კონფიდენციალურობის პრობლემა Ledger-ის ბოლო განახლებაში

Seed-ფრაზები კრიპტოვალუტური უსაფრთხოების აუცილებელი კომპონენტია, რადგან ისინი საშუალებას აძლევს მომხმარებლებს აღადგინონ თავიანთი ციფრული აქტივები საფულის დაკარგვის ან გატეხის შემთხვევაში. აპარატული საფულეების ძირითადი პრინციპი, რომლებსაც Ledger-იც სთავაზობს თავის მომხმარებლებს, არის ამ ფრაზების უსაფრთხოდ შენახვა ოფლაინ, რაც მათ მიუწვდომელს ხდის სავარაუდო ჰაკერებისთვის. თუ ახალი ფუნქცია მომხმარებლებს მოსთხოვს, რომ თავიანთი seed -ფრაზები Ledger-ს გაუზიარონ, ეს შეარყევს აპარატული საფულეებისთვის დამახასიათებელ უსაფრთხოებას და  მომხმარებლებს პოტენციურად ზედმეტი რისკის ქვეშ დააყენებს.

გარდა ამისა, შეშფოთებას იწვევს კლიენტის Know Your Customer (KYC) რეგისტრაციის მოთხოვნა აღდგენის ფუნქციის გამოსაყენებლად. ეს პროცესი მომხმარებლისგან მოითხოვს პირადობის დამადასტურებელი დოკუმენტის ფოტოს წარდგენას. კრიპტო საზოგადოების ბევრი წევრი ასეთ მოთხოვნას კონფიდენციალურობის სერიოზულ დარღვევად მიიჩნევს, რადგან ის ეწინააღმდეგება დეცენტრალიზაციისა და ანონიმურობის პრინციპებს, რომლებსაც ეფუძნება კრიპტოვალუტები.

ამჟამად, თუ შეტყობინებებით ვიმსჯელებთ, გამოწერის სერვისი და მისი თანმხლები KYC რეგისტრაცია ხელმისაწვდომია მხოლოდ Ledger Nano X მოწყობილობებისთვის. პიროვნების დადასტურების მოთხოვნა, როგორც ჩანს, ვრცელდება ევროკავშირში, დიდ ბრიტანეთში, კანადასა და აშშ-ში მყოფ მომხმარებლებზე.

მნიშვნელოვანია აღინიშნოს, რომ ეს პრეტენზიები ეფუძნება მომხმარებლის „სქრინშოთებს“და ოფიციალურად არ  დადასტურებულა Ledger-ის მიერ.