აი, რა შეგიძლიათ გააკეთოთ 15 წამში
გაქვთ 15 წამი? მშვენიერია, მოდით შევქმნათ შიტკოინი.
კრიპტოვალუტური ბაზარი სხვადასხვა მონეტებითაა გაჯერებული და ეს გასაკვირი სულაც არ არის.
ციფრულმა მხატვარმა, ჯონი შენკმანმა, რომელიც ტვიტერში whitelights.eth-ის ნიკნეიმითაა ცნობილი, ბოლო ტვიტში შესანიშნავი განმარტება გააკეთა.
Whitelights.eth-ის მიმკოინის შექმნა 27 წამში წყარო: Twitter
მან გამოაქვეყნა ვიდეო, რომელშიც წარადგინა სასაცილო სახელწოდების მქონე, სრულიად ახალი ტოკენის, EASY_MONEY-ს "ჩქაროსნული" შექმნა და განლაგება სულ რაღაც 27 წამში.
ის ასევე დასძენს, რომ ვიდეო ხელმისაწვდომია სატესტო ქსელში და მხოლოდ საგანმანათლებლო მიზნებისთვისაა განკუთვნილი, ის ასევე შეახსენებს ყველას, რომ მაქსიმალური ყურადღება საკუთარ უსაფრთხოებას უნდა დაეთმოს.
ვიდეო ვირუსულად გავრცელდა.
შენკმენის მონეტის შექმნის რეკორდი მოხსნა მომხმარებელმა, სახელად @0xdiid – მან ტოკენის შექმნა სულ რაღაც 22,45 წამში მოახერხა.
ცოტა მოგვიანებით, იგივე მომხმარებელმა შედეგის გაუმჯობესება 15,85 წამამდე მოახერხა.
მიმკოინ Diid-ის შექმნა 15,85 წამში წყარო: Twitter
ტვიტებმა უზარმაზარი ყურადღება მიიპყრო და სხვადასხვა მომხმარებლები კომენტარებში წერდნენ, რომ დაბალი კლასის კრიპტოვალუტების შექმნა ძალიან მარტივია და მათაც კი, ვინც პრაქტიკულად არ იცნობს პროცედურას, შეუძლია, გაუმკლავდეს ამ ამოცანას. საუბარში ჩაერთო @0xdiid-იც.
"პირობითი ERC20-ის შექმნა საკმაოდ მარტივია." მაგრამ შემდეგ ყველაფერი უფრო რთულდება. სათანადოდ კონფიგურირებული ლიკვიდობის პულების შექმნით დაწყებული, შემდგომ მარკეტინგით დამთავრებული.
"ტოკენის შექმნის სიმარტივე სულაც არ ნიშნავს იმას, რომ ადვილად შეძლებთ, სხვებს მილიონები გამოსტყუოთ“, - დაწერა @0xdiid-მა ტვიტში და დასძინა: "დაიმახსოვრეთ, ბავშვებო: ადამიანებს ტოკენები კი არა, ისევ ადამიანები ატყუებენ".
სპიდრანები მიმების ირგვლივ მიმდინარე სიგიჟის ფონზე ხდება, სადაც ერთ-ერთ საკვანძო როლს მიმკოინები, პირველ რიგში კი მონეტა პეპე თამაშობს.
შედეგად, ტრანზაქციის საკომისიომ ბიტკოინებში მრავალწლიან მაქსიმუმს მიაღწია.
მანამდე GNCrypto წერდა, რომ Pepe Coin ტვიტერის სათაურებში მოხვდა.
