რა არის გენეზის ბლოკი და რატომ არ გააჩნია ის ფორკებს

ძველი აღთქმის ეს სიტყვები სამყაროს შექმნის ბიბლიური ვერსიის შესახებ გარკვეულწილად მოგვაგონებს ბლოკჩეინის შექმნის პროცესს. მაგრამ ბლოკჩეინისთვის "სინათლე" და შექმნის ფაქტი სწორედ გენეზის ბლოკია. აქედან იწყება ნებისმიერი ახალი ქსელის არსებობის ათვლა. გენეზის ბლოკი არის ბლოკჩეინის სიცოცხლის დასაწყისი, როგორც სიტყვების შემდეგ: "იყოს ნათელი!" ეს არის ახალი ბლოკჩეინ პლატფორმის ჩასახვის ბლოკი!

როგორც წესი, დეველოპერები მას დოკუმენტაციაში მოიხსენიებენ, როგორც "ბლოკი 0-ს" ან "ბლოკი 1-ს" (ციფრი სხვადასხვა ქსელის "ფილოსოფიაზეა" დამოკიდებული).

ახალი კრიპტოვალუტის პროექტისთვის საკუთარი გენეზის ბლოკის არსებობა მიუთითებს რამდენიმე მნიშვნელოვან მომენტზე: ქსელის მთლიანობა შექმნის მომენტიდან და ციფრული მონეტების სამართლიანი განაწილება პროექტის დაწყების მომენტიდან.

უპირველეს ყოვლისა, ეს ნიშნავს, რომ კონკრეტული პროექტი ამოქმედებულია როგორც დამოუკიდებელი, თავისი ისტორიითა და წესებით.

კრიპტოვალუტა საკუთარი გენეზის ბლოკით სხვა პროექტის ბლოკჩეინის ასლს კი არ იყენებს, არამედ საკუთარ წესებს ადგენს და სრულყოფილებისკენ მუდმივი განახლებების წყალობით ისწრაფვის.

კრიპტოვალუტები, რომლებსაც საკუთარი გენეზის ბლოკი არ გააჩნია, უბრალოდ სხვა კრიპტოვალუტების ბლოკჩეინ ფორკებია. ამიტომ, ჰარდფორკის შედეგად ქსელის ახალი განშტოების ამოქმედების შემდეგ, ისინი ფორკ მონეტებს "მშობელი" აქტივების ყველა მფლობელს უსასყიდლოდ ურიგებენ. მაგალითად, Bitcoin Private ერთდროულად Bitcoin-ისა და ZClassic-ის ფორკია და მონეტა Bitcoin Private-ების მიწოდების უმეტესი ნაწილი, გარკვეული პერიოდის განმავლობაში, Bitcoin-ისა და ZCL-ის ჰოლდერებს დაურიგდა. მაინინგისა და სტეიკინგის გარეშე - ეს, ფაქტობრივად, "ბაუნტის" ფორმატს წააგავს!

 

რა თქმა უნდა, სპეკულაციის ალბათობა გუნდების მხრიდან, რომლებიც ფორკებს უშვებენ, ძალიან მაღალია. ზოგჯერ ჰარდფორკები მიუთითებს კრიპტოსაზოგადოების რადიკალურად განსხვავებულ თვალსაზრისზე მონეტის განვითარებასთან დაკავშირებით ან გვთავაზობს ახალ გადაწყვეტილებებს ბლოკის გარკვეული სიმაღლის შემდეგ სხვადასხვა წესების დაწესებით. თუმცა, პრაქტიკაში, უმეტეს შემთხვევაში, ფორკები მხოლოდ სპეკულაციის იდეალური საშუალებაა, მაგრამ ზოგიერთ მათგანს "მშობელ" მონეტაზე უკეთეს აქტივად გადაქცევის გულწრფელი სწრაფვა არ გააჩნია.

 

ეს საკმაოდ მარტივია: უკვე კარგად ცნობილი კრიპტოვალუტების არსებული ბლოკჩეინის გამოყენებით, ახალი პროექტის დეველოპერები აპრიორი მიზნად ისახავენ აქტივების სპეკულაციას. ფორკისთვის, ისინი უბრალოდ ქმნიან წესების ახალ კრებულს, რომელიც მათთვის ჯერ კიდევ გამოსვლამდეა ცნობილი და ამ ინფორმაციის გაცილებით ადრე გამოყენება შეუძლიათ. უმარტივესი გზა არის იმ მონეტების დიდი რაოდენობით ყიდვა, რომელთა ბლოკჩეინზე იქნება გამოყენებული ფორკი, ასევე ამ იდეის ინსაიდერული ინფორმაციის სახით მიყიდვა მარკეტმეიკერებისთვის, რომლებიც ფორკის გაჩენის შემდეგ ფასებს ხელოვნურად გაბერავენ.

როდესაც BTCP-ის (Bitcoin Private) გუნდმა გამოაცხადა, რომ ZCL და Bitcoin მფლობელებს მონეტა BTCP-ებს უფასოდ დაურიგებდა, ZCL-ის ფასი მკვეთრად გაიზარდა. რა თქმა უნდა, BTCP-ის შემქმნელებმა იაფი ZCL წინასწარ, ჯერ კიდევ ახალი ფორკის წესების გასაჯაროებამდე იყიდეს და წარმოიდგინეთ მოგების მოცულობა, რომელიც მაშინ ამ გუნდის თითოეულმა წევრმა მიიღო. ფორკების შექმნის ასეთი სცენარები კი ძალიან ბევრი იყო. 

სწორედ ამიტომ, გენეზის ბლოკიდან ნებისმიერი ქსელის შექმნის დასაწყისი  ნებისმიერი არასპეკულაციური კრიპტოვალუტისთვის მართლაც მნიშვნელოვანი კრიტერიუმია.