ინგლისის კომერციულმა ბანკებმა შესაძლოა CBDC-ზე წვდომა ვერ მიიღონ

მისი თქმით, ამჟამინდელი კრიზისი არ არის სისტემური, ბანკებს კი კარგი კაპიტალიზაცია გააჩნიათ და მშვიდად აგრძელებენ მუშაობას. მან პოზიტიურად ისაუბრა რაოდენობრივი გამკაცრების პოლიტიკაზე, რომელმაც საპროცენტო განაკვეთებსა და აქციების ფასებზე იმოქმედა, ციფრული აქტივებს კი ფულის განვითარების შესაძლო ეტაპი უწოდა. 

მან ისინი სამ ჯგუფად დაყო: კლასიკური დეცენტრალიზებული კრიპტოვალუტები, სტეიბლკოინები და CBDC. პირველი კატეგორიის მიმართ ბეილი დიდი ხანია ნეგატიურად არის განწყობილი, აცხადებს, რომ კრიპტოვალუტას თაღლითები იყენებენ  და მას  შინაგანი ღირებულება არ გააჩნია. მიუხედავად იმისა, რომ ორივე ჰიპოთეზა არაერთხელ იქნა უარყოფილი ექსპერტებისა და კვლევების მიერ, ბანკირები აგრძელებენ ამ პოზიციაზე დგომას.

სხვა საკითხია  სტეიბლკოინები. ბეილი თვლის, რომ გარკვეული რეგულაციების არსებობის პირობებში, ისინი კომერციული ფულის ალტერნატივად იქცევა, მაგრამ ისინი ჯერ კიდევ არ უზრუნველყოფენ ღირებულების სტაბილურობას ყველა მომხმარებლისთვის. ირონია იმაში მდგომარეობს, რომ სტეიბლკოინის (USDC) დოლარზე ბმის ბოლო დაკარგვა სწორედ ტრადიციული ფინანსური სისტემის პრობლემების გამო მოხდა. 

CBDC კი განიხილება, როგორც ცენტრალური ბანკის ელექტრონული ფულის შემცვლელი, მიმდინარეობს გარკვეული მუშაობა ამ განვითარებადი ტენდენციის შესანარჩუნებლად. მაგრამ. ბეილი მოუწოდებს კომერციულ ფინანსურ ორგანიზაციებს, CBDC-ზე წინასწარ დიდი იმედები არ დაამყარონ, რადგან არსებობს ალბათობა, რომ საცალო მომხმარებლებისთვის ის მიუწვდომელი იქნება დაბალი მოთხოვნის გამო. 

რიგითი მოქალაქეების მიერ CBDC-ის გამოყენების აკრძალვა საინტერესო გამოსავალს  ჰგავს, რადგან ის  სახელმწიფოს მხრიდან გადახდების ტოტალური კონტროლის რისკებს გამორიცხავს. და მიუხედავად იმისა, რომ ცალკეული საბანკო სტეიბლკოინების იდეა ახალი არ არის, ჯერჯერობით უცნობია, როგორ მოხდება მათი რეალიზება, იმის გათვალისწინებით, რომ ინგლისის ბანკი  კრიპტოვალუტებთან მიმართებაში დიდი ხანია  მკაცრ პოლიტიკას მისდევს. 2022 წლის ზაფხულში კი მან გამოაქვეყნა ანგარიში, სადაც აღნიშნა, რომ კრიპტოვალუტის რეგულირება უნდა გაძლიერდეს.