პროექტ Compound-ის და cETH ტოკენის მიმოხილვა

პროექტი აამოქმედა რობერტ ლეშნერმა, მეწარმემ და პროგრამული უზრუნველყოფის ინჟინერმა სან-ფრანცისკოდან. 2017 წელს ლეშნერმა დააარსა კომპანია Compound Labs, რომელიც Compound Protocol-ის უკან დგას. 

ლეშნერს აქვს ფინანსების სფეროში მუშაობის დიდი გამოცდილება და არის რამდენიმე ფინანსური პროექტის დამფუძნებელი. ის დაინტერესდა  ბლოკჩეინის ტექნოლოგიით და DeFi-ით, როგორც საკრედიტო სერვისებზე წვდომის დემოკრატიზაციის საშუალებით.

ლეშნერის ხელმძღვანელობით, Compound პლატფორმა გახდა ერთ-ერთი ყველაზე პოპულარული DeFi პროტოკოლი კრიპტოსივრცეში. პლატფორმის შემუშავებასა და მის პოპულარიზაციაზე კიდევ 20 ადამიანი მუშაობს.

Compound ქსელს საფუძვლად Ethereum-ის ბლოკჩეინი უდევს და ის შუამავლების გარეშე უზრუნველყოფს როგორც ციფრულ დაკრედიტებას, ასევე (COMP ტოკენის გამოყენებით) ხმის უფლებას მის მართვაში. 

პროტოკოლმა ვენჩურული  ფირმებისგან  მნიშვნელოვანი ინვესტიციები მოიზიდა და ის Ethereum-ის ეკოსისტემაში არსებულმა მრავალმა დეცენტრალიზებულმა აპლიკაციამ (dApps) მიიღო. პროექტში ინვესტიციები განახორციელეს a16z crypto-მ, Coinbase Ventures-მა, Paradigm-მა და Dragonfly Capital-მა.

Compound მხარს უჭერს რამდენიმე კრიპტოვალუტით დაკრედიტებას:

მაგრამ, ყველაზე დიდი მოთხოვნა პლატფორმაზე  ეთერით უზრუნველყოფილ სმარტ-დაკრედიტებაზეა.

ამიტომ, cETH ტოკენი გახდა პოპულარული საინვესტიციო ვარიანტი მათთვის, ვისაც სურს მოიპოვოს პროცენტი ETH აქტივებისგან ან ისესხოს სხვა კრიპტოვალუტა cETH გირაოს გამოყენებით.

cETH არ არის ციფრული აქტივი ჩვეულებრივი გაგებით.

ტოკენები c- პრეფიქსით (cBAT, cZRX და ა.შ.) ავტომატურად იქმნება პროტოკოლით მისი ლიკვიდობის პულის შევსებისას. როდესაც მომხმარებელს  სმარტ-კონტრაქტის მეშვეობით  Compound-ის ბალანსზე ETH-ი შეაქვს, ის სანაცვლოდ თავის საფულეზე cETH-ს იღებს. ეს ტოკენი ადასტურებს მომხმარებლის საკუთრების უფლებას პლატფორმის რეზერვში არსებული ეთერის მთლიანი რაოდენობის ნაწილზე.

cETH ტოკენი ფუნქციონირებს, როგორც შემოსავლის მომტანი აქტივი, ამასთანავე, საპროცენტო განაკვეთი ალგორითმულად განისაზღვრება ლიკვიდობის პულში ETH-ს მიწოდებისა და მოთხოვნის ბალანსით.

cETH მომხმარებლებს საშუალებას აძლევს მიიღონ პროცენტი თავიანთი ETH-დან  ინვესტიციების აქტიური მართვის აუცილებლობის გარეშე. ამიტომ, ეს პასიური შემოსავლის კარგი ვარიანტია ისეთ გარემოში, სადაც ტრადიციული სტეიკინგი რეგულატორთა ზეწოლის ქვეშ იმყოფება.

cETH-ის შეძენა შესაძლებელია ისეთ DEX ბირჟებზე, როგორიცაა Uniswap ან Sushiswap, ასევე CEX ბირჟებზე, როგორიცაა Coinbase და Binance. მომხმარებლებს ასევე შეუძლიათ მიიღონ cETH-ი Compound პროტოკოლში ETH-ის დეპონირებით.

cETH ტოკენი ფუნქციონირებს, როგორც შემოსავლის მომტანი აქტივი. მიღებული მოგება  რამდენიმე ფაქტორზეა დამოკიდებული:

cETH-დან მიღებული პროცენტების გარდა, თეორიულად შესაძლებელია მოგება თავად ტოკენის ფასის ზრდით. თუ cETH-ზე მოთხოვნა გაიზრდება, შეიძლება ფასიც გაიზარდოს, რაც ინვესტორებს საშუალებას მისცემს თავიანთი აქტივები გაყიდონ უფრო მაღალ ფასად, ვიდრე შეიძინეს. სმარტ-კონტრაქტში არ არის აკრძალული ტოკენის ხელახალი გაყიდვა. cETH ტოკენების გაყიდვა შესაძლებელია, მაგრამ ძირითადი სახსრები Ethereum-ში ჩაკეტილი რჩება იქამდე, ვიდრე ის Compound პროტოკოლშია და გამოიყენება მომხმარებლების დაკრედიტებისთვის.

აღსანიშნავია, რომ cETH არ არის მაღალლიკვიდური აქტივი. თითქმის ნახევარი მილიარდი დოლარის საბაზრო კაპიტალიზაციის პირობებში, ყოველდღიური ვაჭრობის მოცულობა არ აღემატება 10000 დოლარს.

მნიშვნელოვანია გვახსოვდეს, რომ Compound ტოკენებში ინვესტიცია, ისევე როგორც ნებისმიერი სხვა ინვესტიცია, რისკთან არის დაკავშირებული. cETH-ის ღირებულება შეიძლება შემცირდეს ბაზრის ვოლატილობის, საპროცენტო განაკვეთის ცვლილების ან Compound პროტოკოლის უსაფრთხოების პრობლემის გამო. რაიმე საინვესტიციო გადაწყვეტილების   მიღებამდე საკუთარი კვლევის ჩატარებაა რეკომენდებული.