Ethereum-ის ახალი თვისებით seed-ფრაზები შეგიძლიათ დაივიწყოთ

ასეთ შესაძლებლობას აჩენს ERC-4337 სტანდარტი, სახელწოდებით EntryPoint, რომლის უსაფრთხოება ახლახან შეამოწმა კომპანიამ OpenZeppelin. ტექნოლოგია ხელმისაწვდომია Ethereum-ისა და სხვა EVM-თავსებადი ქსელებისთვის, კერძოდ: Polygon, Arbitrum, Optimism, BNB Smart Chain და Avalanche. L2 გადაწყვეტილებებმა, როგორიცაა Starknet და zkSync, ასევე მოახდინეს ERC-4337-ის რეალიზაცია, პროტოკოლში ამ სტანდარტის მოდიფიცირებული ვერსიის მეშვეობით. 

ახალი სახეობის ანგარიში, რომელსაც ასევე უწოდებენ სმარტ ანგარიშს, აჩენს ბევრ შესაძლებლობასა და ფუნქციას, რომელთა შორისაა:

• ტრანზაქციების ხელმოწერა სმარტფონზე ბიომეტრიის (თითის ანაბეჭდის ან სახის სკანირება) მეშვეობით;

• კრიპტოსაფულის ყოველდღიური ხარჯვის ლიმიტების დაწესება;

• ავტომატური ან დაგეგმილი გადახდების განხორციელება;

• ორფაქტორიანი ავთენტიფიკაცია;

• ქსელის გაზის საფასურის დაფარვა საფულის პროვაიდერის ან სხვა სერვისის მიერ, რომლებთანაც ის არის დაკავშირებული.

ის ასევე საშუალებას მოგცემთ გამოიყენოთ ხელმოწერის დროებითი გასაღებები, რომლებიც იმუშავებენ მხოლოდ მიმდინარე სეანსის დროს დეცენტრალიზებულ აპლიკაციაში ან NFT თამაშში, რათა თითოეული ტრანზაქციის მუდმივი დადასტურება არ დაგჭირდეთ.

რაც შეეხება seed-ფრაზას, ის მაინც იქნება გამოყენებული, თუმცა, როგორც სტატიის დასაწყისში აღინიშნა, საფულეზე წვდომის აღდგენა შესაძლებელი იქნება მის გარეშე, სანდო პირების ან კომერციული სერვისის დახმარებით. ანუ კრიპტოსაფულეების გამოყენების ახალი გამოცდილება გახდება საბანკო დაწესებულებებში არსებულის მსგავსი.

გარდა ამისა, ანგარიშის აბსტრაქცია საშუალებას გაძლევთ გამოიყენოთ თქვენი სმარტფონი, როგორც აპარატული საფულე, როგორიცაა Ledger ან Trezor და ამასთან, შეინახოთ უნიკალური პირადი გასაღებები მოწყობილობის მეხსიერებაში.

არსებითად, ანგარიშის აბსტრაქციის ფუნქციების განხორციელება უზრუნველყოფილია ჩაშენებული სმარტ კონტრაქტებით. საფულე ხელს აწერს ტრანზაქციას და აგზავნის მას სპეციალურ რიგში, რომელსაც ეწოდება მემპული. ბანდლერები, რომლებიც მაინერებისა ან ვალიდატორების მსგავსია, აგროვებენ ამ ტრანზაქციებს, იხდიან გაზის საჭირო საფასურს და ასრულებენ მათ მომხმარებლის სახელით. გაზის საფასური ბანდლერებს უნაზღაურდება ავტომატურ რეჟიმში კრიპტოსაფულით ან მესამე მხარის,მაგალითად, დეცენტრალიზებული აპლიკაციის ხარჯზე.