#it

Genesis-ის გაკოტრების საქმის პირველ მოსმენაზე კომპანიის ადვოკატმა გამოთქვა რწმენა, რომ დავები კრედიტორებთან კვირის ბოლომდე მოგვარდება. ამავდროულად, Genesis-ს სურს 4 თვეში გაკოტრების პროცედურიდან გასვლა. ჯერჯერობით, კომპანია გეგმავს განაგრძოს გადახდები თანამშრომლებისთვის და მომწოდებლებისთვის, მაისის თვისთვის კი აქტივების აუქციონზე გაყიდვას და კრედიტორების გასტუმრებას გეგმავს. არითმეტიკა ასეთია - Genesis-ს $5 მილიარდის აქტივები და ვალდებულებები აქვს , ვალები კი $3,4 მილიარდი.

მომავალ თვეში, The Open Network ქსელის ვალიდატორები გეგმავენ კენჭისყრის ჩატარებას 195 არააქტიური მისამართის გაყინვის საკითხზე. ეს მისამართები შეიცავს 1 მილიარდ მონეტას TON, რაც თითქმის 2,5 მილიარდ აშშ დოლარს შეადგენს. ასეთი გადაწყვეტილების მიღების შემთხვევაში, ბლოკირება 4 წელი გაგრძელდება და ამ საფულეების მფლობელები ამ პერიოდში ვერავითარ ტრანზაქციას ვერ განახორციელებენ. იძულებითი ჰოლდი გრძელვადიანი ჰოლდერებისთვის. ეს საინტერესოა, მაგრამ სჯობს მოკლევადიანები გაყინოთ!

მიულოცეთ კიდევ ერთ ლეგენდას კრიპტელების ოჯახში! Irish Distillers Int'l-მა, Jameson ვისკის მწარმოებელმა, დაარეგისტრირა სავაჭრო ნიშანი მეტავერსისთვის! განაცხადიდან გამომდინარე, შეგვიძლია დავასკვნათ, რომ საკულტო მწარმოებელი გეგმავს ვირტუალური ალკოჰოლის, ნივთებისა და აქსესუარების, NFT-ს ვაჭრობისთვის პროგრამული უზრუნველყოფის გაყიდვას და, შესაძლოა, მარკეტპლეისის და ვირტუალური ბარის შექმნასაც კი! გოუ, გოუ, Jameson! ჩვენ არ ვიცით, როგორი იქნება ეს ყველაფერი, მაგრამ ყოველი ასეთი ბრენდი mass adoption-ს უწყობს ხელს.

შეთანხმება, რომელმაც კრიპტობირჟა ბუნდესლიგის კლუბის პრემიუმ- პარტნიორად აქცია, გაგრძელდება 2023 წლის ივნისის ბოლომდე. ახალი პირობების მიხედვით, Coinbase თავისი პროდუქტების და სერვისების რეკლამირებას Signal-Iduna-Park-ზე (კლუბის საშინაო სტადიონი) მოახდენს და უზრუნველყოფს გუნდის წევრებს კრიპტო-საგანმანათლებლო პროგრამებით. გარიგების თანხა არ გამოცხადებულა. მაგრამ ეს არ არის ძალიან მნიშვნელოვანი. ჩვენ ხომ მაინც „ბარსელონას“ ვქომაგობთ.

Stellar Development Foundation-მა გამოაცხადა, რომ ის უერთდება აშშ-ს სასაქონლო ფიუჩერსების ვაჭრობის კომისიის საკონსულტაციო კომიტეტს. ბლოკჩეინ-კომპანია Stellar პირველად შეუერთდება ტრადიციულ ფინანსების წარმომადგენლებს JP Morgan-ს, Goldman Sachs-ს და BlackRock-ს და ხმის უფლებას მიიღებს ინსტიტუციონალური დონის საკითხების გადაწყვეტაში. SDF-ის წარმომადგენლებმა უკვე განაცხადეს, რომ ისინი თავიანთ ძალისხმევას პირველ რიგში სახელმწიფო სტრუქტურებში Layer1 პროტოკოლების გამოყენებასა და სტეიბლკოინებით საბანკო გადარიცხვების შესაძლებლობისკენ მიმართავენ.

ჯონ რეის, FTX-ის ახალი აღმასრულებელი დირექტორის, პლატფორმის შესაძლო აღორძინების შესახებ გაკეთებული განცხადებიდან ერთ დღეში თაღლითებმა შექმნეს ყალბი FTX2.0 ტოკენი. FTX2.0 სკამ-ტოკენი მასიურად იგზავნება რეგისტრირებული მომხმარებლების საფულეებში და Justin Sun-ის, KuCoin-ის და Binance-ის ანგარიშებზეც კი მოხვდა. ბლოკჩეინის უსაფრთხოების კომპანია PeckShield-მა ოფიციალურად გამოაცხადა, რომ FTX 2.0 სმარტ-კონტრაქტს აქვს ხვრელები, რომლებიც ჰაკერებს საშუალებას აძლევს მოიპარონ სახსრები მომხმარებლების ანგარიშებიდან. "ახალ აირდროპში" მონაწილეობის მისაღებად მომხმარებლებს სთავაზობენ ბმულზე გადასვლას, რომელიც ფიშინგს წარმოადგენს. და ყველაზე უარესი იმაში მდგომარეობს, რომ ტოკენის კოდი უშვებს მისი შეძენის შესაძლებლობას, მაგრამ კრძალავს მის გაყიდვას. ამიტომ, მისი ფასი სწრაფად იზრდება, რაც იწვევს FOMO-ს ტალღას FTX მომხმარებლებში.

Chainalysis-ის გამომძიებლები ამტკიცებენ, რომ დაახლოებით 155 მილიონი აშშ დოლარის თანხა იქნა გატანილი Genesis ბირჟიდან გაკოტრების გამოცხადებამდე რამდენიმე საათით ადრე: 50,000 ETH Coinbase-ზე 20,000 ETH Bitstamp-ზე 5000 ETH და 3,9 მილიონი დოლარი Kraken-ზე 7.7M FTM Binance-ზე 36 მილიონი დოლარი უცნობ საფულეზე ზოგიერთი ანალიტიკოსი ვარაუდობს, რომ ეს შეიძლება იყოს Genesis-ის მიერ კრედიტორების წინაშე დავალიანების ნაწილობრივი დაფარვა. რა თქმა უნდა! ეს ხომ ზუსტად ის არის, რასაც ყველა ბანკროტი აკეთებს გაკოტრების გამოცხადებამდე.

რუსული პლატფორმა Solaris-ი გატეხა სავაჭრო პლატფორმა Kraken-მა, რომელიც ასევე რუსულენოვან აუდიტორიაზეა ორიენტირებული. Kraken-ში აცხადებენ, რომ აკონტროლებენ Solaris-ის ინფრასტრუქტურასა და Gitlab-ის რეპოზიტორიუმს, ასევე დაბლოკეს და გაძარცვეს მათი კრიპტოვალუტის საფულეები. ორივე პლატფორმა რუსულ ოპერატორთან არის დაკავშირებული და ორივეზე დარქნეტში ნარკოტიკებით და იარაღით ვაჭრობის მთლიანი მოცულობის დაახლოებით 25% მოდის. დანამდვილებით ცნობილია, რომ Solaris-ი სარგებლობდა კრემლის მომხრე ჰაკერების Killnet-ის მომსახურებით, რომლებმაც 2022 წელს განახორციელეს DDoS შეტევები უკრაინასა და ევროპაში სახელმწიფო სერვერებზე. Solaris-ის ყველა მომხმარებელი ახლა ავტომატურად გადამისამართდება Kraken-ის საიტზე, რადგან ჰაკერებმა არა მხოლოდ კოდზე და საფულეებზე მოიპოვეს კონტროლი, არამედ გააკეთეს გადამისამართებაც. უსასრულოდ შეიძლება უყურო სამ რამეს: ცეცხლის ალს, წყლის დინებას და რუსებს, რომლებიც ერთმანეთს ანადგურებენ. დღემდე უცნობია, რა არის ეს Kraken-ი. იქნებ ჩვენიანია ვინმე.

9 წლის წინ ვიტალიკ ბუტერინმა მსოფლიოს წარუდგინა თავისი სმარტ-კონტრაქტების პლატფორმა Ethereum-ი. ეს მოხდა Bitcoin Forum-ზე, სადაც გამოჩნდა პოსტი "Welcome to the New Beginning!". თარიღი არ არის საიუბილეო, ამიტომ არც ყვავილები იქნება, და არც ტაში. მაგრამ იმის თქმა გვინდა, რომ ყველა, ვინც ეს ამბავი წამოიწყო, გავლენიანი კრიპტო მოთამაშე გახდა. აი ასეთი კრიპტო-მაფია გავრცელდა მთელ მსოფლიოში Ethereum-ის გუნდიდან: ჩარლზ ჰოსკინსონმა Cardano 2017 წელს გამოუშვა. ენტონი დიორიომ გახსნა Decentral Inc. და საფულე Jaxx ჯოზეფ ლუბინმა ConsenSys-ი აამოქმედა გევინ ვუდი Polkadot-ის მამა და Solidity-ის სმარტ-კონტრაქტის ენის შემქმნელი გახდა. აი ყველაფერ ამას ჩვენ ვულოცავთ ვიტალიკს!

დიახ, დიახ, ისევ უჭერენ ქანჩებს და ამკაცრებენ მოთხოვნებს. ევროპულ ბანკებს ახლა მოეთხოვებათ კრიპტოვალუტები განიხილონ, როგორც ყველაზე სარისკო აქტივების კლასი. მსგავს ინიციატივას დღეს ევროკავშირის პროფილურმა საპარლამენტო კომიტეტმა კენჭი უყარა. პრაქტიკაში, ეს ნიშნავს, რომ ბანკებს მოუწევთ 1 ევროს კაპიტალის შენახვა ყოველი ევროსთვის, რომელსაც ისინი კრიპტოვალუტაში ფლობენ. „ასეთი მოთხოვნები კაპიტალის მიმართ ხელს შეუწყობს კრიპტოსამყაროს არასტაბილურობის ფინანსურ სისტემაზე გავრცელების თავიდან აცილებას“, - განმარტავენ ევროპარლამენტარები. აი, ეს კი საწყენია. ჯერ ისიც გასარკვევია, უფრო არასტაბილური რომელი სამყაროა. მაგრამ ჩვენ გვყავს იგივე არბიტრი - დრო. ის განსჯის.

ზუსტად ამ დღეს, 12 წლის წინ, ბიტკოინებზე რაღაცის გაყიდვის პირველი მცდელობა შედგა. განცხადების ავტორს სურდა გაეყიდა 500 BTC-ად 1280x960 გაფართოების სურათი, რომელიც, მისი თქმნით, დაამშვენებდა დესკტოპს. იმ დროისთვის ეს იყო $1-ის ექვივალენტი. დღეს ეს არის თითქმის $12,000,000.00. როგორც ვიცით, ამ წინადადებით არავინ დაინტერესებულა. BTC-ით პირველი ოფიციალური შესყიდვისთვის მსოფლიომ აირჩია პიცა.

ევროპის ცენტრალური ბანკის საბჭოს წევრმა ფაბიო პანეტამ თქვა, რომ ციფრული ევრო არ ითვალისწინებს ფულის დახარჯვის შეზღუდვების დაწესების შესაძლებლობას. ეს არის საზოგადოების ერთ-ერთი მთავარი წუხილი ცენტრალური ბანკის ციფრული ვალუტების (CBDC) გავრცელებასთან დაკავშირებით, რადგან თანამედროვე ტექნოლოგიები ამის გაკეთების საშუალებას იძლევა. კარგი, გვინდა გვჯეროდეს... მაგრამ მათ შეუძლიათ დღეს ერთი რამ თქვან, ხვალ კი მეორე.

Coinbase-ის პროდუქტების განყოფილების ხელმძღვანელმა კონორ გროგანმა ყურადღება გაამახვილა ანონიმური საფულეების მიერ განხორციელებულ საეჭვო ტრანზაქციებზე, რომლებიც ყიდულობდნენ მონეტებს Binance-ზე ლისთინგის თაობაზე განცხადების გამოქვეყნებამდე რამდენიმე წუთით ადრე და ყიდდნენ მათ პამპის მომენტში. ეს ტრანზაქციები მოიცავდნენ Rar, ERN, TORN და RAMP ტოკენების შეძენას. გარიგებების თანხები მერყეობდა $100,000-დან $900,000-მდე. „ტრეიდერებმა“ რამდენიმე გარიგებაში მილიონობით დოლარის შოვნა მოახერხეს. გროგანი ვარაუდობს, რომ ამის უკან შეიძლება იდგეს "არასაიმედო თანამშრომელი, რომელსაც აქვს წვდომა ინფორმაციაზე ლისთინგის შესახებ და API პლატფორმაზე".

Ethereum-ის მხარდამჭერები მოუთმენლად ელიან მომავალ კრიპტო-გაზაფხულს. ქსელის კიდევ ერთი განახლება, სახელწოდებით Shanghai Fork, მარტშია დაგეგმილი. Shanghai Fork-ი მომხმარებლებს მისცემს საშუალებას წვდომა მიიღონ Ethereum Beacon-ის ქსელში ბლოკირებულ სახსრებზე. კონტრიბუტორები შეძლებენ ტრანზაქციის გადამოწმებაში მონაწილეობას და განახლებული Ethereum-ის გამომუშავებას. JP Morgan თვლის, რომ Shanghai Fork-ი სასიამოვნო სიურპრიზი იქნება Coinbase-სთვისაც. სავარაუდოა, რომ ამ კრიპტობირჟის საცალო ინვესტორების 95%-მდე შეძლებს მონაწილეობა მიიღოს Ethereum-ის სტეიკინგში განახლების შემდეგ. საქმე იმაშია, რომ Coinbase-ს შეუძლია წელიწადში დაახლოებით. $225-$545 მლნ დამატებითი შემოსავლის იმედი იქონიოს.

ჯეიმს გორმანმა, Morgan Stanley-ის CEO-მ, განაცხადა, რომ გლობალური ეკონომიკა პიკედან გამოვიდა. პოზიტიურ ცვლილებებს ორმა ფაქტორმა შეუწყო ხელი: აშშ-ში ინფლაციამ პიკს მიაღწია აშშ-სა და ჩინეთს შორის ურთიერთობა გაუმჯობესდა გორმანი თვლის, რომ ჩინეთმა და შეერთებულმა შტატებმა საბოლოოდ მიაღწიეს შეთანხმებას: იმის ნაცვლად, რომ მსოფლიო სიმდიდრე ერთმანეთში გადაანაწილონ, გადავიდნენ მისი გაზრდის მისწრაფებაზე, რათა ყველამ მეტი მიიღოს. გორმანი ასევე ვარაუდობს, რომ FRS-ი არ გაზრდის განაკვეთებს 25 საბაზისო პუნქტზე მაღლა მომავალ თვეში. როგორც ჩანს, კრიპტოვალუტის ბაზარი სოლიდარულია.