#BTC

დიდი ბრიტანეთის სააპელაციო სასამართლომ დაადგინა, რომ Tulip Trading-ის სარჩელს BTC-ის 16 დეველოპერების წინააღმდეგ ლონდონის სასამართლო განიხილავს. თუ თქვენ ეს არაფერს გეუბნებათ, მაშინ დავამატებთ, რომ მოსარჩელე ფაქტობრივად არის კრეიგ რაიტი, მეცნიერი და კომპიუტერის სპეციალისტი, რომელიც ამტკიცებს, რომ სწორედ ის არის ნამდვილი სატოში ნაკამოტო, რისთვისაც მას სისტემატურად ხვდება ბიტკოინ- საზოგადოებისგან. გასული წლის ოქტომბერში ნორვეგიის სასამართლომ დაადგინა, რომ რაიტმა თავისი BTC ავტორობის დამტკიცების მცდელობისას ცრუ ჩვენება მისცა.

ზუსტად ამ დღეს, 12 წლის წინ, ბიტკოინებზე რაღაცის გაყიდვის პირველი მცდელობა შედგა. განცხადების ავტორს სურდა გაეყიდა 500 BTC-ად 1280x960 გაფართოების სურათი, რომელიც, მისი თქმნით, დაამშვენებდა დესკტოპს. იმ დროისთვის ეს იყო $1-ის ექვივალენტი. დღეს ეს არის თითქმის $12,000,000.00. როგორც ვიცით, ამ წინადადებით არავინ დაინტერესებულა. BTC-ით პირველი ოფიციალური შესყიდვისთვის მსოფლიომ აირჩია პიცა.

ბიტკოინის მაინერმა, მხოლოდ 10 ტერაჰაშის აპარაული სიმძლავრით დამოუკიდებლად შეძლო ახალი ბლოკის მოპოვება. ასეთი ჰეშრეიტით ასეთი ჯეკპოტის ალბათობა 0.00001%-ზე ნაკლებია! მაინერის ჯილდომ ბლოკზე 6,25 ბიტკოინი ანუ $131,000 შეადგინა, რაც მრავალჯერ აღემატება ძველი Asic-ის ღირებულებას. თუმცა, თუ თქვენ გაგიჩნდათ დაუოკებელი სურვილი, გაიქცეთ AliExpress-ზე ენერგოტევადი აღჭურვილობის შესაძენად, გახსოვდეთ, რომ ეს მაგალითი-ნამდვილი სასწაულია.

WSJ-მ გამოაქვეყნა სენსაციური სტატია ჯადოსნური კოდერ-მეინთეინერების ჯგუფის შესახებ, რომლებსაც Bitcoin Core-ს მხარდაჭერა აქვთ და ქსელის გათიშვა ნებისმიერ დროს შეუძლიათ! ირკვევა, რომ Bitcoin Core-ს მხოლოდ 5 მეინთეინერი ჰყავს და გუნდის მეექვსე წევრმა ის გადაღლისა და ჯანმრთელობის პრობლემების გამო დატოვა. BTC-ის მთელი არსებობის მანძილზე მხოლოდ 17 ადამიანს ჰქონდა წვდომა კოდის შეცვლაზე. უფრო მეტიც, კოდების ბაზა ინახება GitHub-ზე, ანუ საიტზე, რომელიც Microsoft-ს ეკუთვნის … რაო? 5 რეპტილოიდი წყვეტს დედამიწაზე ყველაზე დეცენტრალიზებული პროექტის ბედს? სანამ ჩვენს რედაქტორს გულის არაპირდაპირ მასაჟს უკეთებდნენ, ჩვენმა „ტექნიკოსებმა“ ყველა დაამშვიდეს და დაარწმუნეს იმაში, რომ ეს არის ნამდვილი FUD-ი და არსებობს მრავალი გზა ამ ბიჭების ნებისმიერი მანევრის თავიდაც ასაცილებლად . ასევე გვაქვს უარყოფა ცნობილი შიფროპანკის ადამ ბეკისგან. ამოვისუნთქოთ!

ვალენტინობის დღეს Cardano-მ განახლება Valentine გამოუშვა. როგორც ჩანს, იმისთვის, რომ მარტოხელა დეველოპერები უსაჩუქროდ არ დარჩენილიყვნენ. რა ხდება განახლებასთან დაკავშირებით? ქსელთაშორისი ხიდების შექმნის შესაძლებლობა ტრანზაქციებისთვის ბლოკების სხვადასხვა ჯაჭვებს შორის. კრიპტოგრაფიული ფუნქციების გაფართოება. dApp-ის შემუშავების გაუმჯობესება სმარტ კონტრაქტის პლატფორმაზე. ADA ტოკენის ფასი 8%-ით გაიზარდა და BTC-სა და ETH-ს გადაუსწრო.

როგორც კი სემ ბენკმენ ფრიდი 250 მილიონი დოლარის გირაოს სანაცვლოდ გაათავისუფლეს,თითქმის მაშინვე საფულეზე მოძრაობა დაიწყო. გარდა ამისა, ინტერნეტში მუდმივად ვრცელდება ჭორები, რომ ის ამჟამად არა მშობლების სახლშია ფეხზე ელექტრონული სამაჯურით, არამედ სადღაც ალამედას ოფისში. საზოგადოება მივიდა დასკვნამდე, რომ ხუჭუჭა სემი თავხედურ გაქცევას გეგმავს და მარეგულირებლების მოსასყიდად კრიპტოვალუტას აგროვებს. გარდა ამისა, კომპანიის საფულეების მსგავსი დაცლა მაშინ დაფიქსირდა, როდესაც Terra-ს აღმასრულებელი დირექტორი დო კვონი გაუჩინარდა (ხო,მართლა, სად არის ახლა დო კვონი?) და აი რიტორიკული კითხვაც: რატომ დააყადაღეს მარეგულირებლებმა FTX-ის ანგარიშები და არა Alameda-სი? ყველა ხედავს, რომ ეს ორი კომპანია ერთმანეთთან არის დაკავშირებული, რადგან ორივეს ერთი და იგივე ადამიანი მართავდა (უფრო სწორად, ასამარებდა).