Ethereum-ში გაზის ფასები ცაში ავარდა
ETH ტრანზაქციების ღირებულება ისევ ცაში ავარდა. უნდა დაჰბრალდეს თუ არა ეს მიმ აჟიოტაჟსა და FOMO-ს?
Ethereum ტრანზაქციები ძალიან გაძვირდა.
20 აპრილს Ethereum ტრანზაქციებზე გაზის საშუალო ფასმა 81,94 81,94 gwei შეადგინა. Gwei არის Ethereum-ის ნომინალი, რომელიც ETH-ის მემილიარდედს უდრის. 19 აპრილის შემდეგ საკომისიოები 34,74%-ით, 2022 წლის 20 აპრილიდან კი 84,46%-ით გაიზარდა.
21 აპრილს ფასი 76,59 gwei-მდე დაეცა. შედეგად, ზოგიერთი მომხმარებელი იძულებული გახდა, ოპერაციისთვის რამდენიმე ასეული დოლარი გადაეხადა. ზოგიერთ შემთხვევაში, საკომისიო ტრანზაქციის ფაქტობრივ ოდენობაზე მაღალი იყო.
წყარო: Ycharts
ასეთი აფეთქების მიზეზი ცოტა გაუგებარია. თუმცა, ბაზრის ანალიზის პლატფორმა Santiment, რომელზეც 2500 -ზე მეტი კრიპტოვალუტისთვის განკუთვნილი ონჩეინ და სოციალური მეტრიკებია წარმოდგენილი, ვარაუდობს, რომ ყველაფერში FOMO არის დამნაშავე.
"დღეს მოხდა ძალიან უჩვეულო შემობრუნება ათეული უძლიერესი ალტკოინისთვის, რომლებიც გაზს წვავს. $ETH, $WETH და $USDT-ის ნაცვლად, საკომისიოების ხელმისაწვდომობის სიის სათავეში მოხვდა ახალი აქტივები, როგორიცაა $TROLL, $APED და $BOBO“, - წერენ ისინი. "ეს ინდიკატორები დამაჯერებელია - FOMO, ანუ მოგების გამოტოვების შიში, ბაზრის მონაწილეებზე გავლენის პიკზე იმყოფება".
TROLL, APED და BOBO — ეს ყველა მიმია.
წყარო Twitter
მიუხედავად ამისა, ვარაუდობენ, რომ ამ მოულოდნელი აფეთქების უკან მხოლოდ FOMO არ დგას. თავისი როლი ითამაშა MEV-მაც (Maximum Extractable Value) - სავაჭრო ბოტმა, რომელიც მიმკოინებით ვაჭრობას მასობრივად უსწრებს წინ. ბოტმა jaredfromsubway.eth ბოლო 24 საათის განმავლობაში ყველაზე მეტი გაზი, 455 ETH (950,000 აშშ დოლარი) დახარჯა და ქსელის მთლიანი გაზის 7% მოიხმარა.
ორი თვის განმავლობაში საკომისიოებზე მან 3720 ETH-ზე (7 მილიონი აშშ დოლარი) მეტი ღირებულების გაზი დახარჯა და 180 000-ზე მეტი ტრანზაქცია განახორციელა.
ადრე Gagarin News წერდა, რომ ვიტალიკმა Ethereum-ის ქსელში ვერიფიკაციისთვის გადაწყვეტილებები წარადგინა.
