MicroStrategy BTC-ზე უარს ამბობს? არავითარ შემთხვევაში
BTC კურსის მერყეობის გამო რამდენიმე მილიარდი დაკარგეთ? გულს ნუ გაიტეხთ, ირწმუნებიან MicroStrategy-ში.
2022 წლის ІV კვარტლის ფინანსური ანგარიშის მიხედვით, კომპანია MicroStrategy, რომელიც პროგრამული უზრუნველყოფის ანალიტიკითაა დაკავებული, შარშან მნიშვნელოვნად დაზარალდა.
2022 წლის 31 დეკემბრის მდგომარეობით, კომპანიის ციფრული აქტივების საბალანსო ღირებულება $1,840 მილიარდს შეადგენდა. MicroStrategy-ს ჯამში 1,84 მილიარდი დოლარის ღირებულების 132 500 BTC ჰქონდა. აქედან 14 890 BTC უშუალოდ კომპანიის საკუთრებაში იყო, ხოლო დანარჩენი აქტივებს მის შვილობილი კომპანია MacroStrategy LLC ფლობდა. კომპანიის საერთო ზარალმა, რომელიც შესყიდვის მომენტიდან BTC-ში მისი აქტივების გაუფასურებით იყო გამოწვეული, $2,153 მილიარდი შეადგინა, ხოლო ერთი ბიტკოინის საშუალო საბალანსო ღირებულებამ - დაახლოებით $13 887.
სიტუაციის კომენტირებისას, MicroStrategy-ის ფინანსურმა დირექტორმა ენდრიუ კანგმა განაცხადა:
შესაძლოა, განვიხილოთ დამატებითი ტრანზაქციების განხორციელების მიზანშეწონილობა, რომლებიც ბიტკოინის კურსის ვოლატილობიდან, ან სხვა საბაზრო დისბალანსებიდან სარგებლის მიღებაში დაგვეხმარება და ბიტკოინთან მიმართებაში ჩვენს გრძელვადიან სტრატეგიას შეესაბამება
თავისი აზრი MicroStrategy-ის თანადამფუძნებელმა და ბიტკოინის გამოუსწორებელმა ოპტიმისტმა მაიკლ სეილორმაც გამოთქვა, რომელმაც განაცხადა, რომ კომპანია აფასებს თავის აქციების მომგებიანობას „რამდენიმე საკონტროლო კრიტერიუმის“ მიხედვით, რომელთაგან მთავარი BTC-ის პროდუქტიულობაა.
მან ასევე აღნიშნა, რომ 2020 წლიდან კომპანია "აღემატებოდა ბიტკოინს, როგორც ინდექსს" და დასძინა, რომ 2020 წლის აგვისტოს შემდეგ, ბიტკოინის 98%-იან ზრდასთან შედარებით, კომპანიის აქციები 117%-ით გაიზარდა.
ინსტიტუციონალური ინვესტორისთვის ერთადერთი რეალურად უსაფრთხო ნავსაყუდელი ბიტკოინია. ბიტკოინი ერთადერთი საყოველთაოდ აღიარებული ციფრული აქტივია, ამიტომ, თუ ინვესტორი ხართ, მაშინ ბიტკოინი თქვენთვის უსაფრთხო თავშესაფარი აქტივიადარწმუნებულია სეილორი
მანამდე Gagarin News უკვე წერდა, პირველად თავის ისტორიაში კომპანიამ MicroStrategy BTC-ის ნაწილი გაყიდა.
