"ფამფ/დამფ სტრატეგია": როგორ მუშაობს ის და ვინ შოულობს ამით ფულს

კრიპტოვალუტის პროექტები, ან ნაკლებად სანდო კრიპტობირჟები ასეთ ღონისძიებებს საკუთარი სარგებლისთვის ხშირად ატარებენ. "ფამფი"/"დამფი" შემდეგნაირად ხორციელდება.

ამით ფულს რამდენიმე სუბიექტი შოულობს. პირველ რიგში, თაღლითი, რომელიც უამრავ ტოკენს გაბერილ ფასად ყიდის. მეორეც, პლატფორმა, რომელზეც მანიპულაცია განხორციელდა: მას ვაჭრობის დიდი მოცულობიდან შესანიშნავი საკომისიო ერგება.

"ფამფის"/"დამფის" საშუალებით ფულის გამომუშავების კიდევ ერთი გზა არსებობს. სოციალურ ქსელებში ბევრი ჯგუფი და არხია, რომლებიც, თითქოს, კრიპტოვალუტის "ფამფებს" პროგნოზირებს. ისინი ინტერესს ადამიანების რეალური ან ყალბი გამოხმაურებებით აღვივებენ, ასევე წარსული გარიგებებით, სადაც ადამიანების დასარწმუნებლად თვალსაჩინოებისთვის ტოკენის "ფამფს" ახორციელებენ. ყველაზე გულუბრყვილო მომხმარებლები, რომლებიც თვლიან, რომ მათ სამომავლო "ფამფით" ფულის შოვნის შესანიშნავი საშუალება მიიღეს, ტოკენს ყიდულობენ და ფასის ზრდისთვის აუცილებელ საწვავი ხდებიან, "დამფის" შემდეგ კი ხახამშრალები რჩებიან.

მაგრამ განა ყველა კრიპტოვალუტის "ფამფია" შესაძლებელი. ცხადია, არასწორად მომზადებული "ფამფის" გამო, კომპანიას, რომელიც ამგვარი „ბიზნესითაა“ დაკავებული, ზარალი ელოდება. ასეთია მანიპულაციისთვის აუცილებელი პირობების სია:

ბოლო "ფამფებიდან" აღსანიშნავია მონეტა SONM (SNM). 2 დღეში ტოკენი 5000%-ით გაიზარდა, მიზეზად კი, თითქოს, მონეტების ნაწილის დაწვა გახდა. ემისიის 80% კრიპტობირჟის კონტროლის ქვეშ იყო, რომელზედაც ტოკენი ივაჭრებოდა, ასე რომ სიტუაცია სქემის ჩამოთვლილ მახასიათებლებს სრულად შეესაბამებოდა.

მკვეთრი ზრდის შემდეგ, ტოკენი წინა მნიშვნელობებს ისევე სწრაფად დაუბრუნდა.

ვაჭრობის მოცულობამ მომენტში $1 მილიარდს მიაღწია იმ დროს, როდესაც მანიპულაციამდე მაჩვენებელი დღე-ღამეში $3-5 მილიონს იშვიათად აღემატებოდა. ბოროტმოქმედის პოტენციური მოგება, შესაძლოა, უწესოდ დიდი მოგეჩვენოთ.

კრიპტოს ყველა ფეთქებადი ზრდა დაგეგმილი "ფამფის" ნიშანი როდია. ხანდახან, სუსტი ლიკვიდურობის, ან ძლიერი საინფორმაციო საბაბის გამო, მომხმარებელთა მკვეთრი შემოდინება მონეტის ფეთქებადი ზრდის პროვოცირებას ნამდვილად იწვევს. ასეთი შემთხვევები მანიპულაციისგან ადვილად გასარჩევია, რადგან ეს შედარებით სანდო კრიპტოვალუტებზე, სავაჭრო პლატფორმებსა და გასაგები მიზეზების გამო ხდება.

მაგალითად, წელს ბირჟა HUOBI-ზე, მონეტა MOVR მაშინდელი მაღალი ქსელური აქტივობის გამო მკვეთრად გაიზარდა. საინტერესოა, რომ ბირჟაზე "გამყიდველები" მალე დამთავრდნენ, პლატფორმამ კი სახსრების შემოტანის შესაძლებლობა დახურა, რის გამოც ტოკენის ფასი სხვა ბირჟებზე დაფიქსირებული ღირებულებისგან 500%-ით იყო განსხვავებული.

ფასი მაღალ ნიშნულს დიდი ხნის განმავლობაში ინარჩუნებდა, რის შემდეგაც მარკეტმეიკერს კურსის დასტაბილურება ხელით მოუწია.

ასეთი სიტუაცია კრიპტოვალუტის "ფამფით" ფულის შოვნის ოპტიმალური საშუალებაა. ისე უნდა დაემთხვეს, რომ საჭირო  ბირჟაზე საჭირო ტოკენი გედოთ, რომელიც საჭირო დროს გაიზრდება. წინააღმდეგ შემთხვევაში "ფამფებთან" საქმის დაჭერა არ ღირს, რადგან ისინი წამქეზებლებისთვის და არა ჩვეულებრივი მომხმარებლებისთვის მოგების მოსატანადაა შექმნილი.