სტეიკინგის მომგებიანობის კალკულატორები
განაკვეთის კალკულატორები არის ინსტრუმენტები, რომლებიც პოტენციური შემოსავლის შესაფასებლად საჭირო მათემატიკურ ფორმულებზე წვდომას უზრუნველყოფს. ისინი პროექტებზე კონსენსუსის ალგორითმ Proof-of-Stake-სა და მის ნაირსახეობებზე LPoS, NPoS, PPoS და PoA) დაყრდნობით აქტივების გაყინვამდე გამოიყენება.
ჩვენ სტეიკინგის პლატფორმები უკვე განვიხილეთ და ფუნქციონალურობის თვალსაზრისით, მათი უპირატესობები და ნაკლოვანებები აღვნიშნეთ.
დღეს ჩვენ შევჩერდებით აპლიკაციებზე, რომლებიც ბლოკჩეინზე აქტივების შენახვის პროგნოზირებადი მომგებიანობის გამოთვლის საშუალებას იძლევა.
მაგრამ, ჯერ, მოდით, რამდენიმე ტერმინზე ჩამოვყალიბდეთ.
რა სახის სტეიკინგი არსებობს?
სტეიკინგიდან მიღებული მოგება შემოსავლის პროცენტზეა დამოკიდებული, რომელიც ვალიდატორს PoS-ბლოკჩეინზე აქვს. ამ მაჩვენებელს APR - წლიური საპროცენტო განაკვეთი ეწოდება.
ვთქვათ, თქვენ გსურთ, 100 მონეტის სტეიკინგი "A" პროექტში, რომელიც წლიურ 10%-ს უზრუნველყოფს. თქვენს აქტივზე წლიურ 10%-ს მიიღებთ.
გამოდის, რომ 1 წელიწადში თქვენი წმინდა აქტივი 100+(100×10%)= 110 იქნება. ეს ნიშნავს, რომ ყოველ დღე წლიურ 10÷365=0.027%-ს, ან ყოველ თვე 10÷12= 0.833%-ს მიიღებთ.
არსებობს სამი სახის განაკვეთი:
1. Lock Staking. დაბლოკვის მქონე განაკვეთი განსაზღვრული პერიოდის განმავლობაში, სანამ აქტივები ქსელის დასაცავად და ტრანზაქციების ნამდვილობის უზრუნველსაყოფად გამოიყენება. დაბლოკვის პერიოდი, შესაძლოა, განსხვავებული იყოს და ხელშეკრულების პირობებზეა დამოკიდებული. მაგალითად, Trust Wallet-ში განაკვეთის გაუქმება არა უადრეს 72 საათისა არის შესაძლებელი. ნაკლი: ვადა ხელშეკრულების გაფორმებისას უნდა მიუთითოთ და მისი უკანა რიცხვით შეცვლა შეუძლებელია.
2. DeFi Staking. ეს DEX-პლატფორმებზე სახსრების გაყინვაა. უფრო ხშირად, ეს პროცესი საზოგადოების სხვა წევრების დაკრედიტებაში, ან სმარტ-კონტრაქტების მეშვეობით აქტივების დაზღვევაში მონაწილეობას გულისხმობს. DeFi-სტეიკინგის დროს პროცენტს ბლოკჩეინი კი არა, არამედ სმარტ-კონტრაქტის მეორე მხარე იხდის. ამიტომ აქ შესვლის ბარიერი უფრო დაბალია, ხოლო სახსრების დაკარგვის რისკი - უფრო მაღალი.
3. Flexible Staking. უვადო განაკვეთი, რომლის დროს მომხმარებელს თავისი სახსრების გატანა (და ამასთან, შესაბამისად, APR-ის დაკარგვა) ნებისმიერ დროს შეუძლია. ამ ტიპის სტეიკინგს ცნობილი ბირჟების უმეტესობა უჭერს მხარს.
დღეს ბაზარზე ათობით კრიპტოვალუტაა, რომელთა გამოყენება ბლოკჩეინზე მისი მუშაობის შესანარჩუნებლად არის შესაძლებელი. ზოგიერთი პროექტი მნიშვნელოვნად მეტ ეფექტურობას სთავაზობს, ვიდრე სხვები. შემოსავალი კი, რომელიც სტეიკინგს მოაქვს, მუდმივად იცვლება.
პოტენციური მოგების გამოთვლა მარტივია, თუ პროექტი 10%-იან APR-ს გთავაზობთ და თქვენ მზად ხართ, მის ქსელში 100 მონეტა 1 წლით გაყინოთ. მაგრამ თუ თქვენ ოპერირება წილადი რიცხვებით გიწევთ? ან რამდენიმე შესაძლო ვარიანტიდან ყველაზე ხელსაყრელი პირობების მქონე პლატფორმის არჩევა გჭირდებათ? ამ შემთხვევაში მომგებიანობის გაანგარიშების პროგრამების სერვისებით სარგებლობა ღირს.
რამდენიმე ვარიანტს შემოგთავაზებთ.
Stakingrewards.com
სერვისი 190 ციფრული აქტივის მონიტორინგს შემდეგი პარამეტრების მიხედვით ახორციელებს:
- მიმდინარე ფასი;
- ფასის ცვლილება ბოლო დღე-ღამეში;
- წლიური შემოსავალი (%);
- უკვე დასტეიკებული მონეტების რაოდენობა ($-ში);
- მთლიანი კაპიტალიზაცია;
- სტეიკინგში მთლიანი შემოთავაზების თანაფარდობა აქტივებთან.
თითოეულ აქტივზე დეტალური ინფორმაციის ნახვა მის ტიკერზე დაწკაპუნებითაა შესაძლებელი.
თითოეული კრიპტოვალუტისთვის ტოპ-10 ყველაზე მომგებიანი APR შეთავაზებაა ნაჩვენები.
სერვის Staking Rewards-ის მთავარი გვერდი
ვებ-გვერდზე “პროგრესული კალკულატორიც“ არის. მისი დახმარებით, მომსახურების საფასურის და რეინვესტიციის გათვალისწინებით, ნებისმიერი აქტივის მომგებიანობის გაანგარიშება დღეების რაოდენობის მიხედვით არის შესაძლებელი. გარდა ამისა, აქ მოსალოდნელი ფასების ცვლილებების მითითება და დროის ნებისმიერი პერიოდისთვის მოგების გადაანგარიშებაზე დაკვირვებაა შესაძლებელი.
ამ საიტის უპირატესობა მომგებიანი პროექტების (DEX, CEX და საფულეების) რეიტინგის არსებობაა, რომელიც მომხმარებლის მიმოხილვების საფუძველზე ფორმირდება. ნაკლი - ჩამონათვალში ბევრი გულწრფელი შითკოინია.
Сryptolek.com
Cryptolek ყველაზე პოპულარული კრიპტოპროექტების შესახებ მიმოხილვას სთავაზობს და მომხმარებლებს საშუალებას აძლევს, თითოეული მათგანისთვის სტეიკინგის სანაცვლოს მიღებული ჯილდო შეაფასონ. კალკულატორთან უფასო წვდომის მიღება ვებ-გვერდ Cryptolek-ზე განყოფილებაში „განაკვეთი“ გადასვლითაა შესაძლებელი.
მასში ორიენტირება ადვილია და მის მომხმარებელს ინფორმაციის შეყვანისას დიდი მოქნილობას აძლევს, რაც პოტენციური მოგების ზუსტ შეფასებას უწყობს ხელს.
სერვის Cryptolek-ის მთავარი გვერდი
კალკულატორი 12 პლატფორმაზე 45 ტიკერის APR-ს აკონტროლებს. ეს გაცილებით ნაკლებია, ვიდრე სერვისზე Staking Rewards. მაგრამ აქ აქ მხოლოდ სანდო აქტივების მონიტორინგი ხდება. ნაკლებადმნიშვნელოვანს, ან საეჭვო მონეტებს სერვისის დეველოპერები აიგნორებენ.
ვებ-გვერდის უპირატესობებს ასევე, შესაძლოა, მოსახერხებელი ინტერფეისი და ინტუიციურად გასაგები ნავიგაცია მივაკუთვნოთ. არაფერია ზედმეტი იმ ამოცანების გარდა, რომლებიც მთავარ გვერდზეა დეკლარირებული.
კრიპტოვალუტების ინდივიდუალური კალკულატორები
არსებობს გარკვეული კრიპტოვალუტისთვის სტეიკინგისგან მიღებული მომგებიანობის გაანგარიშების სერვისები:
- Ethscan.org Ethereum 2.0-ისთვის;
- Qtum.info Qtum-ისთვის;
- Avax.network Avalanche-ისთვის;
- Atomicwallet.io ATOM-ისთვის;
- Adatainment.com ADA-ისთვის.
როგორც წესი, ინდივიდუალური კალკულატორები უფრო ზუსტ გამოთვლებს იძლევა, რადგან მათთვის ბლოკჩეინის მონაცემები რეალურ დროში გამოიყენება.
შევაჯამოთ
სახსრების გაყინვისთვის პლატფორმის არჩევისას ყოველთვის გაითვალისწინეთ 3 მომენტი.
1. რაც უფრო საიმედოა აქტივი, მით უფრო დაბალია APR-ს მაჩვენებელი.
2. Lock Staking საპროცენტო განაკვეთები ყოველთვის უფრო მაღალია, ვიდრე განაკვეთები ბლოკირების გარეშე.
3. ინვესტიციებისთვის აირჩიეთ პლატფორმები, რომლებსაც მოგების რაც შეიძლება სწრაფად გატანის შესაძლებლობა აქვს.
და ბოლოს: თუ თქვენ სტეიკინგის სანაცვლოს APR-ს 25%-ზე ზევით გთავაზობენ, რესურსის ვებ-გვერდი თამამად გამოტოვეთ. სტეიკინგის შემთხვევაში, სიტუაცია ზუსტად იგივეა, რაც საბანკო დეპოზიტებზე: მაღალი პროცენტი აქტივების მაღალ ინფლაციაზე, ან პოტენციურ თაღლითობაზე მიუთითებს. სასწაულები არ ხდება.
