#law

გაკოტრებულმა კრიპტოკრედიტორმა კომპანია Circle-ის ბალანსზე 150 მილიონი USDC გაგზავნა. ეს ნიშნავს, რომ ეს თანხა აშშ დოლარში უკუგადაცვლას ექვემდებარება. გაყიდვა კომპანიის კრიპტოაქტივების განტვირთვის სტრატეგიის ნაწილია, მიუხედავად მარეგულირებლების განცხადებისა, რომ Voyager-ის გეგმა თავისი კრიპტოვალუტის გაყიდვის შესახებ შეიძლება არღვევდეს კანონებს ფასიანი ქაღალდების შესახებ.

OpenAI-ში გუშინ განაცხადეს, რომ GPT-4-მა GRE-ში 100-დან 90-ზე მეტი ქულა მიიღო, რაც აუცილებელი ბევრ ასპირანტურაში ჩარიცხვისთვის. ხელოვნურმა ინტელექტმა ტესტის დროს შეძლო ასეთი სპეციალობების გამოცდების ჩაბარება: ადვოკატურა; მათემატიკა; ბიოლოგია; ქიმია; პროგრამირება. ასევე აღმოჩნდა, რომ GPT-4 კარგად ერკვევა ღვინოში და საჭიროების შემთხვევაში ფრანგულ რესტორანში სომელიედ მუშაობასაც შეძლებს.

პირველად არ ხდება (და არც მეათედ),რომ იუთუბისა და დიდი სპორტის ვარსკვლავს, სკამ-პროექტების ხელშეწყობაში ადანაშაულებენ. იგივე ბედი ეწია პროფესიონალ მებრძოლს ლოგან პოლსაც. მის წინააღმდეგ შეტანილია კოლექტიური სარჩელი პროექტ CryptoZoo-ს ინვესტორებისგან, რომელიც ტიპიური Rug Pul lაღმოჩნდა. პოლი ამ საწარმოს ერთ-ერთი დამფუძნებელი იყო, ამიტომ მოსარჩელეებს კომპენსაციის მისაღებად საკმაოდ კარგი შანსი აქვთ. თუ რამეა, ჩვენ გვაქვს ინსტრუქციები რომ ინვესტირებამდე პროექტი გავაანალიზოთ.

გუშინ ინვესტორმა დელავერის საკანცლერო სასამართლოში სარჩელი შეიტანა. Coinbase-ის ხელმძღვანელობას (ხელმძღვანელისა და CEO-ს, ბრაიან არმსტრონგის ჩათვლით) ორი წლის წინ, კომპანიის საჯარო ლისტინგის დროს, $2,9 მილიარდის ოდენობის აქციების გაყიდვაში ადანაშაულებენ. სარჩელში აღნიშნულია, რომ კომპანიამ შეთანხმება გააფორმა საკმაოდ მნიშვნელოვანი ნეგატიური ინფორმაციის გამოქვეყნებამდე, რომელმაც ბაზრის ოპტიმიზმი ძალიან შეარყია. იმავე დღეს სან-ფრანცისკოში კიდევ ერთი სარჩელი სულ სხვა საკითხთან დაკავშირებით შეიტანეს. ამ ბრალდებაში საუბარია იმაზე, რომ Coinbase-მა, სავარაუდოდ, დაარღვია ილინოისის კანონი ბიომეტრიული კონფიდენციალურობის შესახებ, როდესაც მომხმარებელთა მონაცემებს მათი წინასწარი თანხმობის გარეშე აგროვებდა. როგორც ჩანს, Coinbase ტურბულენტურ ზონაში მოხვდა? გამოვიჩინოთ მოთმინება და დაველოდოთ, რა მოხდება შემდეგ. დიდი ალბათობით, ეს უბრალოდ შიშის, გაურკვევლობისა და ეჭვის (FUD) მორიგი ტალღაა ჰორიზონტზე, თუ კრიპტოვალუტის გიგანტს უფრო სერიოზული პრობლემები აქვს?

ილინოისის შტატმა გადაწყვიტა, ბლოკჩეინის სამყაროში რაღაც თვალშისაცემი გაეკეთებინა და მას ეს გამოუვიდა. ბიჭებს ადგილობრივი სენატიდან სურდათ, ჰქონოდათ შესაძლებლობა... ბიტკოინის ტრანზაქციები გაეუქმებინათ. „კანონი ციფრული საკუთრების დაცვის შესახებ" ამბობს, რომ ვალიდატორებმა უნდა გააუქმონ ტრანზაქციები და დაუბრუნონ თანხა გამგზავნს, ან გადარიცხონ სახელმწიფო ხაზინაში, თუ ამას სახელმწიფო პროკურორი მოითხოვს. იგივე ეხება სმარტ კონტრაქტებსაც, რომლებიც სასამართლოს გადაწყვეტილებით უნდა გაუქმდეს. შემდეგი მოსალოდნელი კანონპროექტის სახით მზის ხელოვნური ჩასვლის შესახებ გადაწყვეტილებას უნდა ველოდოთ?

გუშინ აშშ-ის ფასიანი ქაღალდებისა და ბირჟის კომისიამ კრაკენს ფსონის სერვისის დახურვა მოსთხოვა. დღეს კი SEC-ის კომისარი ჰესტერ პირსი საკუთარი კოლეგა-მარეგულირებლების გადაწყვეტილების წინააღმდეგ გამოვიდა. პირსის აზრით, SEC-მა უნდა შეიმუშაოს გამჭვირვალე რეგისტრაციის წესები და არა აკრძალოს სერვისი, რომელიც სარგებლის მომტანია როგორც ინვესტორებისთვის, ასევე კომპანიისთვის. "იძულებითი ზომების გამოყენება იმისათვის, რომ ხალხს ვუთხრათ, თუ რა არის კანონი განვითარებად ინდუსტრიაში, არ არის ეფექტური ან სამართლიანი რეგულირების საშუალება", - აღშფოთდა კომისარი. რა არის კომისრის შემდეგ მომდევნო თანამდებობა ? მოამზადეთ პეტიცია!

თავის ახალ პოსტში, სემ ბენკმენ-ფრიდმა აღმოაჩინა შეუსაბამობა Sullivan & Cromwell (S&C) იურიდიული ფირმის მიერ დელავერის სასამართლოში შეტანილ საბუთებში, სადაც აღნიშნულია, რომ FTX US გადახდისუუნაროა. S&C-მ, რატომღაც, FTX US -ს საბანკო ანგარიშებზე არსებული 428 მილიონი აშშ დოლარი არ მიათვალა აქტივებს. თავისი შემდგომი გამოთვლების შედეგად, CBF ასკვნის, რომ FTX-ს ჰქონდა ასობით მილიონ დოლარით იმაზე მეტი, რაც საჭირო იყო კლიენტების წინაშე ვალდებულებების დასაფარად. სემ, უბრალოდ, დააბრუნე ფული!