ხელოვნური ინტელექტი: რატომ წუხს ხალხი?

სინამდვილეში, თანამედროვე ტექნოლოგიების ასეთო აღქმა ბუნებრივია, თუ გავითვალისწინებთ ბოლო პროექტების მიღწევებს, რომლებიც ნიშას იკავებს,  ვირტუალური ასისტენტებით დაწყებული,  ავტონომიური მანქანებით დამთავრებული. მიუხედავად იმისა, რომ ამჟამინდელი მოდელები მხოლოდ ადამიანების დამხმარე საშუალებად რჩება, ისინი იმდენად შთამბეჭდავ შედეგებს აჩვენებს, რომ ადამიანებს წუხილის საბაბს აძლევს. მთავარ შიშებად, რომლებსაც სერიოზული საფუძველი აქვს, შეიძლება დავასახელოთ:

1. კონტროლის არარსებობა

უნდა ვაღიაროთ, რომ ბევრ ადამიანს საერთოდ არ ესმის ხელოვნური ინტელექტის მოდელების ავტონომიის ხარისხი. სისტემების გაუმჯობესების მაღალი სიჩქარის გათვალისწინებით კი, არსებობს შეშფოთება ხელოვნური ინტელექტის მიერ დამოუკიდებელი გადაწყვეტილებების მიღების უნართან დაკავშირებით, რამაც, თეორიულად, შეიძლება გამოიწვიოს დამანგრეველი შედეგები. რა თქმა უნდა, ყველა დეველოპერი აწესებს გარკვეულ შეზღუდვებს, მაგრამ სინამდვილეში, არ შეიძლება იმის მტკიცება, რომ ბოტი მათ არ დაარღვევს.

2. ეთიკა და საავტორო უფლებები

ალგორითმების სწავლები ფორმატი ინტერნეტში შეგროვებული ინფორმაციის მნიშვნელოვანი მოცულობების შესწავლას ეფუძნება. ეს კი ნიშნავს, რომ ხელოვნურ ინტელექტს შეუძლია დაარღვიოს საავტორო უფლებები, ან გამოიყენოს მიკერძოებული მონაცემები.  ასეთ შემთხვევებში გაუგებარია, ვის ეკისრება პასუხისმგებლობა დარღვევებსა და უხარისხო შედეგებზე.

3. ეკონომიკური უთანასწორობა

ადამიანებისთვის ყველაზე პოპულარული პრობლემა არის პროცესების ავტომატიზაცია ხელოვნური ინტელექტის მეშვეობით, რამაც შეიძლება შეამციროს სამუშაო ადგილები და გაზარდოს ეკონომიკური უთანასწორობა. ეს განსაკუთრებით შესამჩნევია, როდესაც  ხელოვნური ინტელექტს უფრო რთული და შემოქმედებითი ამოცანებისთვის იყენებენ. მაგალითად, კინოს სფეროში.

4. სოციალური კომპონენტის შემცირება

ეს შეშფოთება ნაკლებად არის ნახსენები დისკუსიებში, მაგრამ მეტ ყურადღებას იმსახურებს. ჩატბოტებისა და ვირტუალური ასისტენტების გავრცელებამ, რომლებიც მოხერხებულობას, ეფექტურობასა და კომუნიკაციას უზრუნველყოფს, შეიძლება უარყოფითი გავლენა იქონიოს სოციალურ კონტაქტებზე. შედეგად, ჩნდება ემოციური ურთიერთქმედებისა და კომუნიკაციის უნარების დაკარგვის რისკი.

5. შემოქმედებითი პოტენციალის შემცირება

ეს უფრო წინა პუნქტის დამატებაა: ხელოვნური ინტელექტი მშვენივრად მუშაობს ინფორმაციისა და ტექნიკური ამოცანების ნებისმიერი რაოდენობასთან, მაგრამ მას აკლია შემოქმედებითი მიდგომა (ემოციები, ინტუიცია). ამიტომ, ავტომატური გენერირების მასობრივმა გამოყენებამ შეიძლება შეამციროს კრეატიულობა და მრავალფეროვნება, რითაც გააუარესებს პროფესიული გამოცდილების დაგროვებას.

სწორედ ამ პრობლემების გადაწყვეტაზე უნდა მიმართონ სხვადასხვა ქვეყნის მთავრობებმა თავიანთი ძალისხმევა პოტენციური მომხმარებლების დასაცავად, შესაძლო ბოროტად გამოყენების თავიდან ასაცილებლად და კაცობრიობაზე უარყოფითი ზემოქმედების შესამცირებლად. მაგრამ, ამავდროულად, მნიშვნელოვანია ბალანსის შენარჩუნება რეგულირებასა და ტექნოლოგიების განვითარებას შორის, რომელსაც ცხოვრების ხარისხის გასაუმჯობესებლად ასეთი დიდი  პოტენციალი გააჩნია.