რატომ უწოდებენ კრიპტოს ახალ ოქროს

კრიპტოვალუტა - ახალი ოქროა? პირველად, ამ საინვესტიციო აქტივების საერთოობის იდეა  უმსხვილესი ამერიკული ბანკის JPMorgan-ის ანგარიშში 2020 წლის ოქტომბერში გაჟღერდა. მაშინ ბანკირებმა აღიარეს, რომ ფინანსურ ბაზარზე დაიწყო კონკურენტული ბრძოლა კრიპტოსა და ოქროს შორის. ამავე დროს, JPMorgan-ის ექსპერტებმა ბიტკოინს სარისკო აქტივი უწოდეს. დიახ, კრიპტოვალუტები არ არის „უსაფრთხო ნავსაყუდელი“ ინვესტორებისთვის და ვერ დააკმაყოფილებს  ჰეჯირების საჭიროებებს. მაგრამ ის სრულად ასახავს ბაზრის მოთხოვნას ალტერნატიულ ვალუტაზე, რაც გარკვეულწილად სწორია ოქროსთან მიმართებაშიც.

ყველაზე აშკარა მსგავსება კრიპტოვალუტებსა და ოქროს შორის არის ის, რომ ეს აქტივები მოპოვებას საჭიროებენ. ძვირფასი ლითონის საბადოებს გეოლოგები იკვლევენ, შემდეგ მაღაროელები ან მაძიებლები იწყებენ მუშაობას. ვირტუალური აქტივების შემთხვევაშიც მაინინგი ან მოპოვებაა საჭირო - სპეციალური აღჭურვილობის გამოყენებით კომპლექსური გამოთვლების შესრულება.  

კრიპტოსა და ოქროს  შეზღუდული წინადადებაც აერთიანებს. ალგორითმულად არის განსაზღვრული, რომ კაცობრიობას მხოლოდ 21 მილიონი ბიტკოინის მაინინგი  შეუძლია. მათი უმეტესობა მიმოქცევაშია. რაც შეეხება ოქროს, ჩვენმა ცივილიზაციამ უკვე მოიპოვა 190 ათასი ტონა ძვირფასი ლითონი. მასშტაბის გასაგებად, საუბარია კუბზე, რომლის სახე 21 მეტრია. დედამიწის  წიაღში დარჩენილი ოქროს მარაგი დაახლოებით 112 ათასი ტონაა.  აქედან გამოკვლეული - 60 ათასი ტონაა.

რა თქმა უნდა, დეფიციტზე საუბარი ჯერ არაა. მაგრამ, მოგეხსენებათ, პროდუქტის ფასი დამოკიდებულია წინადადებაზე და მოთხოვნაზე. შეზღუდული წინადადების პირობებში,  მოთხოვნის ზრდასთან ერთად, ფასიც აუცილებლად იზრდება. ამიტომ, ინვესტორები მოელიან, რომ როგორც კრიპტო, ასევე ოქრო შეინარჩუნებენ თავის ღირებულებას დროთა განმავლობაში. ფიატური ფულისგან განსხვავებით, რომელთა დაბეჭდვაც ცენტრალურ ბანკებს  ნებისმიერ დროს და თვითნებური რაოდენობით შეუძლიათ.

კრიპტოვალუტას და ოქროს სხვა საერთო მახასიათებლების აქვთ:

1.      ეს არის დღეგრძელობა - სერიოზული ძალისხმევაა საჭირო ასეთი აქტივების განადგურებისთვის.

2.      მათი ტრანსპორტირება და შენახვა შედარებით მარტივია. ოქრო საკმაოდ კომპაქტურია და მილიონობით კრიპტოვალუტის „შეკვრა“ კი იდეალურად ეტევა  მათი მფლობელის სმარტფონში.

3.  ინვესტორებისთვის განსაკუთრებით მნიშვნელოვანია ის ფაქტი, რომ ოქროთი და კრიპტოთი  ყველა ტრანზაქცია რეგისტრირდება. 

მართლაც, როგორც ოქროს ზოდი, ისე  სმარტფონი ძალიან ადვილია უახლოეს სუპერმარკეტამდე  ან რესტორნამდე მიტანა. ოღონდ  ერთი ფინჯანი ყავის ფულის გადახდა ოქროს ნაჭრის მოჭრით  ნამდვილად არ გამოვა.  ბიტკოინი კი მძიმეს შემდეგ 8 ნიშნამდე იყოფა. ამიტომ, ოქროსგან განსხვავებით,ყოველდღიურ ცხოვრებაში  კრიპტოვალუტების გამოყენების სფერო ძალიან ფართოა.

მეორეს მხრივ, ოქრო, როგორც საინვესტიციო აქტივი,  კაცობრიობის მიერ უკვე ათასობით წლის განმავლობაში გამოიყენება. ბიტკოინი კი ბაზარზე სულ რამდენიმე წლის წინ გამოჩნდა. ობიექტურად, ოქროს კეთილი ნება ჯერ კიდევ შეუდარებლად მაღალია, ვიდრე ციფრული ვალუტის ანალოგიური მაჩვენებელი. მაგრამ კრიპტოს  ფეთქებადი ექსპანსია გლობალურ ბაზარზე, ხელისუფლების მხრიდან ინტერესი, კრიპტო საზოგადოებების აქტიური ზრდა ხელს უწყობს ვირტუალური აქტივების მსოფლიო  აღიარების სწრაფ ზრდას.

ამავდროულად, ოქროსა და კრიპტოს სამიზნე აუდიტორია ძალიან მნიშვნელოვნად განსხვავდება. კრიპტოვალუტების, როგორც ძვირფასი ლითონების ალტერნატივის როლს აძლიერებს მილენიალი  ინვესტორების ენთუზიაზმი. თაობათა ცვლილება ცხოვრების კანონია. და ძალიან მალე დღევანდელი ახალგაზრდები საინვესტიციო ბაზრის მოთამაშეთა უდიდესი ჯგუფი გახდებიან.

მათ თვალწინ, 2011-2021 წლებში, ბიტკოინმა მოჰქონდა  წლიური მოგება, რომელიც მნიშვნელოვნად აჭარბებდა ოქროს მომგებიანობას. თავისი არსებობის განმავლობაში ბიტკოინმა ინვესტორებს 17000%-ზე მეტი დაუბრუნა. ეს მაჩვენებელი კოსმიურად აღემატება ოქროს წლიურ შემოსავლიანობას. მაგალითად, იმავე ათწლეულში ოქროს შემოსავლიანობა  ყოველწლიურად მხოლოდ 1,5%-ს შეადგენდა.  

“„ვფიქრობ, ბიტკოინიოქროს  შეცვალის. ბავშვები, რომლებიც იზრდებოდნენ iPad-ებით ხელში, მეტასამყაროებზე  ოცნებებით, შეუძლებელია დაარწმუნო ფულის  ოქროს ზოდებში ან ოქროს კბილებში დაბანდებაში“, - განუცხადა Forbes Ukraine-ს ევროპული ცენტრალიზებული კრიპტობირჟის WhiteBIT-ის დამფუძნებელმა და აღმასრულებელმა დირექტორმა ვლადიმერ ნოსოვმა.

თავის მხრივ, ამერიკელი მილიარდერი მარკ კუბანი უკვე   ძირითადად ვირტუალურ აქტივებში და არა ოქროში ინვესტირებას ანიჭებს უპირატესობას. უფრო მეტიც, ბოლო ინტერვიუში მან იმედი გამოთქვა, რომ ბიტკოინის ფასი კლებას კვლავ  გააგრძელებს.  კუბანი ხომ  რაც შეიძლება მეტი მონეტის შეძენას გეგმავს. "თუ ოქრო გაქვს, ზესულელი ხარ", - ცოტა უხეშად განაცხადა მილიარდერმა. ამავდროულად, მან ხაზგასმით აღნიშნა კიდევ ერთი მნიშვნელოვანი მსგავსება კრიპტოსა და ოქროს შორის: „როდესაც ოქროს მფლობელი ხარ, ყველაფერი რაც გაგაჩნია  არის ეს ციფრული ტრანზაქცია“. ანუ ოქროში  ინვესტორთა უმეტესობა ფიზიკურად არ ფლობს მას. 

დღეს კრიპტოვალუტა თავისი ფინანსური გზის დასაწყისშია. ნებისმიერი ინოვაციის მსგავსად, კრიპტოს დრო სჭირდება დამატებითი სტაბილურობის მოსაპოვებლად. ჯერჯერობით, კერძო სექტორის ინვესტიციები ოქროსა და ბიტკოინში განუზომელია: კრიპტოვალუტის საბაზრო კაპიტალიზაცია არის ოქროს საბაზრო კაპიტალიზაციის მხოლოდ 2,5%. მაგრამ სწორედ ამ თანაფარდობაში  ხედავენ ანალიტიკოსები კრიპტოს ზრდის პოტენციალს. მას აქვს ყველა შანსი, გლობალური ინფლაციისა და მაღალი საპროცენტო განაკვეთების ფონზე მნიშვნელოვანი  გარღვევა მოახდინოს, და ინვესტორების აღიარება და უპირობო ნდობა მოიპოვონ.