FTX –ის კრახისგან კანადის მასწავლებლები დაზარალდნენ

10 ნოემბერს, ონტარიოს მასწავლებელთა ვებსაიტზე გამოჩნდა მოხსენება საპენსიო ფონდზე Ontario Teachers' Pension Plan კრიპტობირჟის FTX  გაკოტრების გავლენის შესახებ, რომელიც აღიარებულია, როგორც სიდიდით მესამე კანადაში. ორგანიზაცია აცხადებს პოტენციური ზარალის შესახებ, მაგრამ ამავე დროს დარწმუნებულია მათ უმნიშვნელობაში.

გლობალურ ინვესტორებთან ერთად FTX International-ში და აშშ-ს განყოფილებაში FTX.US ონტარიოს მასწავლებლების მიერ განხორციელებულმა მთლიანმა ინვესტიციამ  $95 მილიონი შეადგინა: $75 მილიონი 2021 წლის ოქტომბერში და $20 მილიონი 2022 წლის იანვარში. OTPP-ის წარმომადგენლების თქმით, ეს თანხა არ აღემატება ფონდის მთლიანი სუფთა აქტივების 0,05%–ს.

 2019 წელს ონტარიოს მასწავლებლებმა შექმნეს პლატფორმა Teachers’ Venture Growth (TVG). იგი გამოიყენებოდა ტექნოლოგიურ სტარტაპებში და ვენჩურული  კაპიტალის მოზიდვით განვითარებად კომპანიებში ინვესტიციებისთვის. დეველოპერთა ჩანაფიქრის მიხედვით, პლატფორმამ უნდა უზრუნველყოს მონაწილეები რეალური რისკის შესაბამისი მოგება და საკუთარი საინვესტიციო პროექტების განხორციელების შესაძლებლობა.

OTPP ხაზს უსვამს, რომ TVG-ის შექმნის ეტაპზე დასახული ყველა მიზანი მიღწეულია.  შესაძლო დანაკარგებზე ორგანიზაციამ შემდეგი კომენტარი გააკეთა:

„ბუნებრივია, ადრეულ ეტაპზე აქტივების ამ კლასში ყველა ინვესტიცია ვერ ამართლებს მოლოდინს“.

შეგახსენებთ, რომ გასული კვირა  კრიპტო ინდუსტრიის მორიგი გახმაურებული გაკოტრებით აღინიშნა. ამჯერად, ყურადღების ცენტრში აქამდე პერსპექტიული ცენტრალიზებული ბირჟა FTX მოექცა. სავაჭრო მოცულობით  ერთ-ერთი მსოფლიო ლიდერი  სულ  რამდენიმე დღეში იქცა გარიყულად  პარტნიორებისთვის და SEC-ის, აშშ-ს იუსტიციის დეპარტამენტის (DoJ) და სასაქონლო ფიუჩერსების სავაჭრო კომისიის (CFTC) გაზრდილი ინტერესის ობიექტად.