოპერებს ელოდება ტექნიკური საკითხები, ერთობლივი კოდირება, კრიპტოსფეროს აქტუალური თემების განხილვა. წამყვანი Web3 დეველოპერები, რომლებიც აქტუალური dApps-ისა და ბლოკჩეინ-ინფრასტრუქტურის განხორციელებას წარმატებით ახდენენ, დიალოგისთვის ღია და სტუმრების შეკითხვებზე პასუხის გასაცემად მზად არიან.
ღონისძიების ორგანიზატორია კროსჩეინ პლატფორმა Axelar, რომელიც ქსელთაშორის Web3 მომავალს აშენებს. კომპანიას სწამს, რომ მრავალი განსხვავებული ბლოკჩეინი, პროტოკოლი, კრიპტოვალუტა და აპლიკაცია შეიძლება იყოს თავსებადი. Axelar-ის აზრით, თავისუფალი ურთიერთქმედება ინტერნეტის მესამე თაობის მასშტაბირებისთვის აუცილებელია.
