თეთრი სახლი კრიპტოვალუტის მაინერებს გადასახადს დაუწესებს

DAME (Digital Asset Mining Energy) გადასახადი კრიპტომაინინგის ეკონომიკურ და ეკოლოგიურ ხარჯებთან დაკავშირებული პრობლემებისა და რისკების გადაჭრის კუთხით პრეზიდენტის თანმიმდევრული პოლიტიკის კანონზომიერი დადასტურებაა. ის გულისხმობს ელექტროენერგიის მოხმარებაზე გადასახადის სამეტაპიან შემოღებას - პირველ წელს 10%, მეორე წელს 20%-მდე ზრდით, ხოლო შესაბამისი კანონის მიღებიდან მესამე წელს - 30%-მდე მატებით. ამრიგად, 10 წლის განმავლობაში, კრიპტოვალუტის მაინერებს, გადასახადის მეშვეობით, ადგილობრივი საზოგადოებებისა და გარემოსდამცველი ორგანიზაციებისთვის  3,5 მილიარდამდე აშშ დოლარის კომპენსირება მოუწევთ. 

პრეზიდენტის ეკონომიკური ანგარიშის თანახმად, ვირტუალური აქტივების გამოშვებას თან ახლავს რეალური გავლენა ეკონომიკასა და გარემოზე. DAME-ს ძირითადი ამოცანაა, აიძულოს მაინინგ კომპანიები, გამოიჩინონ  პასუხისმგებლიანი დამოკიდებულება იმ ზარალის მიმართ, რომელსაც მაინინგის პროცესი საზოგადოებას აყენებს. კერძოდ, საუბარია გარემოს დაბინძურებაზე, ელექტროენერგიის ღირებულების იძულებით ზრდასა და კლიმატზე სათბურის აირების გლობალურ გავლენაზე.

2022 წელს სხვადასხვა დანადგარების მიერ ელექტროენერგიის მოხმარების სტატისტიკა აჩვენებს, რომ კრიპტომაინინგი საცხოვრებელი ფართების განათებასა და ტელევიზორების ელექტროკვებასთან ერთ პოზიციაზე იმყოფება და უსწრებს საყინულეებს, ვენტილატორებს, ტუმბოებს, სარეცხ მანქანებსა და ჭურჭლის სარეცხ მანქანებს. ამასთან, მაინინგ  კომპანიები ამჟამად არ უხდიან ფინანსურ კომპენსაციას ადგილობრივ საზოგადოებებს რესურსების აქტიური გამოყენებისთვის.

როგორ აისახება მაინერების მიერ ელექტროენერგიის მოხმარება ელექტროქსელებზე, ეკოლოგიასა და მოსახლეობის ცხოვრების ხარისხზე? თეთრ სახლში აღნიშნავენ მაინინგის შემდეგ უარყოფით ეფექტებს:

იმ ფაქტის გათვალისწინებით, რომ მაინინგი ვერ დაიკვეხნის იმით, რომ ადგილობრივი საზოგადოებებისა და ენერგეტიკულ ინფრასტრუქტურებისთვის ეკონომიკურ, ან სოციალურ  სარგებელს უზრუნველყოფს, თეთრი სახლი დარგის გამჭვირვალე რეგულირების დანერგვას ეროვნულ დონეზე გეგმავს. სააქციზო გადასახადი DAME არის ერთ-ერთი ინსტრუმენტი, რომელიც კრიპტოინდუსტრიის პასუხისმგებლიან განვითარებას უზრუნველყოფს და ზოგადად ქვეყანაში ფინანსური სტაბილურობისთვის რისკებს შეამცირებს.