Freeport: ინვესტიციების ახალი დონე ხელოვნების ნიმუშებში
„საკუთრების უფლება ყველასათვის“ - სწორედ ასე ჟღერს სახვითი ხელოვნების ნიმუშების საგამოფენო, საკოლექციო და საინვესტიციო ბლოკჩეინ-friendly პლატფორმის მისია.
Freeport-ი სახვითი ხელოვნების ლურჯ ჩიპებს ყველასთვის ხელმისაწვდომს ხდის. ეს როგორ არის შესაძლებელი? სტარტაპი ხსნის ბარიერებს, რომლებიც პოტენციურ ინვესტორებსა და სურათებს ყოფს. პირველ რიგში, საუბარია ფინანსურ კომპონენტზე.
წყარო Twitter
წილობრივი საკუთრება
Freeport არის პლატფორმა, რომელიც თავისი მისიის შესასრულებლად ბლოკჩეინის ტექნოლოგიას იყენებს. სანამ მომხმარებლები სახსრების ინვესტირების შესაძლებლობას მიიღებენ, პროექტის წარმომადგენლები თანმიმდევრული ამოცანების სერიას წყვეტენ.
ხელოვნების ნიმუშების შეძენა
ექსპერტები აფასებენ და ყიდულობენ ხელოვნების ფიზიკურ ნიმუშებს. არჩევისას, ისინი განსაკუთრებულ ყურადღებას აქცევენ შეთავაზებებს, რომლებიც მფლობელებისთვის მაქსიმალურად მომგებიანი იქნება.
შემდეგ ხელოვნების ნიმუშებისთვის იქმნება ჰოლდინგური კომპანია და გაიცემა აქციები. პროცესს აუცილებლად ახლავს თან დოკუმენტაციის წარდგენა SEC-ში. ამის წყალობით, შესაძლებელია Ethereum-ის ბლოკჩეინზე ტოკენების სახით წარმოდგენილი აქციები გაიყიდოს როგორც ფასიანი ქაღალდები, რომლებიც ფიზიკური აქტივებითაა უზრუნველყოფილი.
ტოკენიზებული აქციების გაყიდვა
SEC-ის ნებართვის მიღების შემდეგ, Freeport ახორციელებს აქციების პირველად გამოშვებას, რომლის დროსაც ინვესტორებს აქციების ნებისმიერი რაოდენობის შეძენა შეუძლიათ. ხელოვნების ნიმუშებზე წილობრივი საკუთრების უფლების მიღება, ფაქტობრივად, რამდენიმე დაწკაპუნებით არის შესაძლებელი. მომხმარებლებმა უნდა აირჩიონ აქციების რაოდენობა, გადახდის მეთოდი, გაიარონ KYC ვერიფიკაცია და დაასრულონ გადახდა.
Freeport კოლექციონერთა კამერული საზოგადოების შექმნას გეგმავს. სწორედ ამიტომ, თითოეული ხელოვნების ნიმუშის აქციების თავდაპირველ გამოშვებაზე წვდომას მხოლოდ 1000 ინვესტორი იღებს.
მეორადი გაყიდვა და სახსრების განაღდება
ინვესტორები აქციების გაყიდვას ფასიანი ქაღალდებით ლიცენზირებული ვაჭრობის მეორადი ბაზრის შექმნის შემდეგ შეძლებენ, მაგრამ გაყიდვა სავალდებულო არ არის. სურვილის შემთხვევაში, აქციების მფლობელებს შეუძლიათ, შეინარჩუნონ ისინი ხელოვნების ნაწარმოების მეორად გაყიდვამდე.
Freeport-ის შემქმნელები ვარაუდობენ, რომ სრულად დაზღვეული ფიზიკური აქტივის შენახვის საშუალო ვადა სამიდან შვიდ წლამდეა. ამასთან, ისინი არ გამორიცხავენ ხელოვნების ნიმუშების უფრო ადრეულ გაყიდვასაც, თუკი ინვესტორები უფრო ხელსაყრელ შეთავაზებებს მიიღებენ.
გაყიდვის შემდეგ მიღებული მოგება აქციების მფლობელებს შორის პროპორციულად ნაწილდება და თავდაპირველ შენატანებთან ერთად ბრუნდება. შემდეგ ტოკენი იწვება და ჰოლდინგური კომპანიის ლიკვიდაცია ხდება.
პროექტის 3D-გალერეა
წყარო: Twitter
პლატფორმა Freeport-ის კიდევ ერთი თავისებურება საკუთარი იმერსიული 3D სივრცის არსებობაა. მასში მომხმარებლებს შეუძლიათ წარადგინონ არა მხოლოდ თავიანთი ხელოვნების ნიმუშები, არამედ პირადი NFT-ებიც.
კოლექციონერებს სთავაზობენ ნახატების არჩევას, მათი ადგილმდებარეობის შეცვლას, ასევე საზოგადოების სხვა წევრების გალერეების სტუმრობას. დეველოპერების თქმით, 3D სივრცე მომხმარებლებს შორის კომუნიკაციას მოწონებისა და კომენტარების გაცვლის შესაძლებლობის გზით უზრუნველყოფს.
ენდი უორჰოლის ნახატები ინვესტორებს ელის
თავიდან პლატფორმაზე ენდი უორჰოლის საკულტო ნამუშევრები გამოჩნდება. ექსკლუზიურ კოლექციაში შევა შემდეგი ნახატების რეპროდუქციები: "მერილინი" (1967), "ორმაგი მიკი" (1981), "მიკ ჯაგერის" (1975) და "უმიზეზო მეამბოხე" (ჯეიმს დინი) (1985). მომლოდინეთა სიაში ჩართვა ნებისმიერ მსურველს შეუძლია.
წყარო: freeport.app
ჩვენი პლატფორმა სახვითი ხელოვნების აქციების უსაფრთხოების ტოკენებად უბრალო დაყოფას სცდება - ჩვენ შევქმენით სრულად იმერსიული და ინტერაქციული პლატფორმა, რომელზეც ხელოვნებაზე ორიენტირებული საზოგადოებაა შეკრებილი და ხელახლა ვიაზრებთ საკუთრების გამოცდილებას, რომელიც ფრაქციულ ხელოვნებასთან არის დაკავშირებული, — ამბობს Freeport-ის თანადამფუძნებელი და აღმასრულებელი დირექტორი კოლინ ჯონსონი.
