Fuel Network: პროექტისა და შესაძლო რეტროდროპის მიმოხილვა

პროექტის ერთ-ერთი მთავარი მიზანია თაღლითობის თავიდან აცილება და საკუთარი ეკოსისტემის გამოყენების უსაფრთხოება. Fuel Network ეფუძნება საკუთარ პროგრამულ უზრუნველყოფას, რომლის წყალობითაც ბლოკჩეინს ტრანზაქციების მრავალი ჯაჭვის დამუშავება პარალელურად შეუძლია.

ამ სტატიაში განვიხილავთ, თუ როგორ მოვახდინოთ ურთიერთქმედება Fuel Network-თან, ინვესტიციის რა მოცულობის მოზიდვა მოახერხა გუნდმა და რა აქტივობებია ამჟამად ხელმისაწვდომი ქსელში.

Fuel Network-მა დახურა რამდენიმე საინვესტიციო რაუნდი, რომლის წყალობითაც შესაძლებელი გახდა $81.5 მილიონის მოზიდვა. ოფიციალური ვებგვერდის მონაცემების მიხედვით, პროექტის მთავარი ინვესტორები იყვნენ ისეთი კრიპტოვალუტური ფონდები, როგორიცაა Blockchain Capital, Spartan, Coin Fund, Stratos, TRGC, ZMT და ზოგიერთი სხვა ვენჩურული კომპანია.

Fuel Network არის მოდულური ბლოკჩეინი. ეს ნიშნავს, რომ ტრანზაქციის მონაცემები და კონსენსუსის ალგორითმი გამოყოფილია სხვადასხვა პარალელურ მოდულებად. ეს იძლევა საშუალებას მნიშვნელოვნად გაიზარდოს გადარიცხვების სიჩქარე და ქსელის გამტარუნარიანობა.

Fuel Networ-ის მთავარი თავისებურებები ასეთია:

● ტრანზაქციების პარალელურად შესრულება მრავალი ნაკადისა და ცენტრალური პროცესორის ბირთვების მეშვეობით;

● Fuel-ის ვირტუალური მანქანა (FuelVM). ეს არის საკუთარი არქიტექტურა და გარემო Fuel Network-ის შემუშავებისთვის;

● პროგრამირების საკუთარი ენა - Sway, რომელიც Solidity-ისა და Rust-ის უპირატესობებს აერთიანებს.

ახლა Fuel Network სატესტო ქსელში მდებარეობს, ასე რომ მომხმარებლებს აქვთ შესაძლებლობა, აქტივობისთვის ჯილდოს სახით ტოკენების დროპი მიიღონ. ასევე კონტენტის ავტორებსა და ინფლუენსერებს შეუძლიათ მონაწილეობა მიიღონ ამბასადორულ პროგრამაში.

Fuel Network-თან მუშაობის დასაწყებად, თქვენ უნდა ჩამოტვირთოთ და დააინსტალიროთ საფულე თქვენს ბრაუზერში. შემდეგ, თქვენ უნდა გადადგათ შემდეგი ნაბიჯები:

● ჩამოტვირთეთ საარქივო ფაილი Fuel Network-ის ოფიციალური დოკუმენტაციით;

● გახსენით არქივი საკუთარ მოწყობილობაზე;

● გადადით Google Chrome-ის გაფართოებებზე, ჩართეთ "დეველოპერის რეჟიმი“ და დააწკაპუნეთ "გახსნილი გაფართოების ჩამოტვირთვა“;

● აირჩიეთ კომპიუტერიდან გახსნილი ფაილი. ამის შემდეგ Fuel Wallet ბრაუზერში დაინსტალირდება.

მას შემდეგ, რაც დააინსტალირებთ საფულეს და შეინახავთ seed-ფრაზას, თქვენ უნდა გამოითხოვოთ სატესტო ტოკენები: საფულეში დააჭირეთ ღილაკს "Fauset" და თქვენი საცავი 0.5 სატესტო ETH-ით შეივსება.

Swayswap ჯერჯერობით ერთადერთი დეცენტრალიზებული პლატფორმაა, რომელთანაც Fuel Network-ში შესაძლებელია ურთიერთქმედება. ამ DEX-ზე ხელმისაწვდომი მოქმედებების სია ასეთია:

Fuel-ის ბლოკჩეინზე ფუნქციონირებს NFT მარკეტპლეისი Fuelart.  საფულის ამ dApp-თან დაკავშირების შემდეგ, დააწკაპუნეთ "Create"-ს და შეიყვანეთ თქვენი NFT-ის მონაცემები. დასასრულს დააჭირეთ "Create"-ს.

ასევე შეგიძლიათ გადახვიდეთ დეშბორდზე და ბაზარზე ნებისმიერი ტოკენი შეიძინოთ.

Fuel Network არის საინტერესო პროექტი, რომელიც განვითარების ადრეულ ეტაპზე იმყოფება. რამდენიმე რაუნდის განმავლობაში მან შეაგროვა $80 მილიონი Partan-ისგან, CoinFund-ისგან, BlockChain Capital-ისგან, Alameda-სა და მრავალი სხვისგან. ამჟამად, აქტივობა ქსელში შემოიფარგლება საფულის შექმნითა და ორი პლატფორმის - Swayswap-ისა და Fuelart-ის ტესტირებით.

Fuel Network-ში მუშა აპლიკაციების რაოდენობის გაზრდის შემთხვევაში, გუნდი აცნობებს თავის მომხმარებლებს ამის თაობაზე. ამიტომ, აზრი აქვს პროექტის ოფიციალური Discord-ის გამოწერას, რათა არ გამოგრჩეთ მნიშვნელოვანი განახლებები და განცხადებები.