USDC-ის დეპეგი მორიგი შესაძლებლობაა, გავაანალიზოთ კრიპტოვალუტის ბაზარზე არსებული პრობლემები და გავიგოთ, როგორი რეაგირება მოვახდინოთ მსგავს სიტუაციებზე მომავალში.
USDC-ის კურსი თანდათან უბრუნდება $1-ის ნიშნულს დეპეგისა და 15%-იანი ვარდნის შემდეგ, რაც დახურულ ბანკში რეზერვების ნაწილის დაბლოკვით იყო გამოწვეული. მაგრამ სტეიბლკოინთან დაკავშირებული სიტუაცია მორიგი მაგალითია იმისა, რომ კრიპტოვალუტის ბაზარი მყიფეა და მასთან ფრთხილი მუშაობაა საჭირო.
ჩვენ შევაგროვეთ 5 ძირითადი თეზისი და დასკვნა, რომელიც შეიძლება გამოვიტანოთ USDC-ის დეპეგთან დაკავშირებული სიტუაციიდან.
ცენტრალიზაცია ყოველთვის ცუდი არ არის
USDC არის ცენტრალიზებული სტეიბლკოინი, რომლის ემიტენტებია Circle და კრიპტოვალუტური ბირჟა Coinbase. სწორედ ამ ორი ინსტიტუციის სწრაფი რეაქციის წყალობით თავიდან იქნა აცილებული დიდი ნეგატიური შედეგები სტაბილური მონეტისთვის. USDC-ის კურსის დაცემისთანავე, ემიტენტმა დახურა მონეტების დოლარში კონვერტაციის შესაძლებლობა 1:1 თანაფარდობით. ამგვარმა ნაბიჯმა თავიდან აიცილა ლიკვიდობასთან დაკავშირებული კრიზისის შესაძლო ზრდა, რომლის პროვოცირება არბიტრაჟულ ტრეიდერებს შეეძლოთ. გარდა ამისა, Circle-მა SVB-ის გაკოტრებისთანავე დაიწყო თანხების გატანა ბანკიდან და ასევე გააფრთხილა საზოგადოება, რომ ყველაზე უარეს ვარიანტში, ყველა სახსრები შიდა რეზერვიდან და კორპორაციული ობლიგაციებიდან იქნება კომპენსირებული.
ეს სიტუაცია დეცენტრალიზებულ ან ალგორითმულ სტეიბლკოინთან დაკავშირებით რომ წარმოქმნილიყო, პრობლემების მოგვარებას გაცილებით მეტი დრო დასჭირდებოდა, რადგან ასეთი სტეიბლების მართვა ხშირად განშტოებულია დიდი კრიპტოვალუტური საზოგადოების მიერ. ასევე ცხადია, რომ ცენტრალიზებული სტეიბლკოინები უკეთესად არიან უზრუნველყოფილნი რეალური ვალუტით და უფრო მდგრადებია ბაზრის გამაღიზიანებლების მიმართ.
ბაზარს პანიკა მართავს
კალიფორნიის ინვესტიციების დაცვისა და ინოვაციების დეპარტამენტის მიერ Silicon Valley Bank-ის დახურვის მომენტში ბანკში $3.3 მილიარდი იყო. USDC-ის საბაზრო ემისიის გათვალისწინებით, რაც 41 მილიარდ მონეტას შეადგენს, ეს რეზერვების 8%-ია. თეორიულად, USDC-ის მაქსიმალური ვარდნა 8%-ის ფარგლებში უნდა ყოფილიყო, რადგან ყველა სხვა უზრუნველყოფა, რომელიც აშშ-ის მოკლევადიან სახაზინო თამასუქებსა და რამდენიმე ბანკში ინახებოდა, არ დაზარალდა.
ზოგიერთ კრიპტობირჟაზე სტეიბლკოინის გაცვლითი კურსი 15-20%-ით ვარდებოდა, რაც დიდწილად გამოწვეული იყო მომხმარებელთა პანიკური გაყიდვითა და ლიკვიდობის ამოწურვით USDC სტეიბლკოინთან სავაჭრო წყვილებში. ტრეიდერების ასეთი გავლენა ზოგადად უარყოფითად აისახება კრიპტობაზრის საერთო მდგომარეობაზე.
დივერსიფიკაცია შველის
ტექნიკური თვალსაზრისით, Circle-მა ყველაფერი სწორად გააკეთა. USDC-ის უზრუნველყოფა 77%-ით შედგება ამერიკული თამასუქებისგან, დანარჩენი 23% კი ნაღდი ფულის სახით აშშ-ის 6 უმსხვილეს და ყველაზე სანდო ინსტიტუტში ინახება.
ცოტას თუ წარმოედგინა, რომ აშშ-ში მე-16 ბანკი $209 მილიარდის დეპოზიტებით შეიძლება ერთ დღეში დაიხუროს. ეს ვითარება კრიპტოსაც კი არ ეხება, არამედ საფონდო ბირჟის არასტაბილურობასა და ტრადიციულ ფინანსებზეა. აქედან გამომდინარე, USDC-ის რეზერვების დივერსიფიკაცია საკმაოდ სასარგებლო იყო და სიტუაციის კრიტიკულ მომენტამდე მისვლა არ დაუშვა.
ამერიკული მარეგულირებელი გავლენიანი მოთამაშეა
აშშ-ის მონეტარული პოლიტიკა დიდი ხანია ახდენს გავლენას კრიპტოვალუტურ ბაზარზე. მაგრამ თუ ადრე ძირითადი ყურადღება ფედერალური სარეზერვო სისტემის დაკრედიტების განაკვეთსა და ინფლაციის დონეს ეთმობოდა, ახლა კრიპტოვალუტური საზოგადოება აკვირდება ყოველ ნაბიჯსა და სიტყვას ნებისმიერი სხდომის დროს.
და ეს გასაკვირი სულაც არ არის, იმის გათვალისწინებით, რომ ერთი შტატის მარეგულირებელს ციფრული აქტივების ინდუსტრიისთვის საკმაოდ საგრძნობი შედეგების პროვოცირება შეუძლია. მაგრამ გაუგებარია მხოლოდ ის, აცნობიერებს თუ არა ფედერალური სარეზერვო სისტემა თავის ქმედებებს, რადგან ისეთი დიდი ინსტიტუტების დახურვის შედეგების აღმოსაფხვრელად, როგორიცაა SVB და Signature, აუცილებელია გეგმის გაწერა მომხმარებლის დეპოზიტების რეაბილიტაციისა და სახსრების დაბრუნებისთვის. ამ საკითხის მოგვარება ბანკის ლიკვიდაციამდე გაცილებით უფრო ადვილია.
კრიპტოვალუტები ერთმანეთთან მჭიდროდაა დაკავშირებული
USDC-ის დეპეგმა გამოიწვია მრავალი სტეიბლკოინის კურსის აშვება, რომელთა შორისაა USDP, DAI, FRAX, GUSD და ა.შ. ეს მოხდა ამ მონეტების რეზერვებში თავად USDC-ის დიდი პროცენტის გამო. ზოგიერთს ტოკენს ეკავა მიწოდების 50%-ზე მეტი Circle-ის სტეიბლში, ამიტომ მათმა კურსმა ძირითად აქტივთან ერთად სინქრონული კლება დაიწყო.
სინამდვილეში, ამას შეეძლო გამოეწვია ბევრად უფრო სერიოზული შედეგები. რომ არ ყოფილიყო Circle-ის ოპერატიული რეაქცია მოვლენაზე და არასაკმარისი დივერსიფიკაცია, USDC-ის კურსი შესაძლოა $0.4-0.5-მდე დაცემულიყო. ეს, თავის მხრივ, სხვა სტეიბლკოინებს ჩაითრევდა ფსკერზე, ხოლო DAI-ის ღირებულების დაცემის გამო, რომელზეც DeFi სექტორის უმეტესი ნაწილი დგას, ლიკვიდობის პულენში მრავალი ტოკენის მოცულობა შემცირდებოდა. ხშირად, ასეთი სიტუაცია იწვევდა მომხმარებელთა სახსრების პანიკურ გატანას ფარმინგის პროგრამებიდან, რასაც მოჰყვებოდა აქტივების გაყიდვა, რაც უარყოფითად მოქმედებდა კრიპტობაზრისა და მათ შორის BTC-ის მთლიან ლიკვიდობაზე.
მაგრამ 12 მარტის მოვლენების ასეთი განვითარების თავიდან აცილება მოხერხდა. ჯერჯერობით.
