როგორ წავშალოთ Crypto.com ანგარიში ?
საკუთარი ანგარიშის პარამეტრებში ბევრი ეძებს ღილაკს „წაშლა“და ვერ ხვდება, რომ ის არ არის. ასეთ შემთხვევაში როგორ უნდა წავშალოთ Crypto.com ანგარიში? გიპასუხებთ ამ სტატიაში.
თქვენი მონაცემების ამ პლატფორმიდან წასაშლელად, თქვენ უნდა დაუკავშირდეთ კომპანიის მხარდაჭერის სამსახურს, გაუგზავნოთ ელფოსტა [email protected]ზე. ელ. ფოსტის სათაურის ველში ჩაწერეთ: "ანგარიშის წაშლა".
ჩანართში მიამაგრეთ თქვენი ფოტო, სადაც გიჭირავთ ფურცელი, რომელზეც სვეტში დაწერილია შემდეგი:
- ანგარიშზე მიბმული სახელი და გვარი;
- წერილის გაგზავნის თარიღი;
- ბოლოს დაამატეთ — „Crypto.com“.
გაითვალისწინეთ, რომ ანგარიშის წაშლის მოთხოვნა შესაძლებელია მხოლოდ იმ ელექტრონული ფოსტის მისამართიდან, რომელიც პლატფორმაზე რეგისტრაციისას გამოიყენეთ. მხარდაჭერის სამსახური სხვა ელ.ფოსტიდან მიღებულ მოთხოვნებს არ განიხილავს.
საჭირო მონაცემების გაგზავნის შემდეგ დაელოდეთ პასუხს. ჩვეულებრივ, ის 24-48 საათში მოდის. როდესაც თქვენი მოთხოვნა დადასტურდება და ანგარიშის დეაქტივაცია მოხდება, შეგიძლიათ წაშალოთ Crypto.com-თან დაკავშირებული აპლიკაციები. ანგარიშის გაუქმების შემდეგ თქვენ ვერ აღადგენთ მას, თუმცა ახალი ანგარიშის შექმნის შესაძლებლობა კვლავ გექნებათ.
რა უნდა ვიცოდეთ ანგარიშის წაშლის წინ?
ცხადია, ანგარიშის დახურვამდე უნდა გაანაღდოთ დარჩენილი თანხები, წინააღმდეგ შემთხვევაში ისინი დაიკარგება. თუმცა, თუ თანხა არ შეესაბამება მითითებულ მინიმალურ ლიმიტს, ამის გაკეთებას ვერ შეძლებთ.
კანონმდებლობისა და Crypto.com-ის კონფიდენციალურობის პოლიტიკის თანახმად, ანგარიშის წაშლის შემდეგაც კი პლატფორმა, თქვენს პირად ინფორმაციას მინიმუმ 5 წლის განმავლობაში ინახავს.
თუ თქვენ იყავით Visa Crypto.com-ის ბარათის მფლობელი, პლატფორმაზე ანგარიშის წაშლისას, ის ასევე გაუქმდება. Crypto.com-ზე ანგარიშის გარეშე, მომხმარებლებს კრიპტოვალუტის Visa-ბარათის გამოყენება არ შეუძლიათ. ბარათის მფლობელს ასევე მოუწევს 50 დოლარის გადახდა იმისთვის, რომ პლატფორმაზე თავისი პროფილი გააუქმოს.
