რატომ ამბობენ "გაყიდე მაისში და წადი“?

ეს გამოთქმას სათავეს მე-18 საუკუნის ლონდონის ფინანსური უბნიდან იღებს და მისი ორიგინალური ვატიანტი ასე ჟღერს: "გაყიდე მაისში და წადი, დაბრუნდი წმინდა ლეჯერის დღეს“. ანუ, იგულისხმება წლის თბილი პერიოდი, მაისიდან სექტემბრამდე, როდესაც მდიდარი არისტოკრატები დასვენებას ამჯობინებდნენ. შესაბამისად, ამ თვეებში ბიზნესაქტივობა საგრძნობლად მცირდებოდა, რაც აქტივების ფასზე აისახებოდა.

მიუხედავად იმისა, რომ ამ გამოთქმას აქვს ისტორიული საფუძველი, რომელიც ძველი დაკვირვებებით არის გამყარებული, ის სამართლიანად ვერ ჩაითვლება. სულ მცირე, იმის გამო, რომ მას შემდეგ ბევრი რამ შეიცვალა. ასევე აღსანიშნავია, რომ ეს ანდაზა საფონდო ბაზარს აღწერს და არ არის რელევანტური აქტივების სხვა კლასებისთვის, როგორიცაა კრიპტოვალუტები.

საბაზრო პირობები, ეკონომიკური ფაქტორები და გლობალური მოვლენები აქტივების ფასზე შეიძლება წელიწადის დროის მიუხედავადაც მოქმედებდეს, რაც ამ სეზონურ მოდელს, რეალური საინვესტიციო სტრატეგიის თვალსაზრისით, ნაკლებად სანდოს ხდის.

 

სეზონური გავლენა ბაზრის ლიკვიდობასა და მდგრადობაზე შეამცირა თანამედროვე საბაზრო დინამიკამ და ტექნოლოგიების განვითარებამაც. შედეგად, მხოლოდ ამ გამარტივებულ გამონათქვამზე დაყრდნობა არაგონივრული გადაწყვეტილება იქნებოდა.

 

ინვესტორებმა უნდა გამოიყენონ კომპლექსური მიდგომა და ანალიზი, რომელიც ყველა შესაძლო ფაქტორსა და ეკონომიკურ მაჩვენებელს ითვალისწინებს. თუმცა, ახლა ერთი ლეგენდით მეტი იცით.