2023 წლის კრიპტოზამთარი: ეს ჯერ კიდევ არაა დასასრული

Facebook-ისა და Lightspark-ის მიერ ინიციირებული, კრიპტოვალუტური პროექტ Diem-ის თანადამფუძნებელმა, დევიდ მარკუსმა 2023 წლის რამდენიმე პროგნოზი გააკეთა. 

Medium-ზე, თავის ბლოგში, მან გასული წლის პრობლემები აღწერა, მათ შორის COVID, რუსეთის ომი უკრაინის წინააღმდეგ, ინფლაცია და ასევე FTX-ის აღმაშფოთებელი კრახი. შედეგად, პანდემიით გამოწვეული ზრდა წარსულს ჩაბარდა. 

თუმცა, მას მიაჩნია, რომ ბევრი პრობლემა, მათ შორის კლიმატის ცვლილება, ტექნოლოგიური მიღწევების წყალობით მოგვარდება და დასძენს, რომ კრიტიკის მიუხედავად, ბიტკოინის ფარმინგი ეფექტურობას არა მხოლოდ ჩვენს ელექტროქსელებში მოთხოვნის რეგულირების კუთხით ადასტურებს. 

2023 წლის ტენდენციების გამოკვეთისას, მარკუსმა სხვა საკითხებთან ერთად გამოთქვა ვარაუდი, რომ საპროცენტო განაკვეთების ზრდა წლის პირველ ნახევარში გაგრძელდება; ინფლაცია შემცირდება, მაგრამ სრულფასოვანი რეცესიის რისკები ძალიან მაღალი იქნება; უკრაინაში მიმდინარე ომი გაჭიანურებულ ფაზაში გადავა და ნაკლებად სავარაუდოა, რომ 2023 წელს დასრულდეს; 2023 წელი შეცვლის წარმოდგენას იმის შესახებ, თუ რამდენის გაკეთება შეიძლება ადამიანების ნაკლები რაოდენობით; ჩვენ ხელოვნური ინტელექტის სფეროში ინოვაციების კამბრიული აფეთქების მოწმენი გავხდებით. 

კრიპტოვალუტასა და გაჭიანურებულ კრიპტოზამთარზე მან ცალკე კომენტარი გააკეთა. მისი თქმით, ამ კრიპტოზამთრიდან ვერც 2023 წელს და ალბათ, ვერც 2024 წელს გამოვალთ. 

„რამდენიმე წელი დასჭირდება იმას, რომ ბაზარი არაკეთილსინდისიერი მოთამაშეების მხრიდან ბოროტად გამოყენებისგან გამოჯანმრთელდეს და ასევე პასუხისმგებლიანი რეგულაციები გაჩნდეს. დრო მომხმარებელთა ნდობის აღდგენასაც  დასჭირდება, მაგრამ მე მჯერა, რომ ეს გრძელვადიან პერსპექტივაში დარგის კეთილსინდისიერი მოთამაშეებისთვის სასარგებლო გადატვირთვა იქნება", - დაწერა მან. 

მარკუსმა დასძინა, რომ კრიპტოსამყაროში სიხარბის წლები მალე დასრულდება, რაც იმას ნიშნავს, რომ ყველა პროექტი, რომელთა მიზანიც ტოკენის ჰაერისგან შექმნა და მილიონების შოვნაა, დასრულდა. ის თვლის, რომ ყველაზე პერსპექტიული ინოვაციები განხორციელდება გადახდების, აქტივების სეკურიტიზაციის, Defi-ს, ნულოვანი გახმაურების მქონე აპლიკაციების სფეროებში, რომელთა შორისაა რეზერვების მტკიცებულება და პირველი დონის მასშტაბირების გადაწყვეტილებები, ასევე გაჩნდება განვითარების ახალი ენერგია და ქსელ "ბიტკოინისადმი" ინტერესი. 

მანამდე GNcrypto 2022 წლის ძირითადი მოვლენების შესახებ წერდა. 

Tw: ღვედი შეიკარი! კრიპტოსფეროვ! აწ უკვე წარსულს ჩაბარებული პროექტის, Diem-ის, იგივე Libra-ს თანაავტორი დევიდ მარკუსი თვლის, რომ კრიპტოზამთარი უახლოეს მომავალში არ დასრულდება, მაგრამ ოპტიმიზმს არ კარგავს. უფრო ვრცლად მარკუსის პროგნოზების შესახებ ჩვენს ვებგვერდზე წაიკითხეთ. 

Tg: აწ უკვე წარსულს ჩაბარებული პროექტის, Diem-ის, იგივე Libra-ს თანაავტორი, ამჟამად კი Lightspark-ის გენერალური დირექტორი  დევიდ მარკუსი თვლის, რომ კრიპტოზამთარი, სულ მცირე, კიდევ  ორი წლის განმავლობაში გაგრძელდება. ის დიდ ფსონს ისეთი სერიოზული პრობლემების გადასაჭრელად შექმნილ ტექნოლოგიებზე დებს, როგორიცაა კლიმატის ცვლილება და აცხადებს, რომ ბაზარს რამდენიმე წელი დასჭირდება იმისთვის, რომ არაკეთილსინდისიერი მოთამაშეების მხრიდან, როგორიცაა FTX, ბოროტად გამოყენებისგან გამოჯანმრთელდეს და ასევე პასუხისმგებლიანი რეგულაციები გაჩნდეს. წლები მომხმარებელთა ნდობის აღდგენასაც  დასჭირდება, მაგრამ ეს გრძელვადიან პერსპექტივაში დარგის კეთილსინდისიერი მოთამაშეებისთვის სასარგებლო გადატვირთვა იქნება. 

უფრო ვრცლად მარკუსის პროგნოზების შესახებ ჩვენს ვებგვერდზე წაიკითხეთ.