Kadena არის Layer1 ბლოკჩეინი, რომელიც აგებულია დაპატენტებულ მრავალჯაჭვურ არქიტექტურაზე, რომელიც მაღალ მასშტაბირებას უზრუნველყოფს და იყენებს კონსენსუსის ალგორითმს Proof-of-Work. განაწილებული რეესტრის საჯარო ამოქმედება 2020 წელს შედგა.
ბლოკჩეინის დამფუძნებლები არიან JPMorgan Emerging Blockchain-ის ყოფილი მმართველი სტიუარტ პოპეჯოი და უილ მარტინო (SEC-ის კრიპტოვალუტების საკითხთა კომიტეტის ყოფილი ტექნიკური ხელმძღვანელი). ისინი JPMorgan-ის ბლოკების პირველი ჯაჭვის, JPM Coin-ის შემქმნელები არიან.
Kadena-ს მრჩეველთა საბჭოში შედის სტიუარტ ჰაბერი - კრიპტოგრაფი და კომპიუტერულ მეცნიერებათა დოქტორი, ბლოკჩეინ ტექნოლოგიის ერთ-ერთი თანაავტორი, რომელსაც Bitcoin-ის თეთრ წიგნში აციტირებენ.
Kadena-ს ეკოსისტემა:
- Bitmain. კომპანია, რომელიც აწარმოებს ASIC-ებს - სპეციალიზებულ აღჭურვილობას ბიტკოინის მაინინგისთვის.
- Eucalyptus Labs. ბლოკჩეინ ინფრასტრუქტურისთვის პროგრამული უზრუნველყოფის მომწოდებელი.
- KDSwap – DEX, რომელიც გაზის გადასახადს არ ითხოვს.
- Electron Labs. ბლოკჩეინისთვის განკუთვნილი, ნულოვანი ცოდნის ZK) ტექნოლოგიაზე დაფუძნებული ინსტრუმენტების დეველოპერები.
- NCC – განაწილებული რეესტრებისა და სმარტ კონტრაქტების აუდიტორი.
- კრიპტობირჟები Kucoin, OKX, Gate, Crypto.com და ა.შ.
კრიპტოვალუტა KDA
KDA - კრიპტოვალუტა, რომელსაც მაინერები იღებენ ჯილდოს სახით იმ გამოთვლების შესრულებისთვის, რომლებიც ბლოკჩეინ Kadena-ს შრომისუნარიანობას უზრუნველყოფს. ასევე მონეტა KDA-ით მომხმარებლები იხდიან საკომისიოს შესრულებული ტრანზაქციებისთვის.
ჯილდოები მაინინგისთვის დროთა განმავლობაში თანდათან შემცირდება:
- 2019 წელი — 2,018 მლნ მონეტა თვეში;
- 2021 წელი — 1,94 მლნ მონეტა თვეში;
- 2025 წელი — 1,69 მლნ მონეტა თვეში და ა.შ.
KDA-ს მაქსიმალური მიწოდება ფიქსირებულია - 1 მილიარდი ციფრული ვალუტა, რომლის გამოშვება ამოქმედებიდან 120 წლის განმავლობაში განხორციელდება. სტატიის მომზადების მომენტისთვის, KDA-ს კაპიტალიზაცია 221 მილიონ დოლარს შეადგენს, მიმოქცევაში კი 227,1 მილიონი მონეტაა.
KDA-ს ნაწილი წინასწარ გადანაწილდა ინვესტორებზე, ასევე გამოიყო პლატფორმის საჭიროებებისა და სხვა მოთხოვნილებებისთვის.
KDA-ს განაწილება, წყარო — Kadena-ს ბლოგი პლატფორმაზე Medium.
ბლოკჩეინ Kadena-ს თავისებურებები
Kadena-ს გააჩნია სმარტ კონტრაქტების პროგრამირების საკუთარი ენა სახელწოდებით Pact. მისი ერთ-ერთი უპირატესობა არის კოდში შეცდომებისა და უზუსტობების ავტომატურად გამოვლენის ჩაშენებული ფუნქცია. კიდევ ერთი გამორჩეული თვისება ის არის, რომ მისი წაკითხვა არა მხოლოდ დეველოპერებს შეუძლიათ. ბლოკჩეინში დანერგვამდე, რამდენიმე წლის განმავლობაში, Pact-ი საწარმოო აპლიკაციებში იტესტებოდა.
რადგან განაწილებული რეესტრი მოცულობითი ფინანსური ტრანზაქციების მხარდასაჭერად იქმნებოდა, დროდადრო ხდება მისი მასშტაბირება, რათა გაიზარდოს მის მიერ დამუშავებული ტრანზაქციების რიცხვი.
ეს მრავალჯაჭვური არქიტექტურის მეშვეობით მიიღწევა. Kadena ამჟამად შედგება 20 ჯაჭვისგან, რომლებიც მხარს უჭერენ 480 000 ტრანზაქციას წამში. Kadena-ს ასევე აქვს თავისი მეორე დონის ბლოკჩეინი სახელად Kuro. მას 500 ნოდზე წამში 8000-მდე ტრანზაქციის დამუშავება შეუძლია. მთელი სისტემა აგებულია პროტოკოლზე Chainweb, რომელიც კონსენსუსის მექანიზმ PoW-ის პარალელურია. ბლოკჩეინის საჭიროებების მუდმივი ზრდის მიუხედავად, ენერგიის მოხმარება არ იზრდება.
ბლოკჩეინ Kadena-ს ბოლო თავისებურება "კრიპტოგასამართი სადგურებია“, რომლებიც dApps-ის დეველოპერებს საშუალებას აძლევს, გააუქმონ ტრანზაქციის საკომისიო თავიანთი კლიენტებისთვის. ეს აღმოფხვრის ერთ-ერთ ბარიერს, რომელიც დეცენტრალიზებული აპლიკაციების ფართომასშტაბიან დანერგვას აფერხებს.
