დილის სიურპრიზი: MLB გაივსო Terra-ს ლოზუნგებით

კერძოდ, მთელი სტადიონი მორთული იყო კომპანიის ბანერებით, ლოზუნგებით „დეცენტრალიზებულ ეკონომიკას სჭირდება დეცენტრალიზებული ფული“, რამაც მაყურებელი გააოგნა და დააინტერესა.Terra-ს ბრენდის ასეთი „აღორძინება“ საკმაოდ მოულოდნელი იყო, იმ ტრაგიკული კოლაფსის გათვალისწინებით, რომელიც 2022 წლის მაისში  მოხდა.

Terra-ს და Washington Nationals-ს შორის პარტნიორობა 2022 წლის თებერვალში გაფორმდა - ანუ კატასტროფამდე რამდენიმე თვით ადრე. Terra-ს საზოგადოებამ გამოყო 38.2 მილიონი დოლარის TerraUSD (UST) ხუთი წლის განმავლობაში ამ ხელშეკრულების განსამტკიცებლად. შესაბამისად, Terra-ს ლოგოს გამოჩენა წინასწარ იყო დაგეგმილი, მაგრამ მაინც უცნაურად გამოიყურებოდა. გულშემატკივრებს აწუხებთ კითხვა, თუ როგორ და რატომ გაგრძელდა Terra-ს ბრენდინგი ამდენი ხნის განმავლობაში მისი ბოლო მარცხის მიუხედავად.

სოციალური მედიის პლატფორმები სავსე იყო თამაშზე დამსწრე გულშემატკივრების კომენტარებით. ბევრმა მათგანმა გამოაქვეყნა ფოტოები და გაავრცელა მესიჯები Terra-ს მოულოდნელი გამოჩენის შესახებ. სხვებმა კი ხუმრობით აღნიშნეს: „Terra-ს  სპექტაკლი წააგავს რუსეთის მცდელობებს, ამოსწიოს ჩაძირული კრეისერი „მოსკვა“.