API გასაღები: რა არის ეს და როგორ გამოვიყენოთ ის?
API (Application Programming Interface) არის პროგრამული ინტერფეისი, რომელიც საბირჟო ტრეიდერს სხვადასხვა პროგრამებთან ურთიერთქმედების საშუალებას აძლევს.
სხვა სიტყვებით რომ ვთქვათ, API არის გამოსავალი აპლიკაციების ერთმანეთთან დასაკავშირებლად. ტექნოლოგია არა მხოლოდ ბლოკჩეინის სფეროში გამოიყენება. API მონაცემთა ნაკრებთან, ფაილურ სისტემასთან მუშაობას აადვილებს და ანალიტიკურ საიტებსა და აპლიკაციებთან სოციალური ქსელების ინტეგრირების საშუალებას იძლევა.
კრიპტოვალუტის ტრეიდიერები იყენებენ API-ს, რათა დააკავშირონ ბირჟის ანგარიშები სპეციალურ ტერმინალებთან, მოახდინონ სავაჭრო სტრატეგიებისა და საკუთარი ბოტების კონფიგურაცია.
რა არის API გასაღები და როგორი არსებობს?
API გასაღები არის გარკვეული აპლიკაციის მომხმარებლის სპეციალური იდენტიფიკატორი, რაღაც login-ისა და პაროლის მსგავსი. ანუ, ეს არის უნიკალური კოდი (ან თუნდაც რამდენიმე კოდი), რომელსაც ტრეიდერი იყენებს აპლიკაციაში ავტორიზაციისა და საკუთარი მონაცემების იდენტიფიკაციისთვის.
არსებობს 2 ტიპის API გასაღებები:
● ღია გასაღები. გამოიყენება მონაცემთა დაშიფვრისა და ხელმოწერის გენერაციისთვის;
● პირადი (საიდუმლო) გასაღები. ცნობილია მხოლოდ ვებგვერდის მფლობელისთვის და თავად მომხმარებლისთვის. ფაქტობრივად, პირადი გასაღები საჯარო გასაღების მონაცემებს შიფრავს.
დაშიფვრის ტიპი
API-ის საშუალებით მონაცემების ხელმოწერისთვის გამოიყენება დაშიფვრის ორი ტიპი:
■ სიმეტრიული დაშიფვრა. მონაცემთა გადამოწმებისა და ხელმოწერისთვის ერთნაირი გასაღები გამოიყენება. ეს აჩქარებს third-party პროგრამებთან დაკავშირების პროცესს და აადვილებს მუშაობას, ამავდროულად მოწყობილობის გამოთვლითი სიმძლავრის მინიმუმია გამოყენებული. სიმეტრიული დაშიფვრის ყველაზე გავრცელებული გასაღებია HMAC;
■ ასიმეტრიული დაშიფვრა. ეს დაშიფვრა იყენებს 2 ტიპის გასაღებს (საჯაროსა და კერძოს). ეს მნიშვნელოვნად ზრდის მუშაობის უსაფრთხოებას ორი განსხვავებული გასაღებით ხელმოწერის გენერირებისა და გადამოწმების ამოცანების განაწილების ხარჯზე. გარდა ამისა, ზოგიერთი პირადი გასაღები პაროლის დაყენების შესაძლებლობას უჭერს მხარს.
სად მივიღოთ API გასაღები და როგორ დავუკავშირდეთ პროგრამებს?
API გასაღები შეიძლება გენერირებული იყოს ბევრ კრიპტობირჟაზე, მათ შორის WhiteBIT-ზე, OKX-ზე, Bybit-სა და მრავალ სხვაზე. ეს ფუნქცია შეგიძლიათ იხილოთ განყოფილებაში "API".
როგორ დაუკავშირდეთ პროგრამებს:
● მომხმარებელი ქმნის საკუთარ API გასაღებს;
● საჭირო აპლიკაციის გახსნის შემდეგ ბირჟიდან დაკოპირებული API გასაღები საჭირო ფანჯარაში ისმევა;
● თუ სინქრონიზაციის პრობლემები არ ჩნდება, პროგრამა მომხმარებლის მონაცემების სავაჭრო პლატფორმის სერვერიდან მიღებას იწყებს. ახლა მომხმარებელს საფონდო ბირჟაზე ვაჭრობა სხვა პროგრამების საშუალებით შეუძლია.
საკუთარი API-გასაღების შექმნა (WhiteBIT)
ყველაზე ხშირად, ტრეიდერები ბირჟებს აკავშირებენ სკალპინგ ტერმინალებთან, როგორიცაა: Tiger Trade, CScalp, 3Commas.
უსაფრთხოების წესები
ცხადია, API გასაღები იძლევა წვდომას პირად და კონფიდენციალურ მონაცემებზე. აქედან გამომდინარე, უსაფრთხოების ტექნიკა აქ იგივეა, რაც საფულეების პაროლებისა და SEED ფრაზების შემთხვევაში:
● უმჯობესია პერიოდულად შეცვალოთ API გასაღები და ხელახლა დაუკავშირდეთ ვებგვერდებს ახალი მონაცემების საშუალებით;
● სხვადასხვა პლატფორმაზე მუშაობისას გამოიყენეთ რამდენიმე API გასაღები;
● არ შეინახოთ API გასაღები ციფრულ ფორმატში, სოციალურ ქსელებში, მიმოწერაში, ან ფოტოებში. უმჯობესია შეინახოთ გასაღები ინტერნეტთან წვდომის გარეშე, მაგალითად, ჩაწეროთ ის ბლოკნოტში;
● არ გაუზიაროთ გასაღები მესამე პირებს;
● შექმენით IP მისამართების „თეთრი სია“, რათა არ გადახვიდეთ ვებგვერდებზე საძიებო ველში მოთხოვნის განმეორებით შეყვანის გზით.
