ბლოკჩეინის სტატისტიკა, რომელიც აჩვენებს ტექნოლოგიის მნიშვნელობას

თავისი უნიკალური მახასიათებლების - დეცენტრალიზაცია, შეუცვლელობა და კონსენსუსის წყალობით - ბლოკჩეინმა შეძლო მსოფლიოს დაპყრობა. განაწილებული მონაცემთა ბაზა უკვე აქტიურად გამოიყენება ისეთ დარგებში, როგორიცაა ფინანსები, ენერგეტიკა, საცალო ვაჭრობა, მიწოდების ჯაჭვები, მედიცინა, სოფლის მეურნეობა. გარდა ამისა, ბლოკჩეინი წარმოადგენს საფუძველს Web 3.0 და მეტა სამყაროს კონცეფციებისთვის.

განვიხილოთ ბლოკჩეინის ყველაზე გამორჩეული სტატისტიკური მონაცემები, რომელიც სასარგებლოა ყველასთვის, ვისაც ეს ტექნოლოგია აინტერესებს.

Markets and Markets-ის მონაცემებით, 2026 წლისთვის ბლოკჩეინის გლობალური ბაზრის ღირებულება  67,4 მილიარდი დოლარი იქნება (მაშინ როდესაც 2021 წელს ბლოკჩეინის სფეროს 4,9 მილიარდი დოლარი ჰქონდა). ანალიტიკურმა ფირმამ დაასკვნა, რომ ინდუსტრიის საერთო წლიური ზრდის ტემპი 5 წლიან პერიოდში 68.4% იქნება.

Market and Markets-ის ანალიტიკოსები  თვლიან, რომ მთავარი მამოძრავებელი ფაქტორები, რომლებიც ხელს უწყობენ ბლოკჩეინის სწრაფ ზრდას, არის ვენჩურული დაფინანსების ზრდა და ტექნოლოგიის ფართო გამოყენება საბანკო და უსაფრთხოების სფეროში.

კვლევითი კომპანია Mordor Intelligence-ს პროგნოზის  მიხედვით, ბლოკჩეინის გამოყენება "საგნების ინტერნეტის"-ს სფეროში  2021-2026 წლებში 40%-ით გაიზრდება.

IoT არის პროგრესული ინდუსტრია, რომელიც შექმნილია ადამიანის ცხოვრების გაუმჯობესებისა და ავტომატიზაციისთვის. ნივთების ინტერნეტი თავის თავად  არის  ფიზიკური ობიექტები, რომლებიც დაკავშირებულია ინტერნეტით, ერთმანეთთან მონაცემების გაცვლისა   და ადამიანებთან   გამარტივებული ურთიერთობის შესაძლებლობით. ეს კონცეფცია მოიცავს ჭკვიან ნივთებს (საათები, მტვერსასრუტები, მაცივრები, სენსორები და ა.შ.), უსაფრთხოების სისტემებს, ვირტუალურ ასისტენტებს. ბლოკჩეინის დანერგვა ამ სფეროში მნიშვნელოვნად უზრუნველყოფს მონაცემთა გაცვლას IoT-ის დაკავშირებულ მოწყობილობებს შორის.

2022 წლისთვის, IT დირექტორების 60% საკუთარ  ინფრასტრუქტურაში  ბლოკჩეინის ინტეგრაციისთვის მზად არის. ამის შესახებ ინფორმაციას MVP ავრცელებს. მონაცემები მნიშვნელოვნად განსხვავდება 2016, 2017 და 2018 წლების მონაცემებისაგან. იმ დროს გამოკითხული  IT  სფეროში  ხელმძღვანელების 50%-ზე მეტი არ გეგმავდა ბლოკჩეინთან მუშაობას.

სოფლის მეურნეობაში ბლოკჩეინის ბაზარი 2026 წლისთვის 1.48 მილიარდ დოლარს მიაღწევს. ამის შესახებ BIS Research-ის ანგარიშშია ნათქვამი. კვლევითი კომპანია თვლის, რომ ტექნოლოგია სოფლის მეურნეობის ინდუსტრიაში  რევოლუციურ ტრანსფორმაციად იქცევა, სიზუსტისა და არასანქცირებული წვდომისგან დაცვით. ბლოკჩეინის დახმარებით ინვენტარიზაცია და საკვების პროდუქტების წარმოების უსაფრთხოება ახალ დონეზე გადავა.

2020 წლის მონაცემებით, ბლოკჩეინის მთლიანი საბაზრო ღირებულების 30%-ზე მეტი ფინანსურ ბაზარზე მოდიოდა. ამას ადასტურებს კომპანია Statista-ს კვლევა. მან ასევე აჩვენა, რომ წარმოების სექტორზე მოდის 17.6%, მომსახურების სფეროზე - 14.6%, სახელმწიფო სექტორზე - 4.2%.

კვლევითი ორგანიზაცია Statista-ს ბლოკჩეინის მორიგი სტატისტიკა აჩვენებს, რომ 2021 წელს ბლოკჩეინის ხარჯები გაიზარდა 4,5 მილიარდიდან 6,6 მილიარდამდე. ექსპერტები მოელოდებიან, რომ 2024 წლისთვის ეს მაჩვენებელი დაახლოებით 19 მილიარდ დოლარამდე გაიზრდება, რადგან უფრო მეტი კომპანია გამოიყენებს ტექნოლოგიას მონაცემთა გადამოწმებისა და უსაფრთხოებისათვის.

როგორც აუდიტორული ფირმა PwC-ის სპეციალისტები აცხადებენ, ბლოკჩეინის წყალობით გლობალური მშპ შეიძლება გაიზარდოს 1,76 ტრილიონი დოლარით 2030 წლისთვის. კომპანიის კვლევის თანახმად, ამჟამად ბლოკჩეინზე  გლობალური მთლიანი შიდა პროდუქტის 1.4%მოდის.

გარდა ამისა, კვლევამ აჩვენა, რომ კომპანიების 61% ციფრულ ტრანსფორმაციას პრიორიტეტულად  მიიჩნევს, რადგან ბლოკჩეინი კომპანიებს,  უსაფრთხოებისა და გამჭვირვალობის მზარდი მოთხოვნის დაკმაყოფილების საშუალებას აძლევს.

ამ სტატიაში ჩამოთვლილი ბლოკჩეინის სტატისტიკა საშუალებას იძლევა შეაფასოთ, რამდენად პერსპექტიულია ტექნოლოგია და სხვადასხვა ინდუსტრიაში რამდენად სწრაფად იზრდება მისი გამოყენება.რთულია   ეჭვის შეტანა იმაში , რომ  ამ სექტორში ინვესტიციები გაიზრდება და ბლოკჩეინის უპირატესობები კიდევ  უფრო დაიხვეწება.