Crypto.com აშშ-ში ინსტიტუციონალურ ბირჟას ხურავს
კრიპტობირჟების სია, რომლებიც აშშ-ში თავიანთ საქმიანობას აჩერებენ, კიდევ ერთი სახელით შეივსო. სინგაპურულმა კომპანიამ Crypto.com ოფიციალურად გამოაცხადა, რომ ამერიკელი ინსტიტუციონალების მომსახურებას წყვეტს.
ბირჟის ყველა მსხვილ კლიენტს საკუთარი გარიგებების დახურვასა და სახსრების გატანას 2023 წლის 21 ივნისამდე სთავაზობენ, ჯერჯერობით, ეს გადაწყვეტილება მხოლოდ კომპანიებსა და დაწესებულებს შეეხო. საცალო მომხმარებლები, რომელთა რიცხვი მთელ მსოფლიოში დაახლოებით 80 მილიონს შეადგენს, დაარწმუნეს, რომ სავაჭრო აპლიკაცია მათ მომსახურებას გააგრძელებს.
პლატფორმა Crypto.com 2016 წელს დაარსდა და სინგაპურშია რეგისტრირებული. ეს არის კრიპტოვალუტური ცენტრალიზებული ბირჟა, რომელიც მომხმარებლებს საშუალებას აძლევს შეიძინონ, გაყიდონ და შეინახონ ციფრული აქტივები.
პროექტი აშშ-ის ბაზარზე 2020 წელს შევიდა, რამდენიმე კვირაში 5 მილიონ აქტიურ მომხმარებელს მიაღწია და ამით ფეთქებადი ზრდა აჩვენა. 2022 წლის ბოლოსთვის რაოდენობა 50 მილიონამდე გაიზარდა - დამაჯერებელი მტკიცებულება იმისა, რომ მოწოდებული სერვისები ამერიკულ ბაზარზე მოთხოვნადია.
და აქამდე Crypto.com არასოდეს ყოფილა SEC-ის სამიზნე. ახლა კი ბირჟა თავის საქმიანობას წყვეტს. რატომ?
როგორც ჩანს, ბირჟის დამფუძნებლებმა გადაწყვიტეს, არ დაელოდონ, სანამ SEC-ს Coinbase-სა Binance-თან დავას დაასრულებს და სხვა კომპანიებზე გადაერთვება. მით უმეტეს, რომ კომპანიის გენერალურმა დირექტორმა, კრის მარშალეკმა გააკეთა მთელი მსოფლიოს მასშტაბით მარეგულირებლების გულის მოსაგებად საკმარისი გააკეთა:
- დიდ ბრიტანეთში კრიპტოაქტივების პროვაიდერის ოფიციალური ლიცენზია მიიღო.
- საცალო ვაჭრობისთვის განკუთვნილი თავისი წარმოებული პროდუქტისთვის CFTC-ის ლიცენზია მიიღო.
- საფრანგეთის მარეგულირებლისგან ლიცენზია მიიღო და ამ ქვეყნის ეკონომიკაში 150 მილიონი ევროს ოდენობის ინვესტიცია ჩადო.
- შეაჩერა USDT-სთან დაკავშირებული ყველა ოპერაცია კანადელი მომხმარებლებისთვის ონტარიოს ფასიანი ქაღალდების მარეგულირებელი კომისიის (OSC) მოთხოვნით.
- უმსხვილესი სპორტული კლუბებისა და ორგანიზაციების ოფიციალური სპონსორია: NWSL's Angel City FC, UFC, Formula 1, FIFA.
თუმცა, Coinbase-ის გამოცდილებამ აჩვენა, რომ აშშ-ის მარეგულირებლების მოთხოვნების დაცვა საერთოდ არ იძლევა კომერციული საქმიანობის თავისუფლებისა და პროექტის შეუფერხებელ განვითარების გარანტიას. როგორც ჩანს, SEC-ს აქვს საკუთარი მიზეზები, რომლებსაც საღ აზრსა და ქვეყნის ბიუჯეტის შევსებაზე ზრუნვასთან საერთო ნაკლებად აქვს. ამიტომ, Crypto.com-ის დამფუძნებლებმა გადაწყვიტეს, თავი დაეზღვიათ და გენსლერის სავარაუდო სარჩელისთვის დაესწროთ.
თუმცა, როგორც ნამდვილმა დიპლომატებმა, მათ ეს ყველაფერი რბილი ფორმულირებით წარადგინეს. მარშალეკის ოფიციალური განცხადება ასე ჟღერს:
ჩვენ ახლახან მივიღეთ საქმიანი გადაწყვეტილება, შევაჩეროთ ბირჟა Crypto.com-ის ინსტიტუციონალური შეთავაზება აშშ-ში 2023 წლის 21 ივნისის 23:59 საათის მდგომარეობით, მიმდინარე საბაზრო გარემოში აშშ-ის დაწესებულებების მხრიდან შეზღუდული მოთხოვნის გამო. ინსტიტუციონალურ მომხმარებლებს, ვისაც ეს შეეხო, რბილი გადასვლის მხარდაჭერის შესახებ წინასწარ აცნობეს
ამერიკული კრიპტოსაზოგადოება დარწმუნებულია, რომ საქმე მხოლოდ ინსტიტუციონალური ინვესტორებით არ შემოიფარგლება და უკვე ეძებს ალტერნატიულ პლატფორმებს ციფრული აქტივების ვაჭრობისა და შენახვისთვის. უფრო მეტიც, ცნობილი გახდა, რომ იმავე დროს, როდესაც ბირჟა Crypto.com აშშ-ის დაწესებულებებისთვის კარს ხურავს, ის ითხოვს ლიცენზიას იმავე სერვისების მიწოდებისთვის სინგაპურში.
ყველაფერი იმაზე მიუთითებს, რომ ძალიან მალე კრიპტოვალუტა, როგორც ინდუსტრია, აშშ-ისგან შორს იარსებებს. თუ, რა თქმა უნდა, გარი გენსლერი თავის უაზრო ენთუზიაზმს არ მოთოკავს.
