ანუ სემის მთავარი არგუმენტი ის იყო, რომ მან თითქოს „არაფერი იცოდა“ კომპანიაში არსებული ფინანსური არეულობის თაობაზე, რომელიც მან თავადვე შექმნა. ამას შეიძლებოდა ემუშავა კიდეც, რადგანაც სასჯელი სიბრიყვისთვის უფრო ნაკლები იქნებოდა, ვიდრე იმისთვის, რომ ხარ მატყუარა და ქურდი. ქეროლაინის პირველივე ჩვენება, სამწუხაროდ, მიუთითებს იმაზე, რომ სემი ცრუობდა: მან არა მხოლოდ იცოდა, არამედ პირადად ავალებდა მას კლიენტის ფულით ჩაეკეტა „ხვრელები“.
სემმა ასევე განახორციელა უზარმაზარი არასაფონდო და საფინანსო ინვესტიციები (განსაკუთრებით უძრავ ქონებასა და პოლიტიკურ შემოწირულობებში). და ისევ კლიენტების სახსრებიდან.
განვმარტავთ, რომ ეს შემოდგომა არ იყო საბედისწერო სემისთვის და FTX-ისთვის. უზარმაზარი სავაჭრო პლატფორმის გადაქცევა უბრალო „პონცის სქემად“ მან დაიწყო ბირჟის მუშაობის დაწყებისთანავე. 2022 წლის გაზაფხულზე ჩამოწერილი კლიენტების ფონდების ბალანსმა მილიარდობით დოლარი შეადგინა.
სემი ასევე ცრუობდა, რომ ის საქმეებს არ აკონტროლებდა. ქეროლაინისა და ჰერი ვანგის თქმით, ის სრულად იყო ჩახედული ყველა პროცესში. გარდა ამისა, ფონდი Alameda იყო სემის „პირადი საფულე“ FTX-ისგან შეუზღუდავი საკრედიტო ხაზით. მისი ჩამოშლა მხოლოდ დროის საკითხი იყო.
რაოდენ მტკივნეულიც არ უნდა იყოს ყველასთვის ამჟამინდელი დათვური ბაზარი, ის თაღლითური ვირუსებით მძიმედ ინფიცირებული „პაციენტისთვის“ „წვეთოვანის“ როლს ასრულებს: არენას არა მხოლოდ ბიტკოინ-ტურისტები, არამედ აშკარა თაღლითებიც ტოვებენ.
