#interest

NFTFi ბაზარი მნიშვნელოვან გამოცოცხლებას განიცდის და ამაში გადამწყვეტ როლს უზრუნველყოფილი დაკრედიტების პლატფორმა Blur Blend NFT თამაშობს. Dune Analytics-ის მონაცემებით, მისი ამოქმედების შემდეგ, ქსელში კრედიტების მთლიანმა ღირებულებამ 67 მილიონ დოლარს გადააჭარბა და ნახევარ წელიწადში რეკორდულ მაჩვენებელს მიაღწია. Blur Blend ამჟამად NFTFi ბაზარზე დომინირებს. მისი წილი ამ სექტორის მთლიანი სესხების განსაცვიფრებელ 75%-ს შეადგენს. ამ აღორძინებამ NFT-თი უზრუნველყოფილი დაკრედიტების პოტენციალის მიმართ ახალი ინტერესი და მისი გამოყენება ბლოკჩეინსა და კრიპტოვალუტურ უფრო ფართო ეკოსისტემაში გამოიწვია. NFTFi სივრცის შესახებ მეტი ინფორმაციის მისაღებად და იმის გასაგებად, თუ როგორ შეიძლება ის გახდეს ახალი ტრენდი 2023 წელს, წაიკითხეთ ვრცელი სტატია ვებგვერდზე.

კრიპტოვალუტებისადმი ინტერესის ასამაღლებლად და ბიტკოინის შემქმნელის, სატოში ნაკამოტოს ხსოვნის პატივსაცემად, ტორნადოს თვითმხილველმა გამოიყენა ამინდის ექსტრემალური მოვლენის უნიკალური კადრები, რომელიც თავად გადაიღო. ეს ადამიანი NBC News-თან საკუთარი ვიდეოს გაზიარებას იმ პირობით დათანხმდა, რომ საინფორმაციო გამოშვება შესაბამის სიუჟეტში სატოში ნაკამოტოს მოიხსენიებდა. ტორნადოს თვითმხილველმა, კრიპტელმა დეცენტრალიზებულ ციფრულ ვალუტაზე და მის იდუმალ შემქმნელზე ყურადღების მიპყრობის შესაძლებლობა იპოვა. მთავარ საინფორმაციო სიუჟეტში სატოშის სახელის ხსენებით, თვითმხილველი იმ მაყურებელთა ინტერესის გაღვივებას, ვინც კრიპტოვალუტების სამყაროს არ იცნობს და, შესაძლოა, მათი მასობრივი ათვისების ხელშეწყობას ცდილობდა. ტელეარხი NBC News, რომელსაც ტორნადოს დრამატული კადრების ხელში ჩაგდება სურდა, უჩვეულო მოთხოვნას დათანხმდა, რამაც გამოიწვია ცნობისმოყვარეობის ზრდა სატოში ნაკამოტოსა და ბიტკოინის მიმართ. არატრადიციულმა მიდგომებმა ზოგჯერ შეიძლება უფრო ფართო აღქმა და კრიპტოვალუტების სამყაროში საზოგადოების ჩართულობა გამოიწვიოს.

ჯონ რეი III-მ, რომელმაც ახლახან დაიკავა გაკოტრებული ბირჟის CEO-ს პოსტი, რამდენიმე მინიშნება გააკეთა ბირჟის აღორძინების შესაძლებლობაზე.ბილინგის უახლესი ანგარიშები ავლენს დამაინტრიგებელ ფაქტებს: რეიმ 6.7 საათი დახარჯა 2.0-თან დაკავშირებულ ასპექტებზე მუშაობაში, რაც, სავარაუდოდ, იმას ნიშნავს, რომ განახლებული ბირჟა, შესაძლოა, FTX 2.0-ს სახით მოგვევლინოს.ამ დროისთვის, ცოტა რამ ადასტურებს ბირჟის აღორძინების შესაძლებლობას, არსებობს მხოლოდ თეორიული მოსაზრებები და შიდა გეგმები. თუმცა, რეის ბოლომდე არ უარყვია ეს პერსპექტივა, როდესაც იანვარში განაცხადა: "ყველაფერი განიხილება. თუ არსებობს რეალური გზა, ჩვენ არა მხოლოდ შევისწავლით, არამედ მივყვებით მას."აპრილში, FTX-ის მთავარმა იურისტმა ენდი დიტდერიხმა გამოთქვა მოსაზრება, რომ კრიპტოვალუტურ ბირჟას შეეძლო ფუნქციონირების განახლება. ასეთ ნაბიჯს დასჭირდებოდა კაპიტალის მნიშვნელოვანი შედინება და მას შეეძლო მომავალ ბირჟაზე კლიენტები წილებითაც კი უზრუნველეყო. თუმცა, დიტდერიხმა განმარტა, რომ ეს მხოლოდ ერთია მრავალი შესაძლებლობიდან და ჯერ არაფერია გადაწყვეტილი.გავრცელებული ინფორმაციით, ვენჩურული ფირმა Tribe Capital-მა გამოავლინა ინტერესი ბირჟის განახლების დაფინანსების რაუნდის წარმართვისადმი.

ბიტკოინ-ფიუჩერსებისადმი ღია ინტერესმა წლიური მაქსიმუმის ნიშნულს 12 მილიარდ დოლარს მიაღწია. ეს ნიშნავს, რომ ბაზარმა მიიღო ლიკვიდობის მნიშვნელოვანი შემოდინება. ლიკვიდობა კი ბაზრის ალფა და ომეგაა. გარდა ამისა, დაფიქსირდა დეცენტრალიზებულ ბირჟებზე ვაჭრობის მაქსიმალური მოცულობები ბოლო 16 თვის განმავლობაში.