Klaytn არის ბლოკჩეინ პლატფორმა, რომელიც მომხმარებლებს საშუალებას აძლევს შექმნან საკუთარი პროექტი შემუშავების ჩაშენებული გარემოსა და მოსახერხებელი ინტერფეისის დახმარებით.
ბლოკჩეინი თავსებადია Ethereum-ის ვირტუალურ მანქანასთან, ამიტომ ქსელი კარგად ახდენს სინქრონიზაციას ბევრ სხვა EVM ქსელთან. Klaytn-ზე შეგიძლიათ შექმნათ DeFi აპლიკაციები, სხვადასხვა dApps, NFT, თანაც ქსელის საკომისიო გაცილებით დაბალია, ვიდრე Ethereum-ზე.
ჩვენ მოვამზადეთ Klaytn-ის ბლოკჩეინის დეტალური გზამკვლევი და მისი დიდი ეკოსისტემის მიმოხილვა.
შექმნის ისტორია
ბლოკჩეინ პროექტ Klaytn-ის ამოქმედება სამხრეთ კორეის ტექნოლოგიური გიგანტის, Kakao-ს ინიციატივით მოხდა. კომპანიამ გადაწყვიტა, ჩაეხურა თავისი პროდუქტების საჭიროება ბლოკჩეინ ტექნოლოგიაში, რადგან Kakao-ს დომინაცია სამხრეთ კორეის ბაზარზე 95%-ს შეადგენს.
Klaytn-ისთვის შეიქმნა შვილობილი კომპანია GroundX, რომლის დირექტორი გახდა კორეის მეცნიერებისა და ტექნოლოგიების მოწინავე ინსტიტუტის (KAIST) ელექტროინჟინერიისა და კომპიუტერული მეცნიერების დოქტორი ჰან ჩჟე სუნი.
Klaytn-ის სრული ამოქმედება 2019 წლის ივნისში მოხდა.
პროექტის დაფინანსება
ანალიტიკური ვებგვერდ Crunchbase-ის მონაცემებით, Klaytn-მა მხოლოდ ერთი საინვესტიციო რაუნდი განახორციელა. შედეგად, ICO-მ მოახერხა $90 მილიონის მოზიდვა საინვესტიციო ფონდებიდან Crescendo Equity Partners, IDG Capital და Translink Capital.
Klaytn-ის საინვესტიციო ისტორია (Crunchbase)
ქსელის თავისებურებები
Klaytn შესანიშნავად აერთიანებს თავის თავში დეცენტრალიზაციისა და კონტროლის თვისებებს, მასშტაბირებისა და ტრანზაქციის სიჩქარის მსხვერპლად შეწირვის გარეშე. იმისათვის, რომ განათავსოთ საკუთარი პროგრამა ამ ბლოკჩეინზე, არ არის საჭირო, იყოთ ბლოკჩეინის დეველოპერი, ან ექსპერტი კრიპტოგრაფიის სფეროში. dApp-ის, ან თქვენი საკუთარი ტოკენის ამოქმედება ადვილადაა შესაძლებელი ჩაშენებული პროგრამული უზრუნველყოფის გამოყენებით.
Klaytn-მა გადადგა ასეთი ნაბიჯი იმისთვის, რომ ბლოკჩეინზე გადაეყვანა ბევრი სამხრეთ კორეული კომპანია, რომლებიც Kakao აგლომერატის ნაწილია. გენერალური დირექტორის, ჰან ჩჟე სუნის თქმით, კომპანიების ჯამური ღირებულება, რომლებიც იყენებენ Klaytn-ს, $65 მილიარდს აღემატება.
Klaytn გაძლევთ საშუალებას, შექმნათ მრავალი სახის dApps, მათ შორის არაჩანაცვლებადი და ჩანაცვლებადი ტოკენები, შეაგროვოთ ხელოვნების ნიმუშები ივაჭროთ ამით, შეიმუშაოთ DEX ბირჟები, თამაშები, საკრედიტო პროტოკოლები და სხვა პროდუქტები.
ინსტრუმენტები და სახელმძღვანელო Klaytn-ზე თქვენი საკუთარი პროექტის შესაქმნელად (developer.klaytn.foundation)
კრიპტოვალუტა KLAY
KLAY ტოკენი გამოიყენება ქსელში საკომისიოს გადასახდელად, პროექტის სამართავად და შესაძლებელს ხდის ფულის გამომუშავებას სტეიკინგის ინსტრუმენტის დახმარებით. კონსენსუსის ჰიბრიდული ალგორითმი, რომელიც აერთიანებს Proof-of-Contribution-სა (PoC) და pBFT-სა (practical Byzantine Fault Tolerance), უნივერსალურ დეცენტრალიზებულ გარემოს უზრუნველყოფს და მუშაობითა და თავისი მოვალეობების შესრულებით ვალიდატორების დაინტერესების გარანტიას იძლევა.
ასეთია KLAY მონეტის რამდენიმე მახასიათებელი:
- საბაზრო კაპიტალიზაცია — $712 მილიონი;
- მაქსიმალური ემისია — შეუზღუდავი;
- სულ მიმოქცევაში — 3.1 მლრდ;
- ვაჭრობის საშუალო დღიური მოცულობა — $70 მილიონი;
- მაქსიმალური ფასი - $4.24;
- მინიმალური ფასი — $0.079;
- აქტუალური ღირებულება არის $0.21.
KLAY ტოკენის კურსის დინამიკა (CoinMarketCap)
კრიპტოვალუტა KLAY-ს შეძენა და ვაჭრობა შესაძლებელია ბირჟებზე WhiteBIT, OKX, Mexc, Gate და სხვა მსხვილ პლატფორმებზე. სავაჭრო პლატფორმების სრული სია შეგიძლიათ იხილოთ CoinGecko-სა და CoinMarketCap-ის ანალიტიკურ რესურსებზე განყოფილებაში "ბაზრები".
მიმდინარე განვითარება და ეკოსისტემა
Klaytn-ის არქიტექტურა საკმაოდ მოსახერხებელია მრავალ ბლოკჩეინ პროექტში ინტეგრაციისთვის. უმსხვილესი NFT მარკეტპლეისი OpenSea იყო ერთ-ერთი პირველი, რომელმაც Klaytn-ზე აქტივებით ვაჭრობის შესაძლებლობა დაამატა. ბლოკჩეინ ბრაუზერის, scope.klaytn.com-ის ინფორმაციით თუ ვიმსჯელებთ, ამჟამად ახლა ქსელში 154 NFT პროექტია ამოქმედებული, ხოლო თავად ტოკენები აგებულია სამ განსხვავებულ სტანდარტზე: ERC-1155, KIP-17 და KIP-37.
Klaytn-ის ეკოსისტემა მოიცავს ათობით პროექტს სხვადასხვა სფეროდან: DeFi, ორაკულები, საფულეები, კროსჩეინ ხიდები, შემუშავების ინფრასტრუქტურა და ა.შ. Klaytn-ზე განლაგებული აპლიკაციების სრული სია შეგიძლიათ იხილოთ klaytn.foundation-ის ვებგვერდზე განყოფილებაში "Ecosystem".
Klaytn-ის ეკოსისტემა
