შესყიდვები Litecoin-ში BitPay სერვისის მეშვეობით

Litecoin ერთ-ერთი პირველი კრიპტოვალუტაა. ის 2011 წელს Bitcoin-ის ფორკის სახით შეიქმნა და მის გამარტივებულ ვერსიად მოიაზრებოდა. Litecoin-ის უპირატესობა უფრო სწრაფ და იაფ ტრანზაქციებში გამოიხატებოდა, რაც მას შესყიდვების გადახდისთვის იდეალურ მონეტად აქცევდა. 

Litecoin-ისთვის საკვანძო მოვლენა გადახდის სისტემასთან BitPay პარტნიორობა გახდა, რომელიც 2021 წლის ივნისში გაფორმდა. ამან მომხმარებლებს ბევრ წამყვან ონლაინ მაღაზიაში კრიპტოვალუტით გადახდის საშუალება მისცა.

BitPay მსოფლიოში უდიდესი გადახდის სერვისია, რომელიც მერჩანტებს კრიპტოვალუტის მიღების საშუალებას აძლევს. კომპანია 2011 წელს დაარსდა და არის პიონერი ბლოკჩეინზე დაფუძნებული გადახდის ტექნოლოგიის სფეროში.

არსებობს ოთხი საშუალება იმისა, თუ როგორ შეუძლია მყიდველს კრიპტოვალუტით გადახდა:

1. Litecoin-ის გაგზავნა თქვენი საფულიდან გამყიდველის საფულეში

2. Litecoin-ით გადახდა, თუ გამყიდველს კრიპტოვალუტით გადახდების მიღების ფუნქცია აქვს 

3. Litecoin-ით სასაჩუქრე ბარათის შეძენა და შემდეგ ამ ბარათით გადახდა შესყიდვისას 

4. შესყიდვისას BitPay-ს ბარათით გადახდა

Litecoin-ისა და BitPay-ის პარტნიორობა საშუალებას გაძლევთ, გადაიხადოთ კრიპტოვალუტით ისევე, როგორც იხდით თქვენს საბანკო ბარათზე არსებული დოლარით. ანუ შეგიძლიათ, შეხვიდეთ მაღაზიაში, აირჩიოთ საქონელი და გადაიხადოთ Bitpay ბარათით.

"გადახდის მეთოდის სახით BitPay-ის გამოყენების" არჩევით, თქვენი Litecoin-ის საფულიდან მყისიერად ჩამოიჭრება კრიპტოვალუტის საჭირო რაოდენობა, საქონლის ღირებულების ეკვივალენტში. უფრო მეტიც, BitPay-ის ბარათის გამოყენება შესაძლებელია ნებისმიერ ბანკომატში, რაც Litecoin-ს ნაღდ ფულად აქცევს.

BitPay-მ დააკავშირა ათასობით ვაჭარი მილიონობით მყიდველთან, რომლებსაც სურთ, გადაიხადონ კრიპტოვალუტით. პარტნიორობის მომენტიდან, სერვისმა 30 მილიონ დოლარზე მეტი ღირებულების 180 000-ზე მეტი გადახდა დაამუშავა.

მხოლოდ ერთ წელიწადში Litecoin-ის ყოველთვიური გადახდები 109%-ით გაიზარდა.

ყველაზე პოპულარული მონეტა, რომლითაც გადახდა BitPay სერვისის მეშვეობით ხდება, კვლავ Bitcoin არის. მასზე გადახდის 41%-ზე მეტი მოდის. მეორე ადგილზეა Litecoin, რომელიც 27%-ზე მეტი ოდენობის წილს ინარჩუნებს. მესამე და მეოთხე ადგილზეა ანგარიშსწორება Ethereum-სა (~11%) და Dogecoin-ში (~9%).

მიუხედავად ამისა, სტაბილურად იზრდება Litecoin-ის გადახდების პროცენტული თანაფარდობა ყველა სხვა კრიპტოვალუტის მიმართ, რომლებიც  BitPay-ში წარმოდგენილია.

სულ რაღაც ბოლო 6 თვეში Litecoin-ის ტრანზაქციების რაოდენობამ 135 ათასზე მეტი შეადგინა.

ყველაზე აქტიური რეგიონი, სადაც Litecoin-ით გადახდა ხდება, არის ჩრდილოეთ ამერიკა. მაგრამ ბოლო დროს აქტივობის დიდი ზრდა დაფიქსირდა EMEA-ს ქვეყნებში (ევროპა, ახლო აღმოსავლეთი, აფრიკა), ასევე ლათინურ ამერიკასა და აზია-წყნარი ოკეანის რეგიონში.

ყველაზე ხშირად, Litecoin-ს სასაჩუქრე ბარათების შესაძენად იყენებენ. BitPay გაძლევთ საშუალებას, შეიძინოთ ბარათები 100-ზე მეტი ბრენდისგან, როგორიცაა Amazon, Walmart, Uber, Google Play, Sony PlayStation, Xbox, Airbnb, Domino's და სხვა.

სხვა სფეროები, რომლებშიც მომხმარებლები შესყიდვებს ამჯობინებენ: ელექტრონიკა, კომპიუტერული თამაშები, ძვირფასი ლითონები, VPN/ჰოსტინგი, ინტერნეტი და ლოგისტიკური მომსახურება.

Litecoin-ის მთავარი უპირატესობა არის სიჩქარე, რომელიც საშუალებას გაძლევთ, გადარიცხვები თითქმის მყისიერად განახორციელოთ, ამასთან ძალიან დაბალი საკომისიოთი. BitPay-ის მონაცემებით, Bitcoin-ით გადახდის საშუალო საკომისიო არის დაახლოებით $0.3, ხოლო Litecoin-ის შემთხვევაში - $0.1-ზე ნაკლები.

სპეციალურად Litecoin-ისთვის შექმნილ საფულეებთან ერთად ამ მონეტას მხარს უჭერს ყველაზე პოპულარული მულტიჩეინური საფულეები. ყველაზე პოპულარული საფულე არის BitPay Wallet. მასზე ყველა ტრანზაქციის 63.7% მოდის. სხვა საფულეები, რომლებიც ხშირად გამოიყენება, არის: Trust Wallet, Litecoin Core, Exodus Wallet, Atomic Wallet და Coinbase Wallet.

დასასრულს, გვინდა აღვნიშნოთ, რომ ამ მომენტში ათასობით კომპანია, მცირე ონლაინ მაღაზიებით დაწყებული, მსხვილი საერთაშორისო ბრენდებით დამთავრებული, იღებს კრიპტოვალუტებს გადახდის სახით. ეს საშუალებას გაძლევთ, Litecoin-ით შეიძინოთ თითქმის ყველაფერი: კინოს ბილეთით დაწყებული, მანქანით დამთავრებული.

ამასთან, Litecoin ასევე მუშაობს გადახდის "ტრადიციულ" კარიბჭეებზე, როგორიცაა Visa, MasterCard, PayPal, Venmo და Apple Pay. ვაჭრების მზარდი რაოდენობისთვის, რომლებიც Litecoin-ის მიღებას იწყებენ, ეს მომხმარებელთა ახალ ბაზას ხსნის და შემოსავლების ნაკადებს ზრდის. მყიდველებისთვის კი ის ასრულებს დიდი ხნის ოცნებას - ნებისმიერი შესყიდვის გადახდას კრიპტოვალუტით.