#will

SEC ადანაშაულებს Paxos Trust-ს, რომელიც არის Pax Dollar-ისა და BUSD-ის სტეიბლოკოინების ემიტენტი, ფასიანი ქაღალდების ვაჭრობაში. ბატონო გენსლერ, თქვენმა ფირფიტამ გაჭედა? უნდა ითქვას, რომ კომისიას სასამართლოში გაუჭირდება: Paxos-მა ნებართვის ყველა დოკუმენტი ნიუ-იორკის ფინანსური მომსახურების დეპარტამენტისგან (NYDFS) მიიღო, მისი პირადი კონტროლის ქვეშაა, ხოლო სტეიბლკოინებს აქტიურად იყენებენ აშშ-ის ინსტიტუციური ინვესტორები. ველით SEC-ის პროკურორებსა და NYDFS-ის ადვოკატებს შორის ეპიკურ ბრძოლას! კიდევ ერთი საინტერესო საკითხია, ვის ჰყავს უფრო ძლიერი იურისტები: Paxos-ს თუ Ripple-ს?

ფასიანი ქაღალდების კანონის შესაძლო დარღვევის გამო, კომისიამ მიზანში ბირჟა Kraken ამოიღო. ახალმა დირექტორმა, დეივ რიპლიმ უარი თქვა იმ ტოკენების დელისტინგზე, რომლებიც ჰაუის ტესტს ვერ გადიან და ახლა SEC-თან დავობს. გადაწყვეტილება ამ საქმეზე უახლოეს დღეებში იქნება მიღებული და ის მთელი კრიპტოსაზოგადოებისთვის იქნება მნიშვნელოვანი. ასევე დადის ხმები კერძო ინვესტორებისთვის სტეიკინგის სავარაუდო აკრძალვის შესახებ. Genesis და Gemini Kraken-ს გულშემატკივრობენ, რადგან მათ ანალოგიური ბრალი წაუყენეს.

ნიუ-იორკის სასამართლომ გამოსცა გადაწყვეტილება, რომელშიც აღნიშნულია, რომ FTX-ის ყოფილ ხელმძღვანელს ახლა შეუძლია, ინტერნეტში მიმოწერა აწარმოოს, ოღონდ გარკვეული შეზღუდვებით. 📌არ შეიძლება Signal-ის, ან სხვა აპლიკაციების გამოყენება, რომლებსაც აქვთ გაქრობადი, ან დამალული შეტყობინების ფუნქცია 📌 არანაირი კომუნიკაცია FTX-ის, ან Alameda-ს თანამშრომლებთან 📌 კომუნიკაცია შეიძლება მოხდეს მხოლოდ პროკურატურის წარმომადგენლების თანდასწრებით რას მოიფიქრებს სემი, რათა ბრალდების მხარის დაჟინებული მზერის ქვეშ რაიმე არსებითი დაწეროს? ჩიტების ენაა? ამას მალე შევიტყობთ.

დიდი ბრიტანეთის სააპელაციო სასამართლომ დაადგინა, რომ Tulip Trading-ის სარჩელს BTC-ის 16 დეველოპერების წინააღმდეგ ლონდონის სასამართლო განიხილავს. თუ თქვენ ეს არაფერს გეუბნებათ, მაშინ დავამატებთ, რომ მოსარჩელე ფაქტობრივად არის კრეიგ რაიტი, მეცნიერი და კომპიუტერის სპეციალისტი, რომელიც ამტკიცებს, რომ სწორედ ის არის ნამდვილი სატოში ნაკამოტო, რისთვისაც მას სისტემატურად ხვდება ბიტკოინ- საზოგადოებისგან. გასული წლის ოქტომბერში ნორვეგიის სასამართლომ დაადგინა, რომ რაიტმა თავისი BTC ავტორობის დამტკიცების მცდელობისას ცრუ ჩვენება მისცა.

პირველად არ ხდება (და არც მეათედ),რომ იუთუბისა და დიდი სპორტის ვარსკვლავს, სკამ-პროექტების ხელშეწყობაში ადანაშაულებენ. იგივე ბედი ეწია პროფესიონალ მებრძოლს ლოგან პოლსაც. მის წინააღმდეგ შეტანილია კოლექტიური სარჩელი პროექტ CryptoZoo-ს ინვესტორებისგან, რომელიც ტიპიური Rug Pul lაღმოჩნდა. პოლი ამ საწარმოს ერთ-ერთი დამფუძნებელი იყო, ამიტომ მოსარჩელეებს კომპენსაციის მისაღებად საკმაოდ კარგი შანსი აქვთ. თუ რამეა, ჩვენ გვაქვს ინსტრუქციები რომ ინვესტირებამდე პროექტი გავაანალიზოთ.

დაკრედიტების პროტოკოლმა Everland Finance გააკეთა განცხადება მუშაობის შეწყვეტის შესახებ. მიზეზი მარტივია, ლიკვიდობის ნაკლებობა. დეველოპერები ტოვებენ პროგრამულ კოდს ღიად, რათა ნებისმიერმა შეძლოს პროექტზე მუშაობის გაგრძელება. გუნდი განაგრძობს იმის მტკიცებას, რომ Everlend არის შესანიშნავი პროდუქტი, რომელიც ერთ დღეს ძალიან მოსახერხებელი გახდება და რომ Solana არის ყველაზე ეფექტური ქსელი მისი რეალიზაციისთვის. აპლიკაცია მუშაობს მხოლოდ სახსრების გაყვანის რეჟიმში.

Matrixport-ის ანალიტიკის ხელმძღვანელი მარკუს ტილენი თვლის, რომ სტეიბლკოინები SEC-ის რეალური სამიზნე არ არის. Paxos -ის წინააღმდეგ ბრალდება ირიბია. დარტყმა დაიგეგმა Binance-ზე, რომელიც კლიენტის სახსრებს, საკუთარი ტოკენების გირაოსთან ერთად იმავე საფულეში ინახავდა. წესების თანახმად, ბირჟის კორპორაციული აქტივები უნდა იყოს განცალკევებულ ანგარიშებზე და მათი, რეზერვების მტკიცებულებად ჩათვლა არ შეიძლება. ანუ, Binance-ს არ შეუძლია დაადასტუროს თავისი BUSD რეზერვები. Paxos Trust Company, რომელიც ბირჟის სტეიბლკოინის ერთადერთი ემიტენტია, ამ შემთხვევაში მოწმეა და არა მოპასუხე. ნუთუ CZ იმავე ხაფანგში გაეხვა, როგორც ხუჭუჭა სემი, რომელსაც კლიენტების საფულე თავის საფულეში აერია? რთული დასაჯერებელია. ასევე არსებობს იმედი, რომ მას ბუღალტერიის მხრივ ყველაფერი ბევრად უკეთესად ჰქონდა.

100 მილიონ დოლარზე მეტი გამოიყოფა იმ დეველოპერების მხარდასაჭერად, რომლებიც იყენებენ AI-ს ბლოკჩეინ აპლიკაციებში. TRON-ისგან გრანტის მიღების შანსი იმ გუნდებს აქვთ, რომლებიც წარმოადგენენ შემდეგ მიმართულებებს: • ელექტრონული კომერცია; • ვალუტური ანგარიშსწორება; • მონაცემთა მართვა; • ბაზრისა და ინვესტიციების ანალიზი; • ონტენტის შექმნა. კონტენტის შექმნა? მაგრამ ყველამ იცის, რომ GN ლიდერია კონტენტის შექმნაში! ამიტომ, გპირდებით, რომ არ გავქრებით რადარიდან, თუნდაც თავად ჯასტინ სანმა 20 მილიონი დოლარი გადმოგვითვალოს.

სანამ კრიპტელები აქტიურად იყენებენ ხელოვნური ინტელექტის ახალ სათამაშოს მონეტებზე პროგნოზების მისაღებად, ტექნოლოგიურმა გიგანტმა საკუთარი დიალოგური ხელოვნური ინტელექტის სერვისის Bard-ის დაწყება დააანონსა. ტესტირების შემდეგ, ხელოვნური ინტელექტი საძიებო სისტემაში იქნება ინტეგრირებული. და მომავალში კომპანია სხვადასხვა აპლიკაციებისთვის გეგმავს შექმნას ინსტრუმენტების ნაკრები და API ინტერფეისი. Microsoft-მა, რა თქმა უნდა, უპასუხა. მოსალოდნელია, რომ რედმონდში გამართულ პრესკონფერენციაზე, სატია ნადელა "მოგვიყვება რამდენიმე საინტერესო პროექტის პროგრესის შესახებ", მათ შორის ChatGPT-ის Bing-ში რევოლუციური ინტეგრაციის შესახებ. ასევე ამ სფეროში მუშაობის შესახებ განაცხადეს ჩინელებმა Baidu-დან, რომლებიც 2023 წლის ბოლოს მზად იქნებიან წარმოადგინონ საკუთარი ბოტი ERNIE Bot.

40-ზე მეტმა ბლოკჩეინ-კომპანიამ შესთავაზა თურქეთის ხელისუფლებას შექმნას ოფიციალური კრიპტოსაფულე, რათა შეძლოს შემოწირულობების მიღება დამანგრეველი მიწისძვრის შედეგად დაზარალებულთა დასახმარებლად. შეგახსენებთ, რომ დღეს თურქეთსა და სირიაში მიწისძვრის შედეგად 2000-მდე ადამიანი დაიღუპა. დაღუპულთა რიცხვი, სავარაუდოდ, გაიზრდება, რადგანაც ასობით შენობა მთლიანად არის დანგრეული. კრიპტოვალუტის საზოგადოებები ყოველთვის მომენტალურად რეაგირებენ ასეთ ჰუმანიტარულ კრიზისებზე. დიახ, ქვეყანა-ბენზინგასამართ სადგურის თავდასხმის შემდეგ უკრაინამ მალევე მიიღო უამრავი შემოწირულობა. გამაგრდი, თურქეთო!

კუნძულზე მაიორკა კრიპტოდამოკიდებულების მკურნალობის ცენტრი გაიხსნა. კერძო ვილაზე ერთთვიანი მკურნალობის კურსის ღირებულება 75 000 დოლარს შეადგენს და მოიცავს: 📌ჯგუფური თერაპიის სეანსებს 📌მოახლის მომსახურებას 📌პირად შეფ-მზარეულს 📌იოგა და მასაჟს 📌სპა-სალონს FOMO-სგან განკურნების მსურველთა ნაკადი არ წყდება. ამიტომ შვეიცარული კომპანია The Balance, რომელმაც განახორციელა ეს პროექტი, მოგების გარეშე არ დარჩება.

ბოლო დღე-ღამის განმავლობაში Voyager Digital-მა დაახლოებით 9,6 მილიონი დოლარის ღირებულების აქტივები გადარიცხა Coinbase, Binance US და Kraken ბირჟებზე, მათ შორის 4,9 მილიონი VGX, 221,000 LINK, 3,050 ETH და 270 მილიარდი SHIB. კიდევ ერთი საინტერესო დეტალი: ერთ-ერთი მისამართი შეიცავს 6,8 ტრილიონ SHIB-ს, რაც იმას ნიშნავს, რომ გადარიცხვის შემდეგ Voyager მე-18 ადგილს დაიკავებს მიმ-კრიპტოვალუტის უმსხვილესი მფლობელების რეიტინგში. ესეც პასიანსი: ხარ გაკოტრებული, გჭირდება ფული, ირგვლივ მტრებია, ბირჟაზე რიცხავ 270 მილიარდ მონეტას. ეს გრძელი გზის ნიშანია თუ მემკვიდრეობის მიღების?