BTC, ARB და SUI-ს ტექნიკური ანალიზი. 17/05/23

დღიურ TF-ზე გუშინდელი ანალიზის შემდეგ სიტუაცია არ შეცვლილა. BTC-ის ფასი მოქცეულია $25,800-$27,000 მხარდაჭერის ზონაში, რომლის ქვემოთ $24,000-$25,200 და $19,600-$20,900 ზონები მდებარეობს.

წინააღმდეგობის დონე ($28,000) და დიაპაზონი ($29,500-$31,000) უცვლელი რჩება.

ერთსაათიანი TF-ის განმავლობაში, BTC-ის ფასი განაგრძობს მოძრაობას ჰორიზონტალურ არხში $26,600-$27,000 და $27,300-$27,700 დიაპაზონში. წინააღმდეგობის და მხარდაჭერის ზონების გუშინდელი ანალიზი ისევ აქტუალურია.

მაქსიმუმის $1.82 ნიშნულზე დაფიქსირების შემდეგ, Arbitrum-ის ფასი H4 თაიმფრეიმზე კლებას აგრძელებს. ახლა  მხარდაჭერის მთავარი ზონაა $1.01-$1.11 დიაპაზონი და $1 დონე. ამ დონის გარღვევის შემთხვევაში, ძნელია შემდეგი გაჩერების პროგნოზირება, რადგან აქტივს ჯერ არ გამოუცდია $1-ზე დაბალი დონე.

წინააღმდეგობის უახლოესი დონეა $1.25. მასზე ზემოთ განლაგებულია $1.32-$1.44 ზონები და  $1.55-$1.82 ფართო დიაპაზონი, სადაც გამყიდველებმა, სავარაუდოდ, განათავსეს ორდერები.

H1-ის TF-ზე SUI-ს ფასმა დატესტა $1.2-$1.26 წინააღმდეგობის ზონა. უახლოეს მხარდაჭერას წარმოადგენს $1.13 დონე და $1.01-$1.09 ზონა. როგორც Arbitrum-ის შემთხვევაში, შეიძლება ვივარაუდოთ, რომ მყიდველები ინარჩუნებენ $1 დონეს და ამ ნიშნულს ქვემოთ ჩასვლა შეიძლება არაპროგნოზირებადად დასრულდეს.

იმ შემთხვევაში, თუ მყიდველებმა $1.2-$1.26 ზონა გაარღვიეს, შემდეგი წინააღმდეგობა იქნება $1.32 დონე და ფართო დიაპაზონი $1.38-$1.52, რომლის ფარგლებში  მონეტის ისტორიული მაქსიმუმი მდებარეობს.

უნდა გვახსოვდეს, რომ Arbitrum და Sui ახალგაზრდა აქტივებია, რომლებიც ბირჟებზე სულ  სამი თვეა რაც ივაჭრებიან. მათ ფასზე თანაბრად ძლიერ გავლენას ახდენს როგორც ტექნიკური, ასევე ფუნდამენტური ფაქტორები, მათ შორის მონეტების განბლოკვა ტოკენომიკის მიხედვით, ეკოსისტემის ზრდა და ა.შ.

კრიპტოვალუტების აქტუალური კურსი და გრაფიკების ანალიზი  შეგიძლიათ იხილოთ საიტზე Gagarin News.

ეს ანალიზი არ არის სავაჭრო რეკომენდაცია. გახსოვდეთ, რომ კრიპტო ბაზარზე ნებისმიერი გარიგების გახსნამდე ყოველთვის საკუთარი კვლევა უნდა ჩაატაროთ.

TF (Timeframe)- ქრონოლოგიური სეგმენტი, თაიმფრეიმი, რომელიც ტოლია გრაფიკზე ერთი იაპონური სანთლის ფორმირების დროისა.

ჰორიზონტალური არხი (ფლეტი, გვერდული ტრენდი, რეინჯი)— ფასის მოძრაობა მხარდაჭერისა და წინააღმდეგობის დონეებს შორის გარკვეული დიაპაზონიდან გასვლის გარეშე.

K - აქტივის ფასის ათასი დოლარის აბრევიატურა (მაგალითად, 23,4 К  - 23,400 დოლარი).  

რუხი დიაპაზონი გრაფიკზე- მხარდაჭერის ზონა.

წითელი დიაპაზონი გრაფიკზე- წინააღმდეგობის ზონა.

კორელაცია— სხვადასხვა კრიპტოვალუტური აქტივის ფასების სინქრონული მოძრაობის ტენდენცია ერთ-ერთი მათგანის დომინირების გამო.

გთავაზობთ Gagarin News-ის სასწავლო მასალებსა და სტატიებს, რომლებიც იქნა გამოყენებული ამ ანალიზის ფორმირებისას: