Coinbase-ის CEO: SEC-ის შეხედულებები ერთი წლის წინ შეიცვალა
SEC-ის სარჩელის შემდეგ, ბრაიან არმსტრონგმა თავისი პირველი ინტერვიუ მისცა სააგენტო Bloomberg-ს. მასში Coinbase-ის აღმასრულებელმა დირექტორმა სასამართლო დავის პერსპექტივების მონახაზი გააკეთა და ისაუბრა იმაზე, თუ რა გავლენას მოახდენდა მისი აზრით, კრიპტობირჟის სასამართლო პროცესი ბაზარზე.
SEC vs Coinbase: რამდენ ხანს გაგრძელდება სასამართლო პროცესი?
ფასიანი ქაღალდებისა და ბირჟების კომისიის (SEC) მიერ Coinbase-ის წინააღმდეგ წაყენებული ბრალდებების ანალიზის დროს ბრაიან არმსტრონგი არ ჩანდა არც დათრგუნული და არც დაბნეული. შეგახსენებთ, რომ SEC-მა სარჩელი ნიუ-იორკის ფედერალურ სასამართლოში 6 ივნისს შეიტანა. სარჩელში, რომელშიც სხვა საკითხებთან ერთად ჩამოთვლილია 13 კრიპტოვალუტა, ნათქვამია, რომ ყველა ეს ალტკოინი ფასიანი ქაღალდია. შესაბამისად, მათი გაყიდვა არალიცენზირებული ბროკერის მიერ, როგორიცაა Coinbase არის მოქმედი კანონმდებლობის დარღვევა.
პირველი კითხვა - რამდენ ხანს გაგრძელდება სასამართლო პროცესი - ფაქტობრივად უპასუხოდ რჩება. ცოტაოდენი ირონიით, ბრაიანი ციტირებს თავისი კომპანიის მთავარ იურიდიულ მრჩეველს. ის გამოთქვამს მზადყოფნას, ბოლომდე წავიდეს და საქმე უზენაეს სასამართლომდე მიიყვანოს.
ბრაიან არმსტრონგს მხნედ უჭირავს თავი წყარო: Youtube
ბრაიანი, სავარაუდოდ, გვთავაზობს, რომ ყველა კრიპტელმა შეხედოს Coinbase-ის გარშემო არსებულ ვითარებას არა როგორც პრობლემას, არამედ როგორც შესაძლებლობას რადიკალურად გაუმჯობესდეს სიტუაცია კრიპტოინდუსტრიაში.
პირველ რიგში, ეს არის შანსი, რომ მივაღწიოთ სიცხადეს თავად კომპანიის განვითარების პერსპექტივების კუთხით.
მეორეც, Coinbase-ის გამარჯვება მოგვცემს საშუალებას გავიგოთ მთელი ამერიკული კრიპტოინდუსტრიის განვითარების ვექტორი. ის იმის გარანტია იქნება, რომ ბლოკჩეინ კომპანიებსა და კრიპტობიზნესს არ მოუწევთ გადასვლა მათდამი უფრო ლოიალურ სხვა იურისდიქციებში.
როდის წაუყენა SEC-მა პირველი პრეტენზიები Coinbase-ს?
შესამჩნევი დანანებით, ბრაიანი იხსენებს SEC-თან ურთიერთგაგების დღეებს, რომლებიც წარსულს ჩაბარდა. როდესაც კრიპტობირჟა კომისიისგან იღებდა ნებართვას გამხდარიყო საჯარო კომპანია, თანამშრომლობა ძალიან მჭიდრო იყო.
„მათ [SEC-მა] მოგვცეს საშუალება, გავმხდარიყავით საჯარო კომპანია, იმის სრული გაცნობიერებით, თუ როგორ ვახორციელებთ აქტივების ლისტინგს და ვმუშაობთ სტეიკინგთან დაკავშირებით. და მხოლოდ ერთი წლის შემდეგ მათ უჩნდებათ ბევრი კითხვა, ”- უკვირს არმსტრონგს.
ამავდროულად, ბრაიანი აღნიშნავს Coinbase-ის ხანგრძლივ დისკუსიებსა და ძალისხმევას საბროკერო ლიცენზიის მოსაპოვებლად. სამწუხაროდ, ძალისხმევა უშედეგო აღმოჩნდა.
ჩვენ ძალიან გააზრებულად ვურთიერთობთ მათთან. ვფიქრობ, ჩვენ მათ 30-ჯერ შევხვდით გასულ წელს ჩვენი ბიზნესის ყველა ასპექტის ასახსნელად. მოვედით გაშლილი ხელით და ვუთხარით: როგორ დავრეგისტრირდეთ? ჩვენ გვინდა დარეგისტრირება. იცით, ბროკერ-დილერის ლიცენზიაც კი მივიღეთ, რომელიც ამ დრომდე არ შესულა ძალაში. მისი გააქტიურების გზა ვერ იპოვესამ მომენტში თავდაჭერილობა თითქოს ღალატობს არმსტრონგს
Coinbase-ის აღმასრულებელი დირექტორი გამოხატავს აშკარა იმედგაცრუებას, რადგან SEC დუმდა და საბოლოოდ დაიწყო იძულებითი რეგულირების პოლიტიკის გატარება.
დატოვებს თუ არა Coinbase აშშ-ს?
მიუხედავად სირთულეებისა და სიცხადის ნაკლებობისა, სპიკერი მტკიცედ აცხადებს, რომ Coinbase არ აპირებს დატოვოს აშშ ბაზარი. არმსტრონგს ჯერ კიდევ სჯერა დემოკრატიული ღირებულებებისა და კანონის უზენაესობის.
თუ SEC-ს არ შეუძლია უზრუნველყოს წესების მკაფიო ნუსხა, მაშინ ამერიკული სასამართლო სისტემა დაეხმარება პრეცედენტული სამართლის ჩამოყალიბებაში. გარდა ამისა, ბრაიანი არ გამორიცხავს კონგრესის ჩარევას, რომელიც განმარტავს მარეგულირებლის როლს და უზრუნველყოფს მომხმარებლების დაცვას.
აშშ-ს ჩამორჩენის საფრთხე ემუქრება... დიდი ბრიტანეთი, ჰონგ კონგი, სინგაპური, არაბეთის გაერთიანებული საემიროები, ისინი ყველა ამბობენ, რომ ჩვენ გვინდა ვიყოთ კრიპტო და Web3-ის ცენტრები. ჩვენ გვაქვს მკაფიო წესები, მოდი აქ და ააშენე შენი ბიზნესიგვიხსნის არმსტრონგი
რა საფრთხე ემუქრება კრიპტოს Coinbase-ის წინააღმდეგ შეტანილი სარჩელის გამო?
რაც შეეხება ინდუსტრიაში არსებულ გაურკვევლობას, ბრაიანი ვერ ხედავს კლიენტების დაკარგვის ან პარტნიორი ბანკების წასვლის რისკებს. SEC-ის ბოლოდროინდელი რიტორიკა თანმიმდევრული იყო და კრიპტობირჟის წინააღმდეგ სარჩელის შეტანა არავის გაკვირვებია. ყველა გაგებით ეკიდება იმას, რაც ხდება. ისინი ალბათ ელიან, როგორ განვითარდება მოვლენები, იმ იმედით, რომ შეერთებული შტატების მთავრობა საბოლოოდ უფრო მკაფიო მითითებებს გააკეთებს.
არმსტრონგი ასევე ვარაუდობს, რომ 2024 წლის მომავალ არჩევნებს შეუძლია რადიკალურად შეცვალოს ადმინისტრაციის პოლიტიკა და გამოიწვიოს კრიპტელებისთვის უფრო ხელსაყრელი ნორმატიულ-სამართლებრივი გარემოს ჩამოყალიბება.
და ბოლოს, ის მიანიშნებს იმაზე, რომ გამოცდილ ინვესტორებს სჯერათ ტექნოლოგიების და განიხილავენ ბაზარზე ნებისმიერ ვარდნას, როგორც სტრატეგიული ინვესტიციის შესაძლებლობას. კრიპტოვალუტა ერთ-ერთი მთავარი ტექნოლოგიური ტენდენციაა მსოფლიოში. მისცემს თუ არა შეერთებული შტატები თავს უფლებას განზე დადგეს ასეთი მნიშვნელოვანი ინოვაციისგან?
