პარაჩეინ Polkadot-ის აუქციონები- რა არის ეს და როგორ ვიშოვოთ ფული

პარაჩეინების აუქციონი არის ღონისძიება, რომლის დროსაც მომხმარებლები ხმას აძლევენ რაიმე პროექტს საკუთარი DOT ტოკენებით. პარაჩეინი, რომელიც Crowdloan-ის (ფინანსების მოზიდვის) შედეგების მიხედვით ყველაზე მეტ DOT მონეტას აგროვებს, იგებს აუქციონს და Polkadot-სგან ლისტინგისა და განვითარების მხარდაჭერაში პრიორიტეტული ხდება.

ამასთანავე, ტრეიდერები, რომლებმაც დეპონირება მოახდინეს თავიანთი DOT-ებით, არ ხარჯავენ მათ, არამედ მხოლოდ ბლოკავენ მათ სლოტის იჯარის პერიოდში. Polkadot აუქციონებზე ეს პერიოდი 96 კვირას შეადგენს. გარდა ამისა, ვინც პროექტს თავისი ხმით დაუჭირა მხარი, პარაჩეინის ტოკენების სახით ჯილდოს იღებს დაბლოკილი თანხების ოდენობის შესაბამისად.

მარტივად რომ ვთქვათ, თქვენ ბლოკავთ DOT-ს 2 წლით და იღებთ ტოკენებს სხვა პროექტიდან. ინფორმაცია ყველა აუქციონის შესახებ მოცემულია Parachains.info ვებსაიტზე. წლის განმავლობაში 29 პროექტი უკვე გახდა ღონისძიების გამარჯვებული.

პარაჩეინის აუქციონები ტარდება, პირველ რიგში, პოლკადოტის ეკოსისტემის განვითარების მიზნით. დეველოპერები იწყებენ საკუთარ DEFI, GAMEFI, NFT პროექტებს და აუქციონისა და სახსრების მოზიდვის გზით საზოგადოების მხარდაჭერას და საჯაროობას იღებენ.

ამავდროულად,  DOT მონეტების მიწოდება მცირდება, რადგან მომხმარებლები ბლოკავენ მათ, რის შემდეგაც მათი გაყიდვა 2 წლის განმავლობაში შეუძლებელია. თეორიულად, ამან უნდა გამოიწვიოს Polkadot-ის ქსელის ნატიური ტოკენის ინფლაციის შემცირება და მისი ფასის ზრდა.

მაგრამ რეალური შედეგი ოდნავ განსხვავებული აღმოჩნდა. ცხადია, პროექტში ინვესტირების მთავარი გამომწვევი მიზეზი არის მოგების მიღების უნარი. პარაჩეინ აუქციონების თვალსაზრისით, აუცილებელია, რომ ახალი პროექტიდან მიღებულმა მონეტებმა აანაზღაუროს DOT ტოკენებში ჩადებული თანხები.

მაგალითად, თქვენ იყიდეთ DOT 10 დოლარად და მიიღეთ 20 დოლარის ღირებულების მონეტები. წმინდა შემოსავალი 100%, და DOT იჯარის შემდეგ კვლავ დაუბრუნდება საფულეს. მაგრამ ამ დროისთვის შედეგებს დადებითს ნამდვილად ვერ ვუწოდებთ: 12 პროექტიდან Litentry-ს აქვს საუკეთესო შედეგი. 1 DOT-ისთვის მომხმარებლებმა $5,5  ექვივალენტის ჯილდოები მიიღეს, ხოლო ბევრმა რამდენჯერმე მეტი დახარჯა DOT-ის შესაძენად. ანუ, მონეტების განბლოკვის შემდეგაც კი, ხარჯების ანაზღაურება გაუფასურებული ტოკენის კურსის გამო ვერ მოხდება.

საკუთარი აუქციონის დაწყებამდე Polkadot-მა ჩაატარა ტესტი Kusama-ს სატესტო ქსელზე, სადაც შედეგები საკმაოდ კარგი აღმოჩნდა. საკუთარი ტოკენების ფასების ისტორიულ მაქსიმუმზე, ბევრმა პარაჩეინმა ინვესტორებს დიდი ფულის გამომუშავების საშუალება მისცა. ზოგიერთი პროექტი Polkadot-ზეც კარგად ჩატარდა, მაგრამ პრობლემა ის არის, რომ ჩამონათვალის შემდეგ, ჩვეულებრივ, პარაჩეინის ტოკენების მხოლოდ 30% არის ხელმისაწვდომი. დარჩენილი 70% ნაწილდება სლოტის იჯარის პერიოდში (ერთი წელი Kusama -ზე, 2 წელი Polkadot-ზე). ხოლო მთელი კრიპტო ბაზრის დაცემის გამო, ბევრმა პროექტმა დაკარგა მაქსიმუმის 98% და ახლა ისინი „კაპიკები“ ღირს.

DOT-ის განბლოკვის შემდეგ მომხმარებლებს შეუძლიათ ხელახლა დაბლოკონ ის სლოტში და გააგრძელონ პარაჩეინის ტოკენების მიღება. მაგრამ რადგანაც აუქციონის მონაწილეთა უმრავლესობამ DOT იყიდა 30-40 დოლარად და, დათვური ბაზრის გამო, მიიღო 2-3 დოლარის ექვივალენტი ახალი პროექტის ტოკენებში, ბევრი მომხმარებელი ვერ ხედავს აზრს პარაჩეინში შემდგომი ინვესტიციის ჩადებაში და. მონეტებს  მიღებისთანავე ყიდის, რაც კიდევ უფრო ამცირებს მათ ფასს.

ინვესტორების იმ ნაწილმა, ვინც მონეტები 3-4 დოლარად იყიდა, რაიმე ზარალი არ განიცადა, რადგან DOT-ის ფასი კვლავ მათი ყიდვის ნიშნულზე მაღლა იმყოფება. ეს მიგვიყვანს დასკვნამდე, რომ პარაჩეინ აუქციონებში მონაწილეობა ახლა ბევრად უფრო საინტერესო გამოიყურება, ვიდრე უბრალოდ მონეტების საფულეზე შენახვა. ამავდროულად, თავად Polkadot-ის ქსელს აქვს საკმაოდ დიდი გეგმები მომავლისთვის და ახალი პარაჩეინების განვითარება და ინტეგრაცია ამა თუ იმ გზით აფართოებს ეკოსისტემას, მას ახალი ლიკვიდურობით ავსებს.