რა არის TerraClassicUSD (USTC)? პროექტის მიმოხილვა
TerraClassicUSD (USTC) — არის Terra-ს ორიგინალური ბლოკჩეინის ალგორითმული სტეიბლკოინი. USTC-ს სხვა სტეიბლკოინებისთვის დამახასიათებელი მასშტაბირების პრობლემები უნდა გადაეჭრა, მაგრამ ის გახდა Terra-ს ეკოსისტემის ჩამოშლის მიზეზი 2022 წლის მაისში.
პროექტის მისია
Terra არის ღია კოდის დეცენტრალიზებული ბლოკჩეინ-პროტოკოლი, რომელიც შეიქმნა 2019 წელს, კრიპტოვალუტების მასობრივი დანერგვის დაჩქარებისა და dApps დეველოპერებისთვის ოპტიმალური პირობების უზრუნველსაყოფად.
მისი დამფუძნებლები არიან Apple-ისა და Microsoft-ის ყოფილი ინჟინერ-პროგრამისტი და სტარტაპ Anyfi-ს გენერალური დირექტორი დო კვონი და ეკონომისტი, Fast Track Asia და ელექტრონული კომერციის პლატფორმის TMON-ის თანადამფუძნებელი დანიელ შინი.
Terra უნდა გამხდარიყო ოპტიმალური პლატფორმა ფიატურ ვალუტებზე მიბმული სტეიბლკოინების შექმნისა და დეცენტრალიზებული აპლიკაციების შემუშავებისთვის. თუმცა, 2022 წლის მაისში, ეკოსისტემა ჩამოიშალა ალგორითმული სტეიბლკოინის, TerraUSD-ს დოლართან მიბმის დაკარგვის შედეგად. კატასტროფის ზუსტი მიზეზები ამ დრომდე უცნობია. ინციდენტიდან მალევე, დო კვონმა საზოგადოებაში გამოჩენა შეწყვიტა, თუმცა ტვიტერზე აქტიური დარჩა. Terraform Labs-ის თანადამფუძნებელმა განაცხადა, რომ გამოძიებას არ ემალებოდა და თანამშრომლობისთვის მზად იყო.
სტატიის წერის მომენტისთვის დო კვონი,რომელიც დიდი ხნის განმავლობაში სამართალს ემალებოდა, მონტენეგროში დააკავეს და ის სასამართლოს ელოდება ციხის საერთო იზოლატორში. რაც შეეხება დანიელ შინს, სამხრეთ კორეის სასამართლომ მისი დაკავების ორდერი არ დააკმაყოფილა.
Terra-ს ბლოკჩინის თავისებურებები
Terra არის ბლოკჩეინი, რომელიც განკუთვნილია ფიატურ ვალუტებთან მიბმული სტეიბლკოინების შესაქმნელად ქსელის სენიორაჟის მეშვეობით. ის იყენებს Delegated Proof-of-Stake (DPoS) კონსენსუსის ალგორითმს.
პროექტმა სწრაფად მოიპოვა პოპულარობა აზიაში, შემდეგ კი ევროპის ქვეყნებში და შეერთებულ შტატებში. TerraUSD (ამჟამად TerraClassicUSD) აშშ დოლართან მიბმული სტაბილკოინის გარდა, პლატფორმა მომხმარებელს სთავაზობდა ევროზე, მონღოლურ ტუგრიკზე, სამხრეთ კორეულ ვონზე და სხვა ვალუტებზე მიბმულ სტეიბლკოინებს.
ფიატთან მიბმა, რომელსაც უზრუნველყოფდა Terra, სხვა სტეიბლკოინების არსებობის პრინციპებისგან განსხვავდებული იყო. სტეიბლკოინების სამართავად და მიბმის შესანარჩუნებლად პლატფორმა იყენებდა ალგორითმებს რეალური დოლარის რეზერვების მხარდაჭერის გარეშე. Terra სტაბილური მონეტები პირდაპირ იყო დაკავშირებული ბლოკჩეინის ნატიურ კრიპტოვალუტასთან, სახელწოდებით LUNA (ამჟამად LUNA Classic (LUNC)).
დეველოპერები პოზიციონირებდნენ LUNA-ს, როგორც სტეიბლკოინების ვოლატილობისგან დამცავ ინსტრუმენტს. სისტემა იყენებდა კრიპტოვალუტას სტეიბლკოინების ღირებულების ფორმირებისთვის და მოქმედებდა როგორც კონტრაგენტი მომხმარებლებისთვის, რომლებსაც სურდათ სტაბილური მონეტების გაცვლა LUNA-ში და პირიქით.
TerraUSD-ს გაცვლითი კურსის სტაბილურობის შესანარჩუნებლად, პლატფორმა ორ საბაზისო ალგორითმს იყენებდა:
- სტეიბლკოინზე მოთხოვნის ზრდასთან ერთად LUNA ტოკენების დაწვისა და UST-ის მინტინგის სიჩქარე იზრდებოდა;
- სტეიბლკოინზე მოთხოვნის შემცირებისას, LUNA-ს დაწვის პროცესი ნელდებოდა, ხოლო ტოკენების მინტინგი უფრო აქტიური ხდებოდა
ალგორითმული სტეიბლკოინების შემუშავებამ სისტემის მოდელი უფრო მასშტაბირებადი და ხელმისაწვდომი გახადა, კონკურენტ პროექტებთან შედარებით.
რა უნდა ვიცოდეთ TerraClassicUSD (USTC) სტეიბლკოინის შესახებ
დანიშნულება
TerraClassicUSD (USTC) არის ალგორითმული სტეიბლკოინი, რომელიც ორიგინალურმა ბლოკჩეინმა, Terra-მ 2020 წელს TerraUSD (UST) სახელით გამოუშვა. როგორც ზემოთ ვთქვით, სტეიბლკოინი არ იყო მხარდაჭერილი რეალური დოლარის რეზერვებით. TerraUSD (UST) კურსი კონტროლდებოდა ბლოკჩეინის ძირითადი კრიპტოვალუტის LUNA-ს დაწვისა და მინტინგის ალგორითმებით.
პლატფორმა მომხმარებლებს სტეიბლკოინების გამოყენების რამდენიმე საშუალებას სთავაზობდა:
- პასიური შემოსავლის მიღება. ამისათვის, Terra ბლოკჩეინის ბაზაზე ამოქმედდა შემნახველი პროტოკოლი Anchor ფიქსირებული საპროცენტო განაკვეთით. მომხმარებლებს, რომლებმაც გარკვეული დროით დაბლოკეს აქტივები ლიკვიდურობის პულში, გარანტირებული ჰქონდათ პასიური შემოსავალი საწყისი თანხის 20%-ის ოდენობით;
- გაცვლა სისტემის სხვა სტეიბლკოინებზე მინიმალური საკომისიოთი;
- ვაჭრობა. ზოგიერთი კრიპტობირჟა მომხმარებელს სთავაზობდა TerraUSD (UST)-ს კრიპტოვალუტურ წყვილებში;
- ონლაინ-გადახდები. შესაძლებელი იყო სტეიბლკოინის, როგორც გადახდის საშუალების გამოყენება საქონლისა და მომსახურების ღირებულების გადასახდელად ან მსოფლიოს ნებისმიერ წერტილში კრიპტო საფულეებში თანხების გადასარიცხად.
ემისია
სტეიბლკოინის ემისია შეუზღუდავია. 2023 წლის აპრილის დასაწყისის მდგომარეობით, მიმოქცევაშია 9,799,695,581 სტეიბლკოინი.
როგორ გადაიქცა სტეიბლკოინი TerraUSD (UST) TerraClassicUSD (USTC)-ად
TerraUSD (UST) მსოფლიოში ერთ-ერთ უმსხვილეს ალგორითმულ სტეიბლკოინად ითვლებოდა. 2022 წლის მაისში მან მოულოდნელად დაკარგა აშშ დოლართან მიბმა. 9 მაისს UST-ის კურსი 0,68 დოლარამდე დაეცა მიზეზებისა და მონეტის შესაძლო პერსპექტივების ახსნის გარეშე.
კურსის დაცემის ფონზე მომხმარებლებმა დაიწყეს Anchor Protocol-იდან UST ლიკვიდობის გამოტანა, სტეიბლკოინის გაცვლა და განაღდება. სიტუაციის სტაბილიზაციის მცდელობისას, პლატფორმამ LUNA-ს მინტინგი გაააქტიურა. შედეგად, კრიპტოვალუტა ჰიპერინფლაციურ სპირალში შევიდა და ღირებულების 95%-ზე მეტი დაკარგა.
პლატფორმის საკუთრებაში არსებული 1,5 მილიარდი დოლარის ბიტკოინების გაყიდვამ და მიმოქცევის მოცულობის შესამცირებლად განხორციელებულ LUNA-ს დაწვამ TerraUSD (UST) ვერ გადაარჩინა. თანადამფუძნებლების ინიციატივით, რომელიც თემმა კენჭისყრით დაამტკიცა, განხორციელდა ეკოსისტემის რეანიმაციის მცდელობა.
Terra-ს ორიგინალურ ბლოკჩეინს დაერქვა Terra Classic, სტეიბლკოინ TerraUSD (UST)-ის სახელი TerraClassicUSD (USTC)-ით შეიცვალა, ხოლო LUNA გახდა LUNA Classic (LUNC).
ახალი ბლოკჩეინი Terra (Terra 2.0) ძირითადად dApps-ზეა ორიენტირებული. დო კვონსა და დენიელ შინს არაფერი აქვთ საერთო მის საქმიანობასთან: პლატფორმის ოფიციალურ ვებგვერდზე ხაზგასმულია, რომ ეკოსისტემა მთლიანად საზოგადოების საკუთრებაა. Terra 2.0 სტრუქტურიდან ალგორითმული სტეიბლკოინები გამოირიცხა. პროექტის ერთადერთი კრიპტოვალუტაა Terra (LUNA).
ბაზარზე არსებული აქტუალური სიტუაცია
coinmarketcap.com-ის ინფორმაციით სტატიის წერის მომენტისთვის TerraClassicUSD (USTC) საბაზრო კაპიტალიზაციის მიხედვით ვირტუალური ვალუტების რეიტინგში 155-ე ადგილზეა. მიმოქცევაშია 9,799,706,690 USTC. მონეტა 0,02175 დოლარად ივაჭრება. აქტივის საბაზრო კაპიტალიზაცია 213 128 588 აშშ დოლარს აღწევს, დღიური ვაჭრობის მოცულობა კი 7 803 844 დოლარს შეადგენს.
