ლვოვის ანდრეი შეპტიცკის სახელობის მუზეუმმა NFT-კოლექცია შექმნა

კოლექცია მოიცავს 17-19 საუკუნეების წამყვანი ევროპელი  მხატვრების ნახატებს, მაგალითად, რემბრანდტ ჰარმენს ვან რეინის და ჯოვანი ბატისტ ტიეპოლოს, რომლებიც ერთ ციფრულ სივრცეს ინაწილებენ 20-ე საუკუნის ცნობილი უკრაინელი მხატვრებთან (ალექსანდრე არქიპენკო, ელენა კულჩიცკა, ნიკიფორ დროვნიაკი, ლეოპოლდ ლევიცკი). ასევე კოლექციაში წარმოდგენილია 18-19 საუკუნეების რამდენიმე უკრაინული ხალხური გრავურა.

პროექტზე საერთო ჯამში შვიდი თვის განმავლობაში მუშაობდნენ. განსახორციელებლად შეარჩიეს NEAR Protocol ბლოკჩეინი. NFT ნამუშევრების გაყიდვიდან მიღებული თანხა მოხმარდება მუზეუმის დაცვის სისტემის გაუმჯობესებას, სხვა ნამუშევრების დიგიტალიზაციას, NML-ის ფუნქციონირებას, ასევე უკრაინის მუზეუმების აღდგენას, რომლებიც დაზარალდნენ რუსეთის ფართომასშტაბიანი სამხედრო აგრესიის შედეგად.

ერთ-ერთი ყველაზე ძვირადღირებული ნამუშევარი, რომელიც დაახლოებით 5,928 NEAR-ი ან $18,555 ღირს, არის რემბრანდტის 1636 წლის ესკიზი.

კოლექციის პრეზენტაცია 29 ოქტომბერს შეპტიცკის სახელობის ეროვნული მუზეუმის მთავარ დარბაზში ციფრულ ფორმატში გაიმართა. სტუმრებს გალერეის ვირტუალურ სივრცეში VR სათვალეების საშუალებით სეირნობის საშუალება მიეცათ.

ალბათ შენიშნეთ, რომ  V-Art მარკეტპლეისში  წარმოდგენილი NFT-კოლექცია "ალტერნატიული განზომილებები" შედგება მე-17-მე-20 საუკუნეების ხელოვნების ნიმუშებისგან. თუმცა, გამოფენა, რომელიც V-Art-ის  NFT პლატფორმაზე ონლაინ  ხელმისაწვდომია,ასევე  შეიცავს თანამედროვე ავტორების ნამუშევრებს, რომელთა შეძენაც შესაძლებელია მესამე მხარის პლატფორმებზე.

მანამდე კოლექციიდან ნახატები არასდროს ყოფილა მუდმივ ექსპოზიციაზე. ეს მათი ფიზიკური თვისებების გამო, რაც განსაკუთრებულ შენახვის პირობებს მოითხოვს. ნამუშევრების ფიზიკური ორიგინალები ძალიან მგრძნობიარეა ტენიანობისა და სინათლის მიმართ. ამ ნაწარმოებების დაუცველობა კიდევ უფრო გაიზარდა უკრაინის წინააღმდეგ  ომისა  და რუსეთის ტერორიზმის ფონზე. ქვეყნის კულტურული მემკვიდრეობა საფრთხის ქვეშაა, ამიტომ ახლა, როგორც არასდროს, მნიშვნელოვანია დიგიტალიზაცია, რათა ხელოვნების  დაცვა მოხერხდეს თუნდაც ამ  გზით. ერთ-ერთი პირველი ამ გზაზე აღმოჩნდა ლვოვის ეროვნულ მუზეუმში დაცული შედევრები, რომლებიც მთელი მისი არსებობის განმავლობაში იკრიბებოდა.

 ვირტუალური გალერეის წყალობით, მაყურებელს პირველად შეუძლია ასე „მიუახლოვდეს“  ნამუშევრებს, რომლებიც გარე ფაქტორების მიმართ მგრძნობიარეა. სხვადასხვა თაობის, ჟანრისა და ტექნოლოგიის მხატვრების  ნამუშევრები პირველად  გამოჩნდა  ერთ სივრცეში  სრულიად  უფასოდ ყველასთვის. ვირტუალობა, ხელმისაწვდომობა და თითოეული წარმოდგენილი  ნივთი,  გამოფენას  წარმოუდგენლად ღირებულს ხდის.  NFT კოლექციიდან "ალტერნატიული განზომილებები" ნამუშევრების საგულდაგულოდ შერჩეულმა მოწყობამ მათ საშუალება მისცა მიეღოთ არა მხოლოდ ერთმანეთთან, არამედ მაყურებლებთან და თანამედროვე შემქმნელებთან ურთიერთობის გამოცდილება", - ამბობს პროექტის ერთ-ერთი კურატორი, ალექსეი გავრილიუკი.

შეგახსენებთ, რომ V-Art არის ერთ-ერთი წამყვანი NFT პლატფორმა, რომელიც შექმნილია ხელოვნების ნიმუშების ციფრული ვერსიების  წარმოებისთვის. პლატფორმა სრულფასოვანი ეკოსისტემაა მხატვრებისთვის, მუზეუმებისთვის, გალერეებისთვის, არტ-დილერებისთვის, კურატორებისთვის, ხელოვნების მოყვარულთათვის და კრიპტოვალუტის საზოგადოებისთვის.