Microsoft-ში ამტკიცებენ, რომ AI შესანიშნავი რამ არის
კორპორაცია Microsoft-ს ხელოვნური ინტელექტის შემუშავების ტემპის შენელება არ სურს. ტექნოლოგიური სირთულეები მათ არ ადარდებთ.
Microsoft-ის, ვიცე-თავმჯდომარისა და პრეზიდენტის ბრედ სმიტის თქმით, სახელმწიფომ ხელოვნური ინტელექტის მარეგულირებელი ჩარჩოს შემუშავება უნდა დააჩქაროს.
სმიტი აღნიშნავს, რომ ხელოვნურ ინტელექტს, მანამდე არსებულ ნებისმიერ სხვა ტექნოლოგიასთან შედარებით, არა მხოლოდ უზარმაზარი დადებითი პოტენციალი გააჩნია, არამედ უფრო მეტიც, ხელოვნური ინტელექტის გამოყენება ყველაზე მრავალფეროვან დარგებშია შესაძლებელი.
ავიღოთ, მაგალითად, მედიცინა და ფარმაცევტული კვლევები. აქ ტექნოლოგია აჩვენებს უზარმაზარ უპირატესობებს დაავადებების დიაგნოსტიკის, სამკურნალო პრეპარატების შემუშავების სფეროსა და სტიქიური უბედურებების მსხვერპლთა გამოვლენის კუთხითაც კი.
სმიტს არ სჯერა, რომ ხელოვნური ინტელექტი რაიმე საფრთხეს წარმოადგენს. მისი თქმით, ხელოვნური ინტელექტით უკვე აღჭურვილია ისეთი მარტივი მოწყობილობაც კი, როგორიცაა რობოტი მტვერსასრუტი Roomba, რომელიც უკვე გაყიდვაში გამოჩნდა.
ხელოვნურ ინტელექტთან დაკავშირებით გავრცელებულ შეშფოთებაზე საუბრისას, სმიტმა ხაზგასმით აღნიშნა, რომ ტექნოლოგიები, რომელთა გარეშეც დღეს ცხოვრება ვერ წარმოგვიდგენია, თავი დროზე, უთუოდ, საშიშად ითვლებოდა.
როდესაც საქმე ეხება ხელოვნური ინტელექტის მიერ გენერირებულ დიპფეიკებს, როგორიცაა პენტაგონის მახლობლად მომხდარი აფეთქების ფოტო, ყველაფერი კიდევ უფრო მარტივია. სპეციალისტის აზრით, ასეთი სურათების დასადგენად და იდენტიფიცირებისთვის, აუცილებელია სპეციალური აღნიშვნების შემოღება.
"ფაილში ჩაშენდება ის, რასაც ჩვენ მეტამონაცემებს ვუწოდებთ. ეს მონაცემები უკვე ფაილის ნაწილია და თუ ის წაიშლება, ჩვენ ასეთი შემთხვევის აღმოჩენა შეგვიძლია. თუ გამოჩნდება მოდიფიცირებული ასლი, მაშინ ჩვენ, არსებითად, ვქმნით ჰეშს. შეგიძლიათ ეს თითის ანაბეჭდად ჩათვალოთ, რომელსაც მოგვიანებით ინტერნეტში ვიპოვით“, - ამბობს სმიტი.
თუმცა, ის ეთანხმება მოსაზრებას, რომ გაუთვალისწინებელი შემთხვევებისთვის სწრაფი რეაგირების გეგმა უნდა შემუშავდეს. გარდა ამისა, ხელოვნური ინტელექტის რეგულირების მიზნით, ახალი სამთავრობო სააგენტოს შექმნაც არ იქნება ზედმეტი.
შრომის ბაზარზე ამ ტექნოლოგიების გავლენის შესახებ საუბრისას, Microsoft-ის პრეზიდენტი ამტკიცებს, რომ ხელშესახებ ცვლილებებს (თუნდაც უარყოფითს) დაუყოვნებლივ არ უნდა ველოდოთ.
”ბევრი ჩვენგანისთვის, შეიცვლება თავად მუშაობის პრინციპი”, - თქვა სმიტმა. "ჩვენ შევიძენთ ახალ უნარებს, რომლებიც, სიმართლე რომ გითხრათ, მაინც უნდა განვავითაროთ და დავეუფლოთ მათ".
ადრე GNCrypto უკვე წერდა, რომ ილონ მასკმა საზოგადოებას Tesla-ს მოწინავე რობოტები წარუდგინა.
