First Republic Bank-ის გაკოტრება ბიტკოინის პოზიციებს ამყარებს
აშშ-ის რეგიონული ბანკების კრიზისი ღრმავდება. First Republic Bank-ის (FRB) გაკოტრება იყო აშშ-ის ისტორიაში სიდიდით მეორე 2008 წელს მომხდარი Washington Mutual Inc-ის ჩამოშლის შემდეგ. აპრილის ბოლოს FRB-ის აქციები 73%-ით დაეცა.
Silicon Valley Bank-ისგან, Signature Bank-ისა და Silvergate-ისგან განსხვავებით, რომლებიც ცოტა ადრე გაკოტრდნენ, FRB-ს კრიპტო ინდუსტრიასთან ან IT სექტორთან საერთო არაფერი ჰქონია. ბანკი ორიენტირებული იყო მდიდარ მეანაბრეებზე და იყო გრძელვადიანი იპოთეკური სესხების მნიშვნელოვანი რაოდენობის ჰოლდერი. მათი ღირებულება დაეცა Fed-ის მიერ განაკვეთის უწყვეტი ზრდის გამო. გარდა ამისა, FRB გახდა მეანაბრეების „თავდასხმის“ კიდევ ერთი მსხვერპლი: პირველ კვარტალში ინვესტორებმა 100 მილიონ დოლარზე მეტი ოდენობის დეპოზიტები გაიტანეს.
First Republic Bank-ის აქციების ფასი წყარო: Kaiko Research
შედეგად, საბანკო დაწესებულებაზე კონტროლი დაამყარა დეპოზიტების დაზღვევის ფედერალურმა კორპორაციამ (FDIC). FDIC-მა გააფორმა გარიგება FRB ბიზნესის ძირითადი ნაწილის გაყიდვის შესახებ მსოფლიოში ერთ-ერთ უმსხვილეს ბანკთან, JPMorgan Chase & Co-სთან. მარეგულირებელმა განაცხადა, რომ FRB-ის 104 მილიარდი დოლარის ღირებულების ყველა დეპოზიტს საკუთარ თავზე ეს ფინანსური გიგანტი აიღებს. JPMorgan ასევე გამოისყიდის FRB-ის აქტივების დიდ ნაწილს 229 მილიარდ დოლარად. JPM-ს სურს კრედიტებისგან მიღებული ზარალი FDIC-ს გაუზიაროს.
მაგრამ, JPMorgan-ის ჩარევამ First Republic-ის ბედში მთლიან ბაზარზე FRB-ის გაკოტრების გავლენა ვერ შეამსუბუქა. მაისის დასაწყისში ამერიკული რეგიონალური ბანკების აქციების ფასმა მკვეთრი ვარდნა აჩვენა. PacWest Bancorp, Western Alliance Bank და KeyCorp ფასიანი ქაღალდები შესაბამისად 30%, 21% და 10%-ით დაეცა. რეგიონალური საბანკო ინდექსი KBW 5.2%-ით დაეცა და შედეგად, 2020 წლის დეკემბრის შემდეგ, ყველაზე დაბალ დონეს მიაღწია.
აქციონერები შეშფოთებულები არიან, რომ SVB, Signature-ის დახურვა და FRB-ის ამჟამინდელი გაკოტრება შეიძლება სხვა, საშუალო ზომის კრედიტორებზეც გავრცელდეს. TradFi-ის რისკების შემცირების მცდელობისას, ინვესტორები ვირტუალურ აქტივებს მიმართავენ. Kaiko Research-ის ანალიტიკოსების აზრით, რეგიონალური საბანკო ინსტიტუტების მიმართ ნდობის დაკარგვის პირდაპირი შედეგი ბიტკოინის პოზიციის გაძლიერება გახდა.
მაგალითად, FRC აქციების მომგებიანობა BTC-სა და S&P 500-ის მაჩვენებლებზე დაბალი ჯერ კიდევ მარტის დასაწყისიდან იყო. ყოველდღიური ვაჭრობის დროს ძლიერი ვოლატილობის მიუხედავად, BTC-ის ფასი აპრილის ბოლო კვირაში 7%-ით გაიზარდა. ხოლო 8 მარტიდან, როდესაც Silvergate გაკოტრდა, ბიტკოინი 30%-ით გაძვირდა. საფონდო ინდექსმა S&P 500 აპრილის ბოლო კვირა ასევე მწვანე ზონაში დახურა. მაგრამ, ამავე დროს, მარტის დასაწყისიდან მისმა ზრდამ მხოლოდ 4,4% შეადგინა.
და კიდევ ერთი მჭევრმეტყველური მაჩვენებელი. ბოლო 60 დღის განმავლობაში, BTC-ის კორელაცია ოქროსთან უმაღლეს დონეზეა ბოლო რამდენიმე თვის მონაცემებით და პირველად აჭარბებს მის კორელაციას S&P 500-თან ბოლო ორი წლის განმავლობაში.
ბიტკოინის კორელაცია ოქროსთან და S&P 500-სთან წყარო: Kaiko Research
BTC-ისა და ოქროს მზარდი ურთიერთდამოკიდებულება ნათლად აჩვენებს, რომ დღეს ინვესტორები ბიტკოინს ერთგვარ უსაფრთხო თავშესაფრად აღიქვამენ. ეს არის ამ აქტივის ლიკვიდურობის პერსპექტივის გაუმჯობესების შედეგი, აცხადებენ Kaiko Research-ში.
ბანკები ამკაცრებენ დაკრედიტების სტანდარტებს დეპოზიტების გადინების გამო, რაც ეკონომიკას ანელებს და განაკვეთების შემდგომი ზრდის საჭიროებას ამცირებს. შენარჩუნებული ინფლაციის მიუხედავად, მოსალოდნელია, რომ ფედერალური სარეზერვო სამსახური, სავარაუდოდ, ბოლოჯერ გაზრდის განაკვეთებს 25 საბაზისო პუნქტით ამ კვირის სხდომაზე, შემდეგ კი წლის ბოლომდე პაუზას აიღებს, - აცხადებენ ანალიტიკოსები.
