MOAR by Joan Cornellà: გამბედავი NFT-ები მხატვარ-სატირიკოსისგან

ფერადოვანი ციფრული PFP ნამუშევრების წლისთავთან დაკავშირებით, რომელთა ავტორი სიურეალიზმის ელემენტების შემცველი შავი იუმორის მოყვარული ილუსტრატორია, გახსენებთ, რამდენად მრავალფეროვანია NFT სამყარო.

კოლექცია MOAR შედგება მრავალსართულიანი სახლის 5555 ბინადრისგან, რომლებიც მხიარულად ატარებენ დროს იზოლაციაში და შემოსეულ უცხოპლანეტელებს ემალებიან. სივრცის ყველა მაცხოვრებელი ადამიანი როდია. აქ არიან ზომბები, ბიორობოტები და სხვა არსებებიც. მათი სახლი დამოუკიდებელი სივრცეა, რომელშიც არის მაღაზიები და გასართობი, იქ ტარდება ვირტუალური ღონისძიებები და გამოფენებიც კი, ამიტომ მის დატოვებას არავინ აპირებს. 

კოლექცია არტ კომპანია FWENCLUB-თან თანამშრომლობით  შეიქმნა. თითოეული NFT უნიკალურია და მხატვრის მიერ ხელით არის შესრულებული. არაჩანაცვლებადი ტოკენის შეძენით, მომხმარებელი, შესაბამისი 3D ავატარის სახით, იღებს საშვს FWENCLUB-ის მეტავერსში მდებარე სახლში.

ასევე, NFT-ის მფლობელებს შეუძლიათ, უფასოდ ეწვიონ ილუსტრატორის ფიზიკურ გამოფენებს და შეძენილი ნამუშევრის საკუთარი მიზნებისთვის გამოყენების უფლება მიიღონ.

კოლექციის მახასიათებლები:

პროექტის საგზაო რუკის მიხედვით, კოლექციის ვირტუალური გამოფენა და FWENCLUB მეტავერსში სახლის ოთახების გახსნა MOAR-ის NFT-ების მფლობელებისთვის 2023 წელს იგეგმება.

კოლექციის პირველი NFT იყო კოსტიუმში გამოწყობილი, პისტოლეტიანი მამაკაცის პოპულარული გამოსახულება, რომელსაც Joan Cornellà თავის კომიქსებში იყენებდა. არაჩანაცვლებადი ტოკენი კოლექციაში ერთ-ერთ ყველაზე ღირებულად ითვლება. პირველად აუქციონზე  MOAR#1 გაიყიდა 46,305 ETH-ად (მყიდველმა ასევე  საჩუქრად ფიზიკური ნახატი მიიღო). ილუსტრატორის ვებგვერდზე აღნიშნულია, რომ NFT-ების გაყიდვიდან მიღებული შემოსავალი DAO MOAR-ის განვითარებას მოხმარდება.

ილუსტრატორი ჯოან კორნელია 1981 წელს ბარსელონაში დაიბადა. მისი მთავარი მხატვრული ტექნიკა – კონტრასტია. ავტორის ნამუშევრები გაჯერებულია შავი იუმორითა და უიმედობით, ეხება ტაბუდადებულ თემებს, დასცინის ადამიანის ბუნებას, მაგრამ ამავდროულად იყენებს ნათელ ფერებს, ღიმილსა და მარტივ ვიზუალურ ენას.

ჯოან კორნელიას ნამუშევრები ქვეყნდებოდა ისეთ ჟურნალებში, როგორიცაა La cultura del Duodeno, El Periódico, Ara. მან ასევე შექმნა კარიკატურები New York Times-ისთვის, მისი ნამუშევრების გამოფენები მოეწყო ჰონგ-კონგის, სეულის, ლონდონის, პარიზის, ნიუ-იორკისა და სხვა ქალაქების  ხელოვნების მუზეუმებში.

NFT კოლექცია MOAR გამოიცა FWENCLUB-ის არტ-საზოგადოების მხარდაჭერით და მათი პროექტის ნაწილია. FWENCLUB აერთიანებს  ციფრული კოლექციონირების ექსპერტებს, რომლებიც უკვე 20 წელზე მეტია სწავლობენ თანამედროვე ხელოვნებას და თანამშრომლობენ მხატვრებსა და ბრენდებთან, რათა მათ NFT-ებისა და მეტავერსების სამყაროში საკუთარი თავის რეალიზაცია მოახდინონ.

FWENCLUB ქმნის ფიზიკური და ციფრული ხელოვნების ნიმუშებს, რომელთა გამოყენება შესაძლებელია როგორც რეალურ, ასევე ვირტუალურ სამყაროში. MOAR-ის გარდა, 2022 წელს მათ ასევე გამოუშვეს NFT კოლექცია People In The Place They Love იუსუკე ჰანაის ავტორობით.