ინფლაცია აშშ-ში და ბიტკოინის ფასი: რა კავშირია?

CPI  დაახლოებით  ფასების  94,000  კოტირებას ეფუძნება, მათ შორის საცხოვრებლის, საქონლისა და მომსახურების, საკვებისა და ენერგიის, ჯანმრთელობისა და ტრანსპორტის, განათლების და სხვა  სფეროში არსებულ ფასებს. დაახლოებით 23,000 საცალო და მომსახურების ბიზნესი აწვდის მონაცემებს შრომის სტატისტიკის ბიუროს (BLS). შემდეგ მიღებული ინფორმაცია მუშავდება, იქმნება განახლებული ანგარიში და  ყოველთვიურად ქვეყნდება.

2022 წლის ივლისში სამომხმარებლო ფასების ინდექსმა 40 წლის მაქსიმუმს მიაღწია. მარეგულირებლები  იძულებულნი გახდნენ ზომები მიეღოთ ინფლაციის ტემპების შესანელებლად, რის გამოც ფედერალურმა სარეზერვო სისტემამ (FRS) დაიწყო საკვანძო განაკვეთის გაზრდა  დაჩქარებული  ტემპებით. ამან ბაზრებზე ზეწოლა გაზარდა, თუმცა სასურველი შედეგიც მოიტანა. ინფლაციამ  ნელ-ნელა კლება  დაიწყო.

უბრალო ადამიანებისა და ფინანსური ბაზრის მოთამაშეებისთვის კრიპტოვალუტის სექტორი რჩება მაღალი რისკის მქონე, კომპლექსურ და გაუგებარ ინსტრუმენტად, მიუხედავად იმისა, რომ კორელაცია კრიპტოვალუტასა და საფონდო ბირჟებს შორის წლების განმავლობაში მხოლოდ მყარდება.

შრომის სტატისტიკის ბიუროს ანგარიშის გამოქვეყნების შემდეგ, ინდექსის გრაფიკზე ხშირად აღინიშნება მაღალი მერყეობა. კერძოდ, თუ ინფლაცია მოსალოდნელზე უფრო სწრაფად შენელდება, ბაზრებს შეუძლიათ იჩინონ იმპულსური ზრდა. ამის მიზეზი არის ახლო მომავალში ფედერალური სავალუტო სისტემის  მიერ საკვანძო განაკვეთის შემცირების მოლოდინი, რაც, თავის მხრივ, ეკონომიკას აჩქარებს ცენტრალური ბანკის იაფი სესხების სახით „ხელმისაწვდომი“ ფულით. უარყოფით სცენარის შემთხვევაში, ზოგი ინვესტორი ცდილობს სწრაფად მოიშოროს კრიპტო აქტივები. 

ინდექსის  აშშ-ის მაკროეკონომიკური სტაბილურობის სხვა მაჩვენებლებთან ერთად გამოყენება აუცილებელია. ინფლაციის დონეზე დაყრდნობით, შესაძლებელია პროგნოზირდეს ფედერალური სავალუტო სისტემის მარეგულირებელი პოლიტიკის შემდგომი გამკაცრება ან შემსუბუქება, რაც ღია ფიუჩერსების გარიგებებს მაღალი არასტაბილურობის მომენტებში დაიცავს. ეს დაგეხმარებათ გრძელვადიანი ინვესტიციების ან თქვენი საინვესტიციო პორტფელის კორექტირებისას.